سجل دخولك ببيت شعر

[Prime Rose]

صوتك يكفينـي بـلا شـوف

هل كيف في شوفك ولا ماك؟




ولاحس بتكلف ولا خوف..

لا شفت بسمة من ثناياك..




ارجوك ياسيد المها روف

وش خانت الدنيا بلياك!!





ماظن قلبي لغيرك يشوف

مادمت حي واشوف روياك



ووووبس

[المحيط الهادي]

جدار الطين

على ذاك الجدار اللي على حد البيوت الطين
وقفت وهاجـس الذكـــرى نفض في قلـبي اغباره

وقفت اطلق مدى شوفي واناظر مفرق الدربــين
واشوف الدار وعيوني تضـــم الدرب وجـــداره

اجل هذا الجدار اللي سهـر يوم العرب غافين
اجل هـذا الصديق اللي ذكرته واذكر اسـراره

انااذكر يوم يجمعنا يغطينا برمش الـــعيـن
نســج ليله وسوى به على عـــشاقه اســـتاره

حجـر لكــن احــس انه يحــس بفرحة القلبـين
احـس انه نفـس لكـن غدى جامد من اقــــداره

حجر يوم العرب تنسى اذا مرت عـليهااسنين
حجر يوم العرب تنسى حبيبا مبـــعده داره

ولكن الجدار اللي تركته من هذاك الــحين
عرفني يوم قابلــته وبلــل دمعي احــجاره

جـلست وهاجت الذكرى وقلت بخاطري مسكين
ثمان اسنين في وحــشه ولااحـد بـيننا زاره

وفا ذاك المكان اثبت بآن الادمي من طين
تخيّّّل يوم لامسته تنهـــد من شــــقا ناره

سآلني قال انااذكركم تجوني بالظلام اثنين
بكيت وقلت صدقني رحـل وانقطــعت اخباره

الشاعر / عوض القطياني

[Abo Lama]

بين فرحة لقاك وهم فرقاك
لاتذكرت جرح ولا نسيتك

حي هالشوف ماتنمل دنياك
شف سواة العيون ليا لقيتك

عين تشربك شوف وعين تظماك
لاذبحني ظماك ولا رويتك

قمت اخيلك هنا ... وهناك .. وهناك
وين ترحل بي النظره نصيتك

ان تبسمت قلت الموعد شفاك
وان تمنعت بانفاسي دعيتك

وان طلبت الغلا قلت الغلا جاك
وان سكنت الخفوق البيت بيتك

وان نثرت القصيد بدرب لاماك
ذاع صيت القصيد وذاع صيتك

يارجا العمر لو حفتك الاشواك
ليتك اول طريق القلب ليتك

ودع البرد كف ضم يمناك
صافح الود قلبي يوم جيتك

حي هالشوف رغم هموم فرقاك
لو تناسيت جرحي مانسيتك



مساعد الرشيدي

[sokara]

أنيس العمر مفتاح القلوب *** صديق صادق مر الزمان
حمدت الرب علّام الغيوب *** على إنعامه في كل شان
فإنعام ربي أضاء الدروب *** وأنت دليل لمرسى الأمان
وشمسٌ أطلت وحان الغروب *** وما زال عمري أسير زمان
فلما ظهرتَ أزلت الكروب *** و أسعدت عمري بكل الحسان
فمهما أطلت وزدت الخطوب *** فما أستطيع بفصل البيان
وأدعو إلهي منير القلوب *** بغفران ذنبي وحتى البنان

[Prime Rose]

لاتنشد الرحّال وش فيه ماعاد..





عن رجعته يمكن حدّنه ظروفه!!




:)

[Abo Lama]

جابك الله من غياب ٍ ضيّـق صـدور المبانـي
قبل لا الوحشه تزعزع بيتك الصلـب وتبيـده

بيتك اللي من رحلـت وكـل جدرانـه تعانـي
ماتحمـل ينتظـر شهريـن وعيونـك بعيـده

الله العالـم لـو إنـك جيـت متأخـر ثوانـي
ماتشوف إلا بقايا مـن حصـاه ومـن حديـده

جيت مابيك تحقرني جيت أبيـك تعـز شانـي
جيت أبي فزعة ظلوعك من مشاعرك البليـده

خلني داخل (حدودك) وأجبـر بخاطـر زمانـي
أكذب بباقي (وعودك) وأصدق بلحظـه سعيـده

أنتشلني من (بـرودك) لـو تولّـع بالمحانـي
عطني أحساس (بوجودك) وأخذ كل اللي تريـد

تكفى واليا قلت :تكفى بيع خلـق الله عشانـي
لاتضيّع من يدينـي فرصـة العمـر الوحيـده

