اليوم تصادمت مع المدير بسبب التكميل

[بدر500]

حلللللللللللللللللللللللل لوووووووووووووووووووووووو وو

[بدري علييييييك]

وأنا بعد اعاني من نفس المشكلة
مديرتي اللي بالمدرسه اللي انا مندوبه لها
تطالب مني مواضيع لمناسباتها وتطالب مني أفكار
لبعض الاعمال واللوح الخاصه في المدرسه !! طيب وش دخل ابويه في مدرستهاا!!!!
لا وبعد تطالبني اجيب لها حاجات من المكتبه طبعا بميزانية المدرسه بس تعبتني مشاااوير!!!!
الله يعين وبس

ههههههههههههههههههههه

الله يغربل عدوك

أجل وش دخل أبوك

خابر أننا معينين معلمين ما عينونا كدادية
يا أختي خليها تجي سالفة البيض اللي طاح بهم القصيبي محسوب على المستشفى ب120 ريال خوذي حقك منهم و أحسبي رزمة الأقلام الرصاص ب99عن الشكه


أقول يا أخواني و أخواتي

أنا مرصوع ب20 أيه بعشرين حصه

حصه تنطح حصه

يعني مغموووووووووووووت ما يمدي أتنفس

طبعاً بين مدرستين

لعل السنة الجاية يفرجه الله

[عربي]

السلام عليكم ورحمة الله وبركاته

اخواني واخواتي

خذوها مني صراحة

انا مكمل منذ اربع سنوات

وكملت باكثر من 15 مدرسة كلها انجلش

من خلال خبرتي الطويله في التكميل

اود ان اخبركم ان المكمل ليس له علاقه بالمدارس المكمل بها بتاتا سوى حضور وقت التكميل وبعد انتهاء حصة التكميل يقضب الباب

وليس لمدير مدرسة التكميل الحق بالزامك باي دقيقة اضافية بالمدرسة بعد انتهاء حصتك

والافضل ان تكون رسمي جدااااااا مع مدراء مدارس التكميل ولا تعطيهم وجه بتاتا

احضر قبل حصتك بخمس دقائق ووقع على دفتر الحضور واكتب في خانة الملاحظات مكمل E

وبعد انتهاء الحصة وقع انصارف واقضب الباب على طوووول ...
وعودهم على ذلك من بداية العااام.

واذا رأيت من مدير مدرسة سوء تصرف فداوم في مدرستك الاساسية وقت الحصة وتناقش مع مديرك الاساسي وابلغ مشرفك بتغيير المدرسة أو التخاطب مع مدير تلك المدرسة بعدم اعاقة عملك



وبالنسبة لدفتر التحضير

فهو شئ راجع لك اذا بغييت تحط اسم مدير مدرسة التكميل بدفترك وتجعله يوقع لك فبكيفك
واذا لم ترد فضع اسم مدير مدرستك الاساسية ومشرف المادة فقط واجعله يوقع لك دائما
وهذا افضل لكي لاتفتح على نفسك باب اسئلة بعض المدراء الفضوليين .. اين التحضير ..
اين التاريخ ماهو الدرس اين واين وكيف ....!!!
وذا طلب منك مدير المدرسة التكميلية دفتر التحضير فاجعله ينظر اليه ولا تعطه الا عند طلبه
واذا عودتهم على هذه الطريقة وهذا الاسلوب من بداية العام فستسلم من اذاهم وفضولهم ووووووو


دعواتي لجميع المدرسين المكملين للغة الانجليزية بالتوفيق والنجاح

معلومه
السنة القادمة سوف ينزل المنهج الى الصف الرابع
أعان الله الجميع.

تحيتي

[deer.net]

السلام عليكم ورحمة الله وبركاته
والله ياخوي باسل كل الكلام اللي يجي للمكملين مافيه تعميم انت وحضك لاطحة في مدير يمشي الامور كويس بس قلك انا مكمل في ثلاث مدارس وفيه مدرسه مكمل فيها حصه وحده يوم الاربعاء وغبت يوم وخصم اليوم كله علي وارسل لمديري الاساسي صوره من خطاب الخصم ومديري الاساسي ماحرك ساكن.

[دمعة طفلة]

اسفه مااقدر اساعدك

[هروج]

انا السبت والاحد انتدابي للمدرسة الثانية تكميل
ودي اجيهم على وقت الحصة
ضايق صدري من الفضاوة عندهم
ما اعرف اجلس فاضية ....
وما يسمحون لي اخرج
ليش ما يكون فية تعميم واضح وصريح لحق المعلم
الموضوع لا جا ضدنا طلعو بدل التعميم عشر .......ولا جا في صالحنا لا حياة لمن تنادي

[تركـي]

اكمل في 4 مدارس .
انا من يضع جدولي بنفسي في البيت وابلغ المدارس بالجدول كما وضعته انا حتى مدرستي الاساسية.
اخر مدرسة اخذتها هالترم جديدة توها من اسبوعين عطاني المدير يوم الاحد الحصة الخامسة والسادسة فرفضت لاني ابغاها الرابعة والخامسة وقلت له بتعدلها والا شف لك مدرس غيري وطنشته ومشيت من عنده وكلمني مدير مركز الاشراف يسأل عن اللي صار علمته وقلت له هذا ما يبغى يتعاون معي انا عندي ظرف وكفاية 4 مدارس تكميل ويعني ما يقدر يتعاون ويغير لي حصة وحدة؟ بدل السادسة ينزلها الرابعة!!!
اقصى حصة عندي الخامسة
اكمل 16 حصة على 4 مدارسة
نظام التكميل 20 حصة مدرستين
18 حصة 3 مدارس
16 حصة 4 مدارس
14 حصة 5 مدارس

