صفحة 1 من 2 12 الأخيرةالأخيرة
النتائج 1 إلى 25 من 49

الموضوع: التعليم في جزر الواق واق

  1. #1
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    التعليم في جزر الواق واق

    في تلك الليلة خرجت من المسجد بعد صلاة العشاء


    ودخلت البيت وانا في غاية الارهاق والتعب بعد يوم طويل وشاق


    وكنت انتظر يخلص العشى واحط راسي وانام

    وعشان مايجيني النوم جلست قدام التلفزيون وصبيت كاسه من ابريق الشاهي عشان ينشطني شوي


    وشوف في التلفزيون تقرير في احد القنوات عن التعليم في احد الدول


    واتفرج شوي وتجيني نعسه واصحى وارجع انعس ..... حتى حطيت راسي على المركة وغفوت في نوماً عمييييق


    ........ خ خ خ خ خ ....

    .... خ خ خ خ ....


    (( واتحلم اني في مدرستي ))


    والمدير في اول السيب واول ماشافني وهو يجيني ركض ..... (( قلت الله يعين الارض ))


    وجاء ومعه ورقة بيده مدها لي وقال :


    يااستاذ انقلش لفر تفضل هذا ورقة نقل .....

    قلت بيني وبين نفسي : اثرك يوم تركض كله من الفرحه


    .. اخذت الورقة واقرأ اسم المدرسة اسم اول مرة يمر علي ..

    قلت : لحظة قبل تروح ياسعادة المدير ..... ((عارف ان فيها نقل صار عاقل ))

    قال : نعم

    قلت وش اسم المدرسة


    قال : مدرسة صاصا بلا غلاصا

    قلت : صادق انت

    قال : ايه ... لا وماسألتني وين مكانها

    قلت : وين

    قال : في جزر الواق واق

    قلت : متاكد

    قال : نعم

    قلت : طيب .. البارحة انت نايم تحت السرير

    قال : لا وليش تسأل هالسؤال

    قلت : يمكن اول ماصحيت خبطت براسك في شئ والا شئ ..

    قال: منقول ودمك خفيف .. ترا بكرة لازم تباشر بالمدرسة الجديدة

    قلت : لحظة وشولون اروح لجزر الواق واق

    قال : تدل طريق البحر روح للميناء وشوف البواخر وهناك اسأل

    قلت : من متى وحنا عندنا بحر

    قال : من يوم نقلوك ... وقعد يضحك هاهاها

    قلت : مشكور واستر ماواجهت وسامحنا في القصور

    قال : ابدا ماواجهت الا خير

    واطلع اركب سيارتي وعلى الميناء


    واول باخرة القاها وفيه واحد واقف على حافة سفينته وينادي :

    مكة مكة ... جدة جدة .... حايل حايل .... الدوادمي الدوادمي

    جيته وقلت له : اللحين ماخليت ديره الا وناديت بها كلها تروح لها

    قال : وش دخلك

    قلت : .. طـــــــَََــــــيب ... عندي سؤال ..توديني جزر الواق واق

    قال : هذي يالحبيب بعيدة شوي ولازم توقف في جزيرة ثانية وتكمل في باخرة ثانية بعد

    قلت : اكمل صحرى مافيه طريق مزفلت الين الديرة نفسها

    قال: يالحبيب .. حنا في بحر ونوصلك بالسفن ماانت في البر وراكب ددسن تفحط بالطعوس



    قلت : ايه صح

    قال : السعر غالي ترا

    قلت : خلاص وان شاء الله انك منت مغليها واجد

    ... وركبت السفينه وعشق على الاول ودز ..قصدي نزل الشراع وابحرت السفينه


    واول ماوصلت جزيرة الواق واق تفاجأت انها جزيرة جميلة ومليئة بكل الخدمات

    وحجزت في فندق فخم ورائع جدا ً

    ومن بكرة طلعت الساعة 6 الصبح ورحت للمدرسة


    وش مدرسة ياهي شئ مايتصور


    مبنى واسع ورائع صحيح الاسم ماينصرف بس المنظر يعوض

    وادخل غرفة المدير ويستقبلني وكان شخص خلوق جدا

    واول مااخذ ورقة النقل وقرأ بياناتي تفاجأ وقال :

