دائما في كل عيــــد (=

**English Lover** · 19-12-2007, 11:17 AM

كل عام وانتم بخير

وعيدكم مبارك

من العايدين جميعا

عساكم من عواده سنين عديدة

دائما في كل عيد فيه اشياء لابد تنعاد وتتكرر

ولازم نشاهدها ونعيشها مرات ومرات مع هذه المناسبه السعيدة

وهذه الاشياء هي حلاة العيد وطعمه المميز بين كل المناسبات

مثلا اذا سلمت على احد من اخوانك او اخواتك وعايدتهم لازم تدخل بالغلط كلمة : كيف الحال ؟ وشلونكم ؟ عساكم طيبين ؟...مع انك كنت معه قبل ساعة

احيانا تنسى وتقابل احد من اخوانك وتكلم معه باي شئ وبعدها تذكر انك ماعايدته وتقومون تسلمون على بعض وتعايدون ...وش هالسجه يااخوان

وكثيرا ً نسيان السلام والمعايد يصير اكثر للي راحوا يصلون العيد سوا ...مرة معي واحد من اخواني وبعد الصلاة وحنا نمشي رايحين للسيارة قلت له : ترانا ماسلمنا على بعض

الاخ حياوي بالحيل قال : مايصلح الحين قدام الناس وش قولون عنا !!

قلت : متى اجل ....الاخ مستعجل هههه
قال : عند السيارة
قلت : تبرد ويصير مالها داعي
قال: يااخي احراج قدام الناس من اول نمشي مع بعض وتو نتذكر نسلم
قلت : كبرتها وهي صغيره تدري خلنا نخلص
قال: ياللا
وسلمنا على بعض بسرعه حتى من العايدين ماقلناها مانبي احد يلاحظ ههههههههههههههه

** ياكثر مايطيح العقال عند السلام على الصغار ..

** لابد في كل مناسبة نسمع بطيحة احد وهو في قمت الكشخه والتزين او ينكفي عصير او اي شئ يكون سالفة الموسم

** الصغار لازم يتهاوشون هذا اخذ حلاوة ذاك واكلها ..والا ذاك رش الثاني ببخاخ الماء او غيرها وتقعد انت تصلح بينهم وتدفع رضاوة للمتظلم وتدفع التعويض لجميع الاضرار النفسيه والعينيه

واشياء اخرى يمكن ماجات على البال لكتابة الموضوع على عجلة واذا تذكرون اشياء غير ماذكرت تحلون الذاكرة والايام الحلو

وكل عام وانتم بخير

.

**توت=** · 19-12-2007, 12:18 PM

يسلموووووووووووووووووووووووووووو

بس والله احس العيد هذا ماله طعم ابد ولاني حااااااااااسه فيه

**الفتون** · 19-12-2007, 02:12 PM

وأنت بخير ابو خالد...
وكل عام والجميع بألف خير...
والأعياد دائما ماتحمل مواقف تعلق بالذاكرة...
والآن كل الكبار يرون أن العيد فقد بريقه وفقد قيمته
ولكن أقول نظرتنا هي التي تغيرت وإلا العيد هو العيد...
ويبقى كما قلت للعيد رونق وجمال أكثر من أي مناسبة...
وياكثر المواقف الطريفة في العيد وبالذات من الصغار الذين يعتبرون
هم جمال العيد....

وأذكر هنا موقف لبنت صغيرة...كانت لابسة فستان وكاشخة ولا أحد قدها
يوم دخلت مع أمها في مكان الإجتماع تفاجأ ببنت تلبس فستان طبق الأصل
لفستانها...وبدأت تصيح تقول لأمها (ماما فتاني ) تحسبه فستانها
وفشلت كل محاولات الإقناع بلفت نظرها بأنها لابسته وان هذا للبنت الثانية ..
وبقت طول الوقت متعلقة في فستان البنت الثانية وأنواع الصياح <<( هاتي فتاني )
والبنت الثانية بدأت بالبكاء والإعتراض...
والأم عجزت تفهمها...وما تخلصوا من هذا الموقف المحرج إلا بنومهاا
... وتخليص الرهينة من الحصار هههههه<<<< تحرم مرة ثانية تشتري مثلها..

مشكور أخي الكريم على فتح هذه المساحة الجميلة في أول أيام العيد
وكل عام وانتم إلى الله أقرب...