يعلم الله شفت منـك ومـن غيابـك ماكفانـي
كان ماتقـدر تخفـف هـم قلبـي !! لاتزيـده

شف غيابك وش يسوي بالصـدور وبالمبانـي
وأنت تدري كيف كانت صدمت غيابك شديـده

والله أنك لو وصلـت البيـت متأخـر ثوانـي
مالقيت إلا بقايـا مـن حصـاه ومـن حديـده




حامد زيد

[young lady]

أعرف أميز بينكم ميت و حي

ما يستوي بحر غزير و ساقي..

[Prime Rose]

احد سأل عني



واحد نسى يسأل...







يعذرني الأول..


ماحد سأل عني!!!!









بدر بن عبدالمحسن

[!!عليان ريري!!]

يلعنـك يـوم ٍ فيـه حـنـا التقيـنـا
ويلعنك حـب ٍ يسقـي المـر راعيـه

ويلعنـك حـظ ٍ سـاد ظلمـه علينـا
ويالعنبـو الفـراق لاابـو طـواريـه

معقـول فـي لحظـه انهـدم مابنينـا
وانهد صـرح ٍ شامـخ سنيـن نبنيـه

ولاعـاد بـه حـل ٍ تطولـه يديـنـا
لا فـي يـدي حيلـه ولا فـي اياديـه

ضاقت من الاحساء الـى حـد سينـا
عياء زمانـي لا يجـي مثـل ماابيـه

وحل الفـراق مـن دون ذنـب جنينـا
وحبـي وحبـه حـان للوقـت ينهيـه

ليت الزمان يحـس .. ويحـس فينـا
ويذوق بالفرقـاء وش اللـي نعانيـه

أي والله إنــا بالمـفـارق بكـيـنـا
وببكي وببكـي وكـل لحظـه اببكيـه

وراحت .. وانا والموت .. والله استوينا
وعقبه حلفت الحزن .. والله .. لااخاويه

ودمـع ٍ ملكتـه مـن قديـم السنينـا
لاازريه لين يجـف وارويـه وازريـه
ولك يازمن .. وعد اطربـك بالونينـا
وشوقك لتعذيب البشر .. عهد لاارويـه

بس لي طلـب واحـد وسجلـه دينـا
شخص ٍ هويته ارجووك ماجاه يكفيـه

ومراكب احزانـك لهـا الصـدر مينـا
ونزل بضاعـات الالـم فـي موانيـه

ولاني براجـي منـك عطـف ٍ ولينـا
هـذا انـا ... وسـو بـي ماتسويـه



ــ ــــ ــــ ــــ ــــ ــــ ــ

وهذي وحده ثانيه لعيونكم :)

تجاهلت الحقايق وارفض الواقـع لـجـل احـسـاس
.......................واكذب كـل هالواقـع وكلـه لـخـاطـر احساسـي
اعرف ان الذي يبناء .. يطيح ان ماوضع له ساس
.......................وأكيد يطيح ماأبنيه .. مـدام ان الوهـم ساسـي
انا بنصاع للواقع .. وبمـشـي فـي دروب اليـاس
.......................وليش اعيش في كذبه .. نهـايتهـا البطـل ياسـي

عليان ريري

:)

[young lady]

أخوي عليان لا يجوز لعن اليوم و لا الساعه و لا الدقيقه.....ولا أي شي يتعلق بالزمن

و منه قول البعض منا "يلعن اليوم/الساعه اللي عرفتك فيها.......

لأن الله عز و جل قال_فيما معناه_في الحديث القدسي"لا تسبوا الدهر فأنا الدهر"

تقبل نصيحتي أخي بصدر رحب.....أعرف أو أظن أنك لست الكاتب لكنك الناقل


دمت بود...

[far star]

لكل امرىءٍ مِنْ دَهْرِهِ ما تَعَوّدَا *** وعادَةُ سيفِ الدّوْلةِ الطعنُ في العدى

وَإنْ يُكذِبَ الإرْجافَ عنهُ بضِدّهِ *** وَيُمْسِي بمَا تَنوي أعاديهِ أسْعَدَا

وَرُبّ مُريدٍ ضَرَّهُ ضَرَّ نَفْسَهُ *** وَهادٍ إلَيهِ الجيشَ أهدى وما هَدى

من روائع المتنبي...

[!!عليان ريري!!]