    معلم وعلى المستوى الثاني

    قلت : وان شاء الله دفعتي على وشك يجيها تحسين السنه هذي

    قال: عزيزي المعلم انت في جزر الواق واق والتي تمنحك المستوى الخامس وهذا من حقك

    قلت : ياحبي للمدير خفيف الدم

    قال : بكرة ارفع للوزارة اوراقك وبياناتك وتصير على المستوى الخامس

    قلت :ياسلام عليك يا واصل . تستعرض عندي عشاني جديد هاه .... اصبر علي تطلع علومك . بس ياحليلك تسوي انك على اتصال مباشر بالوزير . دور سالفة يمكن تنتصدق اما على طول تحسن مستوى . ياانك احسن مدير نكوتي مر علي

    قال: الحقيقة مدري وش تقول بس لا تشيل هم حول هالموضوع

    قلت : شكلك حالف يمين مع واحد من اخوياك لازم تمشيها علي بس ابا اسوي نفسي يعني ماادقق ماعليك

    قال: وش رايك يااستاذ انقلش لفر ناخذ جولة تعريفية حول المدرسة

    ورحنا وشفتنا الفصول مرتبة ووسائل معلقة و عدد الطلاب مايزيد على 25 طالب والفصل واسع ويشرح الصدر

    وبعدها تفرجنا في غرفة المدرسين وكل واحد له طاولة .... تذكرت ثلاثة من زملائي كنا متزاحمين على طاولة و كل واحد له درج


    وجدت ان المدرسة مجهزة للتعليم بالكامل ولا ينقصها أي شئ



    في اليوم الثاني اخذت جدولي وبدأت ادخل الحصص

    انبهرت بمستوى الطلاب وحبهم وشغفهم في التركيز بالدرس وتسابقهم لحل التمارين

    ومااحد يتذمر من الواجبات لانهم يعرفون ان الواجب ترسيخ للمعلومة وهذا هو اكبر اهتمام لهم


    قلت بنفسي : ياحليلكم يالواق واقيين انتم وطلابكم ويازين التدريس بمدارسكم اللي توسع الصدر وتشجع على الابداع


    في حصة فراغ رحت لغرفة المدرسين


    ماشاء الله المدرسين دايما ً اذا تكلمون يتكلمون في المادة العلمية اللي هم يدرسونه او ثقافة عامة


    قلت في نفسي (( ماتلاحظون اني صاير اكلم نفسي واجد !!)) :

    الله يرحم حال ابو فلان اللي ماخلا غيبة والا نميمة في زميلة بالتخصص الا وقطع فيه وحشه حش مابعده ولا قبله

    في اليوم اللي بعده جاء للمدرسة مشرف تخصص انجليزي

    واول ماشفته في الطابور ويجيني غثيان قلت مالي غير اجاريه كالعادة اول مايبدأ واكيد ماراح يمدح

    في الحصة الثانيه دخل عندي في الفصل وشرحت الدرس والطلاب الواق واقيين اللي متربين على حب العلم اعجبوني وأبدعوا مع في المشاركة والتمارين

    بعد الحصة في حصة فراغ جلست مع المشرف قلت في نفسي : اتوقع يغطي على مشرفي الاول اللي قال ليش ماتغطي قلم السبورة اذا وقفت الكتابة...

    بس هذا يمكن يقول ليش ماتحط القلم علي السبورة بدل ماتشيله في يدك طول الحصة

    بس انصدمت اول ماقال :

    اشكرك عزيزي وزميلي المعلم كان الدرس اكثر من رائع . .... واستلم مدح

    ومدح ومدح الين قلت له : وش رايك نعيد الدرس ....... (( الاخ مهوب متعود على المديح هههههه ))

    وكلمني عن طرق التدريس واي الطرق كانت طريقتي بالفصل وبصراحة طلع مشرف مثقف وفاهم في طرق التدريس وافادني كثيرا ً

    وبالاخير سأل عن التحضير والخطة وتكلمنا فيها شوي ثم قال : بعض النقاط اللي ذكرتها لك خذها في بالك الى ان ازورك المرة الثانية


    قلت : ابشر وتامر امر



    راح المشرف وجاء المدير وطلبني لسالفة عنده شوي


    قلت : افا بدت الغيرة يبي اللحين يحط في من العيوب عشان مااشوف نفسي من كلام المشرف

    وبعد ماجلست عنده بالمكتب قال :

