طيب و نحن يا معلمات الثانوي و المتوسط ليش يندبونا للابتدائي ترى طقت كبودنا
لقد دخلنا عامنا الخامس منذ ان تم تعيينا رسميا لتدريس المرحلة الابتدائية ومازالت مشكلتنا قائمة في عدم الاستقرار الوظيفي فكل عام يتم ندبنا الى متوسطة او ثانوية بجانب مدارسنا الابتدائي الاساسيةولم نعترض في البداية ومرت السنين وكان سكوتنا اعتبروة ضعفااااافنحن نطالب باقل حقوقنا على الرغم من وجود معلمات في المتوسط والثانوي ولا يندبن للابتدائي ولا ارى الحاجة الماسة لتخفيف نصابهن فكل معلمة يتراوح نصابها من 12 الى 16 حصة والحل الذي نقترحة
1 - وهو يتم ندبنا الى مدرستين ابتدائتين فقط
2 - ان نسقتر في مدارسنا الابتدائية مع اكمال جداولنا باعمال اضافية ادارية او ارشادية او مواد اضافية حتى يكمل نصابنا
فقد تعبنا من تدريس مراحل مختلفة ( ابتدائي متوسط وثانوي )
والانتقال خلال الاسبوع من مدرسة الى اخرى والمعاناة النفسية التي نعانيها والسؤال الذي يحيرني هو
هل هو ذنبنا اننا تم تعييننا على المرحلة الابتدائية ؟
طيب و نحن يا معلمات الثانوي و المتوسط ليش يندبونا للابتدائي ترى طقت كبودنا
بتلاء
المؤمن مبتلاء ... ان شاء الله يكون هذا تكفيرا لذنوبك ..
لكن احتسبي الاجر عند الله تعالى .... وعليك بالصبر فانه مفتاح الفرج ..
ياعزيزتى أنا نفس الحالة
لكن المشرفة نصحت احدى زملاتى بشكوى الوزارة لديوان المظالم
بس مين الفاضى
مانقول الا حسبنا الله ونعم الوكيل
اللهم فى تدبيرك مايغنى عن الحيل،وفى كرمك ماهو فوق الأمل
وفى حلمك مايسد الخلل،وفى عفوك ما يمحو الزلل
اللهم فبقوة تدبيرك وعظيم عفوك وسعة حلمك وفيض كرمك
أسألك بأن تدبرنى بأحسن التدابير وتلطف بى وتنجينى مما يخيفنى
ويهمنى.اللهم لا أضام وأنت حسبى ولا أفتقر وأنت ربى اللهم فأصلح
لى شأنى كله ولا تكلنى الى نفسى طرفة عين ولاحول ولاقوة الا بك
بتلاء ماتعرفين وحدة تبادلني لأبتدائي وانا مستعدة اطلع ندب الى متوسط او ثانوي .. بس يكون ملاكها على مدرسة ابتدائية
غاليتي بتلاء جبتيها على الجرح
قسما بالله اني تعبت نفسي من الندب والقهر المديرة اللي ماتقدر :(
صحيح ان نصابي قليل (8) بس حاسديني عليه على بالهم مرتاحه
مايدرون ان ثلاث مدارس تشتت وتعب
الله يفرجها لنا اختي بتلاء
احمدوا ربكم انا نصابي وصل في مدرستي الاساسيه 12ومدرستي الثانيه 4 يعني 16 حصة غير الجمعيات والانتظار والمناوبه ولي اربع سنين على هالحال
ولا في لا مميزات ولا شي00على الاقل يخلونا المنتدبه تعطي حصصها وتطلع في المدرسه اللي منتدبه اليها وهذا من مميزات الانتداب اللي محرومين منها!!
لكن ما اقول الا حسبي الله عليهم 00جالسين في مكاتبهم ومرتاحين ورواتبهم طاقه العشره وفوق واحنا متشحططين اول في اخر الدنيا ويوم نقلونا بهدولنا في مدرستين وانتداب مؤبد بلا مميزات
يا عالم شوفوا لنا طريقه ترا سكوتنا هذا مو مسوي شي ؟؟ انا مستعده اسوي ايميل وترسلون عليه اساميكم وبنرفعها للادارة في الرياض وش رايكم يمكن يخافون نشتكي ؟؟
يمنع وضع اكثر من صورة او صور نسائية او صور ذات حجم كبير
يمنع وضع روابط لمواقع ومنتديات أخرى
يمنع وضع روابط الاغاني
يمنع وضع البريد الالكتروني
الى متى
والله تعبنا
لكن ان شاء الله على كلام المشرفات
تنتهي المعاناة بعد سنه او سنتين اذا درسوا خامس الانجليزي
وعسى خير ان شاء الله
والتوفيق للجميع
انتبهي انتبهي ,,,,, لا تتوهقين ( هههههههههههههههههههههههههههه ) اي شكاوي اي ايميل خليك ساكته ,,,,, ورددي دائما القناعة كنز لا يفنى ,,,,
ياليل الوزاره ردد ما اطولك بس !
الشكوى لله لعبوا فينا لعب
التعديل الأخير تم بواسطة بتلاء ; 29-02-2008 الساعة 09:13 AM
بجد لا تعليق على هالمأساة...
ترفع للوزير مع التحية على هالاحباط والوضع المزري ....
الله يكون معنا .... وان شاء اله تفرج
طيب انا مثلكم منتدبه الى ابتدائي
و قسم بالله طقت كبدي من مديرة الابتدائي ما ادري وش تبي ؟؟؟؟ تخيلو اجي عشان أدرس فصل واحد و باقي اليوم قاعده أتفرج على الرايح و الجاي مثل الخبله
تبيني اقعد الى نهاية الدوام واذا سوت خير فيني طلعتني قبل موعد الخروج بنص ساعه بحجة انه التعميم ما تطلع المنتدبه الا في الحصه الاخيره او تجي متاخره حصه ؟؟؟ ومشرفتي مأكده لي ان ممكن اطلع قبل نهاية الدوام بساعه
بالله وش رايكم عاد القهر ان كل حصه مدتها 45 دقيقه هي تقول لا 30 دقيقه عشان صار الحين فسحتين
ولما قلت لها كلمي مشرفتي رفضت و تقول ( انا وش دخلني فيها انا عندي نظام امشي عليه و تعاميم ) <<<< نظامها هي الله لا يوفقها
المفضلات