انا داخله على الله ثم عليكم تكفون شوروا علي

**HOPELESS** · 24-10-2007, 02:54 AM

ساعدوني الله يخليكم وشوري علي وش اعمل

انا سلمكم اللهادرس بقريه تبعد 110 ك عن مقر اقامتي ولي اربع سنوات على هالحال وماجاني نقل

وهالسنه عطوني انتداب جزئي لان نصابي حصتين :1 (118):

وندبوني مدرسه 2 كمان نصابي فيها حصتين :1 (118):
وطلبت مني مديرة المدرسه اللي انتدبت عليها ان امسك منهج الفنيه من اول الى سادس

وافقت اول مره

وبعدين اضافت لي ريادة فصل تهاوشت

معها وكبرت براسي

ورفضت

اني امسك اي شي 2 غير تخصصي وعاندت معي وقالت لي اكتبي تعهد بانك رافضه وكتبت

وورطت حالي

ابي اعرف وش راح يكون مصيري

**ORCHIDA** · 24-10-2007, 04:17 PM

اولا .. انتبهي ولا تكررينها انك تكتبين على نفسك اي شي سواء تعهد او مخالفه مهما يكون

ثانيا ..ان شاء الله ما يصير شي .. يعني وش بتسوي بتفصلك و الا تقطع راتبك ؟؟

خليك قويه .. لانها شافتك وافقتي قالت طيبه ما ترد لي طلب .. لكن خليك عند كلامك و استودعي ربك في عملك و اجعليه خالص لوجهه الكريم

**أم التوت** · 24-10-2007, 05:27 PM

أنت قويه وما شاء الله عليك ثقتك كبيرة في نفسك وما عليك قاصر على مايقولون اثبتي أو فاوضيها اذا شفتي انها لانت يعني تعاونوا معي اتعاون معكم .... ولا تنسي أن ترددي ({ب اشرح لي صدري ويسر لي أمري)استعيني بالله ولا تعجزي وما يقطع الرقبه الا اللي مركبها

**tootalshaam** · 24-10-2007, 06:55 PM

توكلي على الله واثبتي على رايك يالغلاااا.. ..

واحب اقولك إن أي مدرسه ماتمسك ولا شي في مدرسه هي فقط منتدبه لهااااااااااااااااااااااا ا.. ..
خذي مني العلم الوكاد أنا زيك منتدبه واعرف بالضبط وش لي وش علي.. ... حتى إني ما آجي من بداية الدوام لا اهم شي قبل حصتي بنص ساعه لأني غير مطالبه إلا في المدرسه اللي انا على ملاكها فقط فقط فقط ... ..
وبيني وبينك يالغلااااا أحيانا بعض المديرات يشوفن المدرسه من اولها إذا هي طيبه وماتقول شين يعطنها كل شي...<<< يطمعن بهااااااااا...
خليكي يقظه...,,

وتحياتي...,,

**HOPELESS** · 25-10-2007, 02:41 AM

الله يسعدك يارب طمنتيني والله كنت خايفه والله يستر

**HOPELESS** · 25-10-2007, 02:43 AM

مشكوره اختي لدعمك المعنوي ونا قلت كذا بعد

**HOPELESS** · 25-10-2007, 02:48 AM

ياحسرتي تصدقين قالت لي تمسكين مناوبه لانك عندي 3 ايام بالاسبوع يعني شبه كلي وتاخرت عن الطابور الصباحي نبهتني وقالت اخر مره وهذا من يوم ما ادخل لين ما طلع ونا احصن نفسي بدعاء من خاف ظلم السلطان وربي عضدي ونصيري بهالمعركه لانها قالت لي انا كلمت الاشراف وبيتخذون فيك الاجراء اللازم قلت لها انا مستعده لاي شي يبونه

**بتلاء** · 26-10-2007, 01:11 AM

اولا يااختي المديرة مالها حق انها تطالبك باي شي سواء كان تدريس منهج اخر او ريادة اونشاااااااااط

والسبب بسيط وواضح لانك منتدبة الى تلك المدرسة يعني انت مثل الضيفة عندهم ماعليك الا تدريس منهجك وبس

وحتى الاداااااء الوظيفي ليس بيدها ربع الدرجة

والورقة الي وقعتها سوف تبقى حبيسة درج المديرة لان مالها اي حق برفعها للادارة او الموجهات

ولو رفعتها سوف تحرج نفسها لان الادارة ستقول لها بالحرف الواحد ( بليها واشربي ماءها )

وابقي يااختي الغالية صامدة في موقفك ولاتتنازلي