    ابشرك جاء من الوزارة اليوم قرار تحسين مستواك من الثاني الى الخامس اللي تستحقه

    وعطاني نسخه من القرار وانا ماني مصدق

    وفجأة واصيح واطامر ... (( اطامر يعني اقفز وانقز فرحة ً وسرورا ً .... خلاص يالمعجم المحيط على غفلة ))


    واسلم على المدير قلت له ماقصرت وبيض الله وجهك

    قال : وش فيك متعجب ومنت متوقع هالتحسين

    قلت : هذا حلم بالنسبة لي ماهوب معقوله بالسرعه ذي

    قال : بالعكس روح الان اسأل أي مدرس من زملائك وستجد انه على المستوى الخامس اول ماتعين عندنا

    ((قلت في نفسي : الظاهر عندهم مدرسين متفقين من بعض ويطالبون بحقوقهم الين يجيبونها ))

    وتمر الايام علي في هذي المدرسة من احلا ايام العمر ولاول مرة ماكنت احسب كم باقي اسبوع وتجي العطلة


    وفي الفصل الدراسي الثاني قالوا ان الوزير يبي يزور المدرسة

    وفي هذا اليوم كنت اقول ياحظ الواق واقيين في هذا الوزير وياحظهم في وزارتهم

    وفي الصباح بالطابور دخل الوزير من بوابة الساحة وصار يستمع لاذاعة الصباح وكانت الاذاعة ترحب به وبقدومه

    وهو يقف ومعه مرافقيه من الوزارة

    وانا اخوكم في الله اسرح في الخيال ...

    ((دايم مايجي العيد الا اذا سرحت ورحت بجو لحالي وانتم هاللحين كملوا القصة وراح تعرفون ))


    وانا اتذكر ايامي قبل انقل لهذي المدرسة وايامي فيها


    واتذكر اني تو شعرت بالتدريس وكيف نسيته قبل

    وبدون شعور صرت امشي من اول الساحه بسرعة تجاه الوزير على اني اسلم عليه واحبه على راسه تقدير لجهوده و تعبه لاجل الرقي بالتعليم في بلاده في جزر الواق واق

    وصرت اسرع اكثر واكثر


    حتى صرت اركض ركض

    وطاح العقال ... ثم الشماغ ... وطاحت الطاقيه ............ (( قلت لكم ماعاد اشعر بالجاذبية الارضية ))


    وانا اركض بالساحه متوجه يم الوزير

    والطلاب والمدرسين صاروا يطالعون في وتركوا الاذاعة

    وهم مستغربين وش هذا اللي يركض من اول الساحه وموجه يم الوزير وش يبي يسوي

    والمرافقين للوزير صار بعضهم يقرب يمه للحماية وبعضهم توجه يمي يبي يردني

    والوزير صابه شك ان عندي نية لاغتياله وخاف وصار يتراجع

    وانا اركض اسرع من قبل وخلاص حطيت في راسي اني اسلم عليه يعني اسلم عليه ....


    واتجاوز حرس الوزير وهذا اوخر عنه وهذا ادفه


    واول ماقربت من الوزير ..

    وهو يرمي بشته وينحاش برا المدرسة

    وانا وراه في الشارع

    والحراس والمرافقين ورانا

    والمدير والمدرسين وراهم والطلاب معهم ............ (( مشهد سينمائي خخخخخخ


    وهو يركض ويقول وش تبى نعطيك .. وش تبى نعطيك .. بس علمني


    وانا وراه بدون شماغ ولا طاقيه والشعر كشه وطاير والشكل مرعب جدا ً مع هالكشه

    واخر شئ انقز عليه ويطيح وقلت له :

    انت احسن مدير قصدي احسن وزير بالعالم كله وابغى اسلم على راسك تقديرا ً واحتراما ً

    قال وهو منفجع : .... بس .. هاك . وقرب راسه

    عاد بهاللحظة التفت وراي واذا هالحراس قد قربوا يوصولون يمنا و يبون يمسكوني

    وانا امسك راس الوزير واحبه بسرعه وبقوة كتعبير عن مشاعري


    وياليتني ماحبيت راس الوزير


    لاني صحت بااعلى صوت :




    آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآه



    وقلت : ليش راسك حااااار ياسعادة الوزير


    واصحى من حلمي

    واثري كنت محتضن ابريق الشاهي اللي كان بجنبي قبل الحلم وحبيت الابريق وهو حار واحسبه راس الوزير


    وكانت حرارة الابريق لها لسعه بالبرطم مايحتاج وصف .... جربوا وتعرفون ههههههههه


    وقمت اغسل وجهي وجاء في بالي فكرة وقلت :

    ليش مااقدم نقل السنه الجاية لجزر الواق واق اذا هي موجودة مايمنع !!!



