من سواليف شياب امريكا

**English Lover** · 19-11-2007, 03:53 PM

سلام الله عليكم رواد سعودي انجلش وضيوفه من الزائرين

كل جيل وله مصطلحات خاصة

فمثلا كبير السن يستخدم كلمات وجمل لا يستخدمها الشباب

ونفس الحال ينطبق على شياب امريكا

يعني لو رحت الى امريكا وقدر الله وطحت بشايب من شيابهم وقبل يعلق عليك بتعليق يضحك منه اللي حولك تعال ناخذ كورس خفيف لمعرفة معاني الجمل والكلمات اللي تصدر من الشياب هناك

ومن باب انك تخارج عمرك وتفهم وش الطبخه لاني في احد المرات في بريطانيا (وهم وامريكا واحد ) فاتتني محطة القطار وكنت بالمحطة الغلط وسالت اثنين من بوليس المحطة وكانوا شياب وبعد مااستمعوا لقصتي علق واحد منهم بجملة ماعمري سمعتها وضحك منها الثاني الين قلت ان مصارينه تقطعت ويبي ينسدح من الضحك ....
بس بعدها ماقصروا دلوني واذا على الضحك خلهم يستانسون .....(حيلة اللي ماله حيله هههههه

عموما هي كثقافة عامه واليكمووها :

* اذا سكنت بحي كله شياب وجلست معهم تقهوى (كثر منها هههه

المهم زعلت من شئ بسيط ومايستاهل وقال لك واحد منهم :

Don't make a mountain out of a mole hill

اعرف انك مكبر السالفة وهي ماتستاهل ....يعني طول بالك ولا تخلي من الحبة قبة

'''''''''''''''''''''''''''''''''''''''''''''''''' '''''''

اذا انك دايم تسوي فيها انك رايق وتمخمخ للامور والشئ اللي ياخذ دقايق تسويه بالساعات وطلبت منك عجوز من جيرانك شغله وطولت فيها وقالت لك :

Stay cool but don't freeze

يعني تكفى اخلص غثيتنا ترا يومك بسنه ياميت الناررررررررررر هههههههه

'''''''''''''''''''''''''''''''''''''''''''''''''' '''''''''''

اذا سمعت ان شايب من جيرانك مريض وزرته وسالته عن حاله وقال لك :

I feel like I was eaten by a walf and shit out over cliff

لا تحاول تطول عنده لانه تعبان بالحيل وصحته مش ولا بد

'''''''''''''''''''''''''''''''''''''''''''''''''' ''''''''
جاء واحد مطفوق وسوى معك موقف ماله سنع وبعدها علق شايب على موقفه وقال :

He's a sandwich short of a picnic

معناها ان الاخ اللي جاك هذا الله بالخير ..او بالاصح He's insane

'''''''''''''''''''''''''''''''''''''''''''''''''' ''''''''''''

جاتك نفس جارتك العجوز وطلبت منك تساعدها بشيل التلفزيون ..واثناء ماانت تشيل انفلت التلفزيون من يدك وانكسر

توقعها وانتظرها تقول :

That smart

بس لا تفرح وتظنها مدحه ..لانها من باب ذكر الشئ ويقصد به ضده بالمختصر انك جبت العيد

'''''''''''''''''''''''''''''''''''''''''''''''''' '''''''''''''''''''''

بعد سالفة التلفزيون نشرت العجوز القصة للجيران وكل ماشافك شايب من اخر الشارع سمعت منه هالجملة :

Don't be doppick

اكيد انه يعني انك ذيبان وقدع بالمختصر معناها : don't be stupid

'''''''''''''''''''''''''''''''''''''''''''

بغيت تحسن العلاقة مع الشايب اللي باخر الشارع وعزمته ودخل بيتك ولقى الدنيا حوسة ومعفوسة وماهي مرتبه

اذا قال :

The room looks like a dog's breakfast

لا تلومه لانه يعني انك مخليها فله بدون تنظيم ونظافة

'''''''''''''''''''''''''''''''''''''''''''''''

عزمتك العجوز من باب ترضيك عقب ماشرشحتك بالحي وانت من الفرحه دخلت وخليت الباب بدون تسكره وتصك وصاحت فيك :

Were you born in a barn?