تكفين ياطيور حرار افزعـي لـي
ابي عن ديار الاهل منك اخبـار
تكفين حومي فوقهم وارجعـي لـي
ولا ان حصلك حومة داخل الـدار
تكفين حـول بيوتهـم دوري لـي
سبعة فروخ يـوم اخليهـم صغـار
شوفي ضناي وعودي وانكفي لـي
وشلونهـم ياعلهـم صـارو كبـار
نسيوا دفاي ونومهـم فـي شليلـي
وش علمهم ياعلهم لطول الاعمـار
قولي لهـم ان امكـم لـة عويلـي
خمس سنيـن دمعهـا دوم مـدرار
وقولي لهم اني علـى طـول ليلـي
انوح وليا قـرب الصبـح انهـار
وقولي عيونـة دايـم لـة هميلـي
تبكي ليا شافت مـن النـاس زوار
كل يوم اقول اغدي حديهم يجي لي
راحت سنيـن مابهـم واحـد زار
وانا اللي من سبع سنوات الحليلـي
حالي تـردت كـل مالـة وتنهـار
وفرقى ضناي الي تـردى بحيلـي
كني على شوفتهم اصلى على نـار
ياويلي كان اللـة عجـل رحيلـي
وانا لي سنين ابي لوهـي اخبـار
ياعونة اللة من يبـي يتكـي لـي
جارت علي بامر الولي كل الاقدار
تنكـروا مـن يدخلـون الدخيلـي
والي بوسط ديارهم يامـن الجـار
قولي لهم ياطيـور قلبـي عليلـي
اللة يكافي قلوبهم صـارت احجـار
تكفين وسط ديارهـم صوتـي لـي
شوفي عسى لاسمي مع الناس تذكار
وقولـي لمـن نسيانهـم يستحيلـي
يالي نسيتوهـا تـرا الوقـت دوار
وقولي لهم ان كان حملـي ثقيلـي
مرة يجون وعقبها شـي ماصـار
وانـا يتولانـي كـريـم جليـلـي
ياعلني في جنـة وسـط الابـرار

عليان ريري
:)

[Romanciah]

أنــــــــــا آســـف إذا في يـــــو حبـــــيتك.....


خــــلاص أبترك كل شيء............. مكانه
العشــق و العبــرات و الحـــسن و التيــــه
جفـــا... ملــل ... فرقـــا... تغــلي... خيانـة
هــــذا قـــــراري و سمـــــه اللـــي تسمــيه
مـــــاهمــــني ذاك المـــكـــان و زمـــانـــــه
أغلـــــيه و لا علــــني ما أرجـــــع أغلـــيه
يـــاســـــيد الماضــــي و ذيــك المكــــانـــة
أنــــــا الذي شــــــوه بشـــــرواك ماضـــيه
الحـــــــب... عرفــــــتك عـــــلى عنـــفوانه
و لا أنـــــت ما تســـــتاهل أصــــغر معــانيه
قـــــل للعــــــذر ما عــــــاد للعــــــذر خانــه
لو تبنــــي بدمعـــــك بيـــــوت المشــــاريــه
أمانــــــة.... إن كـــأنــــك تعــــرف الأمانـــة
لا تـــــذكر أنــــه كـــان لي عشـــــق أرجـــيه
جــــــاك الكــــــلام وخـــــل قلـــــبي مكانــــه
و الـــــــــــــــــــــــ ــــــــعـــــشــــــــــ ــــــــــق
و الـــــــــعـــــــــــــ ــــــــبــــــــــــــــ ـــــــــرات
و الـــــــــــــــــــحـــ ـــــــــــــســـــــــــ ــــــــــن
و الـــــــــــــــــــــــ تــــــــــــــــــــــــ ـيــــــــــــه


و سلااااااااااامتكــــم........ .

[الهمة العالية]

.:.][.:. ماهو غرور.:.][.:.
لامن صفعني الوقت أهديته ورود...
ولاهاج موجه اطعنه بابتسامه!!
عاهدت نفسي بالمواثيق وعهود...
ماانحني للذل واركع أمامه!!
بيني وبين الذل وديان وحدود...
الله خلقني من شموخ وكرامه!!
الشامخ وصفي وللوصف تفسير...
لاضاع وصف العز فيني لقيته!!
كن الثريا بيدي وين ماسير..
ماهو غروري بس وصفي عطيته!
مانحني لوصار ماصار ويصير...
لو ينحني راسي برجلي وطيته!!