**ميس** · 19-12-2007, 03:02 PM

أسعد الله أوقاتكم بكل فرح

وتقبل الله منا ومنكم صالح الاعمال
ولإخواننا المسلمين والمسلمات في كل مكاان

ابو خالد
أضحك الله سنك
حكاياتك مع نسيان السلام
مشهد ولا أحلى الله يخليكم لبعض

أما الطيحات فكثر منها << ما طاحت أبد

أسعدتني زيارة متصفحك اللطيف
وأيامك سعيدة يااااارب

**ام بسمه** · 19-12-2007, 06:47 PM

موضوع راااااايق
اضحك الله سنك

وكل عام وانت بخير

**English Lover** · 19-12-2007, 08:01 PM

توت

الله يسلمكِ

وكل عام والعيد احلى لكِ وللجميع ان شاء الله

**English Lover** · 19-12-2007, 08:13 PM

الفتون

وكل عام وانتم بخير وعافيه

وعيدكم مبارك

<<( هاتي فتاني )

ههههههههههههههههههه اما فتاني هذي كني اسمعها ترد في اذني

تحرم مرة ثانية تشتري مثلها..

ههههههههههههههههه و امها تقول علمونا بفستان بنتكم المرة الجايه عشان نختار غيره .... الشكوى لله

الله لا يحرمنا وجودهم وهم طعم العيد وحلاوته

الله يعطيكِ العافيه

حيااااكِ

**English Lover** · 19-12-2007, 08:16 PM

ميس

الله يسعدكِ بكل خير

ويعافيكِ وتسلمين

حيااااك دوما ً

**English Lover** · 19-12-2007, 08:17 PM

ام بسمه

وكل عام وانتم بخير وعافيه

وعيدكم مبارك

حياااكِ

*** Balqees *** · 19-12-2007, 09:16 PM

مساء الاعياد السعيدة

ابو خالد

صراحة مواقف كلها تضحك

ويا زين العيد مع الاهل بكل مواقفه >>> مغتربه

وعيدك مبارك

**عقيـــــــــد القـــــــــوم** · 19-12-2007, 09:55 PM

عفيه لوووووووفرررررر,,

كل عام وانت بخير..

**sarouna** · 20-12-2007, 05:05 AM

English Lover
مساؤك سعيد ،،
و عيد مبارك ،،

استمتعت كثير الله يسعدك ويحفظك
الله لا يحرمنا منك ولا مواضيعك الحلوة ،،

**THE DARK MAN** · 20-12-2007, 06:23 AM

وانت والجميع بخير وصحه

وعيدكم مبارك

حيا الله ابو خالد

احيانا تنسى وتقابل احد من اخوانك وتكلم معه باي شئ وبعدها تذكر انك ماعايدته وتقومون تسلمون على بعض وتعايدون ...وش هالسجه يااخوان

اما هذي حدث ولا حرج ياكثر ماتصير

وأذكر هنا موقف لبنت صغيرة...كانت لابسة فستان وكاشخة ولا أحد قدها
يوم دخلت مع أمها في مكان الإجتماع تفاجأ ببنت تلبس فستان طبق الأصل
لفستانها...وبدأت تصيح تقول لأمها (ماما فتاني ) تحسبه فستانها
وفشلت كل محاولات الإقناع بلفت نظرها بأنها لابسته وان هذا للبنت الثانية ..
وبقت طول الوقت متعلقة في فستان البنت الثانية وأنواع الصياح <<( هاتي فتاني )
والبنت الثانية بدأت بالبكاء والإعتراض...
والأم عجزت تفهمها...وما تخلصوا من هذا الموقف المحرج إلا بنومهاا
... وتخليص الرهينة من الحصار هههههه<<<< تحرم مرة ثانية تشتري مثلها..

هههههههههههههه

الحمد لله انتهت المعركه من غير خسائر ماديه

بس يمدحون المرايه كان وقفتوها قدامها

اذكـــــــــر اخــــــــــــوي

كان اذا لبس الغتره و العقال ما يلتفت لا يمين ولا يسار

واذا احد ناداه ديور بكامل جسمه يعني رقبته معطيها اجااااااازه

وتعال شوف انواع النذاله

اللي يطيح عقاله واللي يسحب غترته وهلم جرااااا

وسلامتكم