اعرف ان مافيه امل تحسن العلاقة وروح الله يصلحك وصك الباب اللي تركته مفتوح ...واحسن انك تروح من بعدها لبيتك

هههههههههه

'''''''''''''''''''''''''''''''''''''''''''''''

مواعيدهم اذا قالوا :

Forenoon

فهم يعنون الصباح بدري

''''''''''''''''''''''''''''''''''''''''''''''''''
تعزبت مع احد منهم وجاء يصحيك من النوم الصبح وقال :

Rise and shine

تراه مايسب ...بس حب يقول لك صباح الخير في جملة حلوة

'''''''''''''''''''''''''''''''''''''''''''''''

اذا تذكر احدهم ايامه الحلوة والذكريات الجميلة وسالته سنة كم ذكراياتك ذي وقال :

That was back when heck was pup

فمعناه منذ مبطي ..ايام الحصى تمر ... قديم جدا لدرجة لا يذكر في اي عام

''''''''''''''''''''''''''''''''''''''''''

في نهاية الموضوع هذي مقتبسة من الموقع التالي :

http://www.rootsweb.com/~genepool/am...tm#expressions

تقبلوا مني كل التحايا

.

**مياسين** · 19-11-2007, 04:34 PM

شكل الديرة كلها شيبان
شكررررررررررررا .. على الجمل ...
الموقع اكثر من رائع
وعلى قولهم
That's slicker'n snot on a glass door knob

**aloe vera** · 19-11-2007, 05:45 PM

reallllllllllllllllllllllllly interesting thread

thanx

**English Lover** · 19-11-2007, 10:09 PM

مياسين

وهذا اللي حاصل

الف شكر على مروركِ هنا

**English Lover** · 19-11-2007, 10:10 PM

a good teacher

thanx you tooooo

**shy-rose** · 20-11-2007, 04:11 PM

hahahah

that's soooooo funy

SO ...... if u want 2 travel to this country again u have to take your grandfather with u 2 speak with them ... thus , u will feel happy because No one can understand u ...........

thanxxxxxx Mr.English Lover

**English Lover** · 20-11-2007, 04:33 PM

it's a good idea

you're welcome shy-rose

**Mr.X** · 20-11-2007, 04:58 PM

الا أقول ابوخالد

انت وين رحت.....!!!!!

وش الشيبان ذولا ...... يعني حتى عندهم يقطعون في الشباب ولا هم مالين عينهم

تصدق أحس ان فيه تشابه كبير بين اللي عندنا واللي عندهم في عملية التقطيع ( التهزيء )

خصوصا شغلة الضد

يوم يرسلك ابوك او جدك تسوي شغلة وتخرب ابوها.....يجيك ويقول ما شاء الله بسم الله عليك من العين وانت تصقع بذيك الأبتسامة ولا توم كروز

.....وما تدري الا وثلاث من اسنانك طايحة !!!!

تصدق استفدت كثير من هالموضوع والجمل ......يعطيك الف الف الف عافية

ملاحظة

الله يرحم والديك وش قال لك الشايب اللي في المحطة.....قسم بالله ما علم

Mr.X

**English Lover** · 20-11-2007, 05:32 PM

بالفعل ياابوشهد

اعتقد ان كبار السن في كل مكان يسخرون من الاجيال اللي بعدهم من باب ان جيلنا احسن

الرد على ملاحظة .....

بيني وبينك ...ماحد يسمع ..... اذا فيه احد بالموضوع يطلع شوي بعدين يرجع الله لايهينه

هو قال جملة سريعة وكلمات غريبة بس اللي فهمته انها تعني ..دبشه مايدري وين الله حاطه .........يعرفون دبشه ههههههههههه

حياااك

**Emmy** · 20-11-2007, 06:07 PM

السلام عليكم ورحمة الله وبركاتة
روووووووووووووووعه والله موضوع شي والاروع الموقع
تحيتي لك...........

**البريق** · 21-11-2007, 12:08 AM

اذا انك دايم تسوي فيها انك رايق وتمخمخ للامور والشئ اللي ياخذ دقايق تسويه بالساعات وطلبت منك عجوز من جيرانك شغله وطولت فيها وقالت لك :

Stay cool but don't freeze

يعني تكفى اخلص غثيتنا ترا يومك بسنه ياميت الناررررررررررر هههههههه

ههههههههههههههههههههههههه هههههههاي

حلووووووووووووووووووووووو وووه

مشكووور ع الموضوع الرائع

والله يعطيك الف عافيه

**nosa** · 21-11-2007, 01:24 AM

بسم الله الرحمن الرحيم
مشرفنا القدير ابو خالد
رائع مانقلت عن سوالف العواجيز
اصلا كل مانسمعه منهم درر وحكم تعني الشي الكثير في الحياة
لكن تصدق حزنت عليك
اكيد صلعت من كثر ماتحك راسك وتميل رقبتك وعيونك تدوووووووور
تقبل تقديري