[رغد111]

ماالرفيق الا رفيقه ليا اعتاز
امانفع والابلاش الرفاقه
احد لنافي مكسر الساق معكاز
واحدتشوفه وتشك بااخلاقه
بعض البشراسكب على صحبته قاز
احرق غلاه ولايهمك فراقه

[طالبه كليه]

ياليتني طفل مدلل ومملوح
اللي تبي نفسه تلاقيه بيداه

مايعرف الدمعه ولا يعرف النوح
من كثر مادلل دلاله تولاه

أن قال بابا غرد الطير بالدوح
وأن قال ماما وقع النحل بشفاه

[NiCe TuNeS]

«®°·.¸.•°°·.¸¸.•°°·.¸.•°®»لا خاب ظنك في الرفيق الموالي

مالك مشاريه على باقي الناس«®°·.¸.•°°·.¸¸.•°°·.¸.•°®»

[الوتر الحزين]

[align=justify]قالوا تحبه قلت الحب مني خذا عنــــوانه
قالو تغليه قلت هو كل الغلا وللقلب امانيه

سبحـــان من خلـــقـــه وصورة وزانـــــه
جعل الفرح دربه وجعل الحزن مايجــــيه

في حضـــورة يحـــس القـــلب بأمانــــه
وفي غيبـــته بكل لحـــظه الروح تطريه

الوتر الحزين[/center]

[بنت وائل]

مهمـا كانت غـلاتك عندي
ما تعودت اشري اللي ما يبينـي
روح عسـى الله يوفقـك مع غيـري
وانا ان شاء الله ربي بالخيـر يجازيني

[like Moon]

أمانتك قلبي تحطه بيمناك..
تكفى عطه من الغلا فوق حده..
ارخي عليه الوصل لاعدمنااك..
أبيه يشبع حاذر انك تصده..
لا لا تحاول تبتعد عنه بجفاك..
أمـــانــتــ((قـــلــبــي)) ـــك
على الكل بده..

[الهمة العالية]

لا جاتك الدنيا علي عكس ما تريد
............ و تسكرت يا خوي بوجهك ابواب
ارفع كفوفك أخر الليل تحديد
............ و أطلب من اللي ما جعل دونه حجاب

إياك تطلب يا الوفي زيد و عبيد
........... لا زيد يدري بك و لا عبيد وهاب

[DR AHLAIN]

عيون الحب لا يمكن تناظر ..... عيوب الخل لو هو عيب كله

تماري فيه وبوصفه تكابر ..... ترى من فوق خلق الله محله

[like Moon]

تلف هالدنيا على الناس وتدور
بس الزمن عندك توقف ولادااار
ادري مقصر بس لاصرت مجـــــــــبــــــور
ودي تسااامحني على حكم الاقدااار
كني بدونك عقد لاصاااار منثور
وش يجمع المنثور دااام الزمن جااااااااااااااار

[ابوخالد الخالدي]

قالوا تعلمت قلت عناد
وفراسه_
أعاند النفس والدنيا
واصارعها.
ودرست في مدرسة شيبت راسه_
دنيا العنا اللي قصيفات مطامعها.
تلميذها دايم تكتب
بقرطاسه_
وتعطيه يمنة دروس
مايضيعها.
والله عطانا نظر وشعور حساسه_
ناخذ علوم المعرفه من مراجعها.
ونساير الوقت ونقيسه بمقياسه_
ونواجه النفس بالواقع
ونقنعها.
وترى حياة الفتي مهما قوى باسه_
محفوفة بالخطر والموت تابعها.
من مبتدأ العمر حتى يلفظ انفاسه_
يمر في مرحلة تكثر
زوابعها.
أول حياة الفتى مشوار وعساسه_
مسافة في عجاج العمر يقطعها.
وثاني حياة الفتى تدريب ودراسه_
تصعب ظروف الحياة وينشغل معها.
وثالث حياة الفتى يرجع على ساسه_
النقطه اللي بدأ منها
يراجعها.
يرجع لسن الهرم ويضيع الطاسه_
ويزحف مع الأرض ويخطط شوارعها.
واليا تلاقت متونه وارتخى راسه_
ضاعت جميع العلوم اللي جمعها.

الشاعر الكبير/ رشيد الزلامي

[ابوخالد الخالدي]

طيب وش رايكم بالثلاث ابيات .... اتحداكم تفهمونها//////////////////////


و مدعشرٍ بالقعطلين تحشرمت...شرافتاه فخر كالخربعصل

الكيكزوب الهيهزوب تهيعهت....من روكفٍ كالعلقبوت المنقل

و تفشخط الفشحاط في شحط الحفا...بربا سكاه بروكف البعبعبل