عرض النتائج 1 إلى 7 من 7

الموضوع: مديرتي تقولي غيبي :\

  1. #1
    انجليزي فعال
    تاريخ التّسجيل
    May 2007
    الإقامة
    الكويت
    المشاركات
    148

    22 مديرتي تقولي غيبي :\

    مساكم و صبحكم الله بالخيرات


    تسمحون لي بمساحة فضفضة ؟
    اليوم نلقي نظره على تعسف المديرات و تمسكهم بنص القانون و تجاهل روحه << اشتغلت الحكم عاد لوول

    ما ادري عنكم بالمملكة شلون نظامكم ..

    بس احنا عندنا غياب المعلم او المعلمه يكون من خلال الاعذار الطبيه .. و لنا يومين بالفصل يسمونهم الغياب العرضي .. يعني سبحان الله صار ما صار تتغيب المعلمه و لا يحسب عليها هاليوم العارض ..



    المهم يا طويلين العمر .. كان عندي موعد ما اقدر أؤجله .. فقلت للمديره المساعده اني بستأذن عقب ما اخلص حصصي - الاستئذان لازم ما يتجاوز الساعتين - انصدمت و قالت لا لا لا يا ابله ... ممنوع لانه راح يتجاوز الساعتين ! تغيبين مرضي ؟؟؟

    قلت استشير المديره وانا متوقعه انها تقول روحي يا ام يعقوب .. انتي شغيله و ملتزمه و تستاهلين نتساهل معاج

    مديرتي .. بعد انصدمت و اخترعت و كأني قلت لها بروح اتمشى عالبحر و اترك حصصي !!
    حاولت اقنعها .. قلت لها اخلص الحصص و ترتاحون من الاحتياط و انا يمشي منهجي ما يتأخر و لا يطوفني لموعد و يتعطل شغلي ..
    واهي مصممه على رايها .. الزبده اقترحت علي اغيب عرضي !!

    بحياتي المهنية كلهااااا ... مامر علي ان المديره و وكيلتها يقولون للمعلمه غيبي و لا اننا نسمح لج بالتأخير شوي ! لاحظو هذا وانا كنت ابي اقدم حصصي و اطلع !


    الخلاصه اني غبت هاليوم .. و خلصت شغلي براحتي و صفي تاخر يوم .. و زميلاتي شالو حصص الاحتياط و زادت اعبائهم ..

    عبر هالمنتدى الطيب اوجه لهم تحيه و لكل معلم و معلمه يشتغلون بضمير
    و للمديرات العسرات اقول ... سهلو علينا الله يسهل عليكم ... لا تشجعونا على الغياب و عقب تتحلطمون و تعصبون .. كرهوتونا وظيفتنا !



    To teach ..is to touch hearts

  2. #2
    شخصية بارزة الصورة الرمزية لـ shy-rose
    تاريخ التّسجيل
    Dec 2004
    الإقامة
    In The Life Garden
    المشاركات
    2,122

    رد : مديرتي تقولي غيبي :\

    كان الله في عونك اختي معلمة كويتية على مديرتك المتفهمة جدا !!!!!!!!


    المشكلة ان اغلب المديرات يفتقدن للمرونة .......... يعني لما تكون عندك معلمة مجتهدة و محافظة على حصصها و مخلصة و حريصة على عملها و يحدث لها ظرف طارئ مثل هذا ....... فيقابل طلبها بالرفض و يرمى بكل مافعلته عرض الحائط بدون ادنى تقدير لجهودها !!!!

    هذا و الله ظلم ...... و كأن المدرسة مدرستها .........

    خاصة ........ اذا كانت هذه القوانين لا تطبقها المديرة على نفسها ....... و تجد ان المحظور اصبح مسموح من اجل ان يوافق مصالحها !!!!

  3. #3
    Banned
    تاريخ التّسجيل
    Mar 2007
    المشاركات
    1,471

    رد : مديرتي تقولي غيبي :\


    الله يعينك يا اختي ام يعقوب ... وبالنسبة للوضع عندنا ... "طايلنا من الحب جانب" ... واجد المديرات ا"العسرات" على قولتك ... وبرضوه فيه الطيبات المتعاونات ...
    اهم شيء اختي انك فضفضتي وارتاح خاطرك ... الله يوفقك وياهلا باهل الكويت كلهم ...

  4. #4
    شخصية بارزة الصورة الرمزية لـ ORCHIDA
    تاريخ التّسجيل
    Feb 2005
    الإقامة
    my kingdom
    المشاركات
    8,005

    رد : مديرتي تقولي غيبي :\

    يا هلابك ام يعقوب


    الله يعين عليهم بس ,, و ترى حتى احنا كرهنا التدريس من زمان من زود الانظمه اللى كلها ضد المعلم


    لكن اصبروا و صابروا
    لا اله الا انت سبحانك اني كنت من الظالمين

  5. #5
    انجليزي فعال
    تاريخ التّسجيل
    May 2007
    الإقامة
    الكويت
    المشاركات
    148

    رد : مديرتي تقولي غيبي :\

    مالنا الا الصبر ..


    او اني اترقى و اصير عالاقل مديرة منطقة تعليمية و اضبط الامور ..


    بس ياخوفي لا كرسي المنصب يخليني انسى مثل ما اهما نسو !!



    مشكووووورين على الردود و الدعم .. :)



    To teach ..is to touch hearts

  6. #6
    شخصية بارزة الصورة الرمزية لـ الواثقة بالله
    تاريخ التّسجيل
    Oct 2004
    الإقامة
    jeddah
    المشاركات
    5,047

    رد : مديرتي تقولي غيبي :\

    انا اول ماتعينت رحت مدرسه فيها مديره تشجعني على الغياب
    وتحضرني
    وكنت مهمله لدرجه فضيعه متأخره بالمناهج وحوسه
    لمانقلت لمدرسه اخرى كانت المديره شديده
    لكن كنت منظمه واخلص مناهجي بأمانه

    بارك الله في هيك مديرات مهتمات يخافون الله
    تسلمين على الموضوع

    الروعه

  7. #7
    انجليزي فعال
    تاريخ التّسجيل
    May 2007
    الإقامة
    الكويت
    المشاركات
    148

    رد : مديرتي تقولي غيبي :\

    نسيم ... شكرا على الاطلاله و الرد


    و الحمدلله على السلامه ... لان بصراحه الفوضى اتييب المرض :)



    كثر الله من امثال مديرتج المنظمه و الحريصه



    To teach ..is to touch hearts

قوانين المشاركة

  • You may not post new threads
  • You may not post replies
  • You may not post attachments
  • You may not edit your posts
  •