سمعتي في مركز الاشراف ضاربة فوق مرة ومعروف لديهم باني معلم مميز حتى مدراء المدارس يطلبوني بالاسم يقولون الاستاذ تركي.... نبغاه يكمل عندنا انجليزي ما نبغى غيره. رغم اني امشي اللي براسي من ناحيى الجدول وتوزيع المدارس على الايام ورغم اني اجي على حصتي فقط لا قبلها ولا بعدها ورغم اني ما اعطي التحضير الا مدير مدرستي الاساسية. والسر في ذلك هو باني رسمي مع الكل ما اعطي وجه الا لمن يستاهل ولا اضحك الا مع من امون عليه. ادخل الفصل قبل بداية الحصة بدقيقة واطلع بعد ما يدق الجرس بدقيقة (( طبع فيني )) ولا اغيب الا نادراً. نصيحة لوجه الله من اخلص العمل لوجه الله سهل الله له اموره والله اقولها من واقع تجربة. الحمد لله اخلصت العمل لوجه الله مو للسمعة او لارضاء احد... والنتيجة ولله الحمد والمنة صرت محبوب لمركز الاشراف والمشرفين بعد ولمدراء المدارس والطلاب حتى اولياء الامور رغم اني ثقل طينة حبتين ورغم اني رسمي مع الجميع ورغم اني احس اني ما زلت مقصر في عملي.

الخلاصة

اخلص العمل لوجه الله لا تراقب غيره
خلك رسمي مع عامة الناس تسلم منهم لأن الطيب يعتبرونه ضعيف ويستغلونة والشديد يتعبرونة قوي ويتجنبونة
من يجود طول الدهر ثم يمسك آخر يوم يسمونه بخيل ومن يمسك طول الدهر وينفق آخر يوم يسمونه كريم هذا مبدأي في التعامل مع كادر وزارة التربية التعليم ومع الناس بوجه عام الا في العلم أعطي كل ما لدي
تحدث عن نفسي كثير اسأل الله أن لا يكون ذلك رياء وأن يجعله خالصاً لوجهه
الهدف من كلامي السابق اعطاء خبرة من واقع تجربة لعلها تفيد من شارك سابقاً وانا اقول عند قراءة ردودهم الله يعينهم
تحيتي لكم

[لمووووري]

الله يكون بعونك أخي باسل

بس صدقوني ياجماعة هم بطريقة تعاملهم كذا راح يجيبولنا حالة نفسية

ونكره شي اسمه انجليزي..

أنا حصل لي نفس الشي العام مع وحدة من المديرات رفضت انه تخرجني بعد حصتي الثانية و الثالثة واصرت اني

اجلس لنهاية الدوام ( حوالي الساعة وحدة ونص)وانا ماعندي شي ومنتدبة لمدرستها..

ولا و فوق هذا كله تطالبني بنشاطات للمدرسة.... والله حااااااااااااله

ولمن قلتلها انا منتدبة عندك وماني اساسية ومالك فيني وانا ابغى اطلع بعد

حصتي قالتلي هاتيلي تعميم وابشري من عيوني اللي تبغيه يصير..

عشان كذا اللي يقدر يجيبلنا تعميم بخصوص الشي هذا لايقصر

والله يصبر معلمي و معلمات الانجليزي

قووووولوووووو آآآآآآآآآآآآميييييييييييي ن

[bigevil]

اخ باسل ........

انا معلم مكمل فى ثلاث مدارس منذ ثلاث سنوات .........

خذ العلم اللى يجمد على الشارب ... اهم نقطه فى الموضوع مدير مدرستك الاساسيه .. حطه فى جيبك .. والباقين ادعس على وجه الجيد فيهم .... حصتك والسلام ....
بس ادعس بأدب
خلك مؤدب ... ولا تعصب ولا ترادد ولا تحرق دمك ... بكل ادب وتواضع قله ... هات تعميم . لو سمحت .. اذا موجود من عيوني الثنتين .. واذا مو موجود مع كل احترامي ضف وجهك .........
كل ما يقول احد شي .. قوله هات تعميم ... .. وروح انت بنفسك لمركز الاشراف وللمشرف عليك وخذ منه التعاميم .. واعرف حقوقك .. وفهمه على الوضع ... عشان تعرف وش تسوي ...
مديري المدارس تراهم مسوين فيها وزراء ... ما يمشون الا بالمثل القائل ... ناس تخاف ما تستحي ... بس خلك نظامي .. انا اللى اعرفه انه اذا كانت حصتك اولى او ثانيه .. لازم تحضر الطابور الصباحي فى المدرسه المكمل فيها فقط .. اما غير كذا ما عندك شي .. لا تحضير ولا مناوبه ولا انتظار ...

بالنسبه لى انا مسوي الجدول بنفسي .. ولا اخذ لا انتظار ولا مناوبه ولا مراقبه ولا شي لا فى مدرستي الاساسيه ولا في غيرها ... واجي متى ما ابغا واطلع متى ما ابغا والله مافى واحد منهم قالى كلمه ... بس ولا واحد منهم قدر يمسك على غلطه .. ما عمري غبت ولا عمري تأخرت ولا عمرى قصرت وطلابي مستواهم يرتفع وشي ملحوظ فى المدارس ........ تصدق بالله السنه ذي ما سويت دفتر تحضير الا فى الاسبوع الاخير اللى قبل الحج .. ولا احد سأل عنه ...
اهم نقطه لا تقصر فى عملك وربي تقدر تاخذ حقوقك كامله .... لانها امانه ...والطلاب امانه فى رقبتك .. لا تظلمهم لان الله سبحانه وتعالى سوف يحاسبك عليها ......
اتمنى لك التوفيق ..