    والمعذرة على الاطالة


  2. #2
    انجليزي جديد الصورة الرمزية وردة البستان
    تاريخ التسجيل
    Jul 2006
    المشاركات
    25
    معدل تقييم المستوى
    66

    رد : التعليم في جزر الواق واق

    فطستني ضحك ياحليلك فلم مو حلم هذا كله بغفووه بس جنان وياليته يتحقق تحسين مستوى والمجتمع الي حولك من طلاب الى معلمين الى مدير ووزير شئ شئ روووووووعه صحيح حلم ولا بلااااش

  3. #3
    شخصية بارزة
    تاريخ التسجيل
    Sep 2006
    الدولة
    From Abha to Riyadh
    المشاركات
    2,805
    معدل تقييم المستوى
    4633

    رد : التعليم في جزر الواق واق

    اقتباس المشاركة الأصلية كتبت بواسطة English Lover مشاهدة المشاركة
    تذكرت ثلاثة من زملائي كنا متزاحمين على طاولة و كل واحد له درج

    ههههههههههه تذكرت الوضع اللي أنا فيه ذلحين ثلاثة أو اربعة على مكتب



    اقتباس المشاركة الأصلية كتبت بواسطة English Lover مشاهدة المشاركة

    وانا اركض اسرع من قبل وخلاص حطيت في راسي اني اسلم عليه يعني اسلم عليه .... واتجاوز حرس الوزير وهذا اوخر عنه وهذا ادفه واول ماقربت من الوزير .. وهو يرمي بشته وينحاش برا المدرسة خخخخخخ وهو يركض ويقول وش تبى نعطيك .. وش تبى نعطيك .. بس علمني واخر شئ انقز عليه ويطيح وقلت له : انت احسن مدير قصدي احسن وزير بالعالم كله وابغى اسلم على راسك تقديرا ً واحتراما ً قال وهو منفجع : .... بس .. هاك . وقرب راسه

    قاعدة أتخيل المشهد هع



    اقتباس المشاركة الأصلية كتبت بواسطة English Lover مشاهدة المشاركة

    وانا امسك راس الوزير واحبه بسرعه وبقوة كتعبير عن مشاعري وياليتني ماحبيت راس الوزير لاني صحت بااعلى صوت : آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآه وقلت : ليش راسك حااااار ياسعادة الوزير واصحى من حلمي واثري كنت محتضن ابريق الشاهي اللي كان بجنبي قبل الحلم وحبيت الابريق وهو حار واحسبه راس الوزير

    خخخخخخخ يا فرحة ما تمت طلع حلم و كله من الإبريق




    أم عبدالعزيز

  4. #4
    مميز الصورة الرمزية اشواق1
    تاريخ التسجيل
    Aug 2007
    المشاركات
    1,917
    معدل تقييم المستوى
    171

    رد : التعليم في جزر الواق واق

    <<<<<<< ماتت ضحك

    من جد اسلوبك حلو

    يعطيك الف عافيه

  5. #5
    شخصية بارزة الصورة الرمزية shy-rose
    تاريخ التسجيل
    Dec 2004
    الدولة
    In The Life Garden
    المشاركات
    2,030
    معدل تقييم المستوى
    236

    رد : التعليم في جزر الواق واق

    هههههههههههه



    ماشاء الله تبارك الرحمن ........... من بعد ما شفت احمد شوقي صار عندك خيااااااااااااااااال واسع و اسلوب أدبي راقي في كتابة القصص مستر لوفر

    فعلا عشان تكون معلم بلا مشاكل نفسيه في وزارة التربية و التعليم السعودية لازم يكون عندك رووووووووح رياضية عااااااااليه مثل هذه و خيال خصب كهذا .............


    الله يعطيك العافيه مستر لوفر ........... و يحقق لك حلمك بالنقل الى الواق واق



    بس لا تنسانا ........... اذا كان الواقع مثل الحلم ....... خبرنا عشان كلنا نطلب نقل

  6. #6
    شخصية بارزة الصورة الرمزية مــلك الحرف
    تاريخ التسجيل
    Oct 2005
    المشاركات
    10,273
    معدل تقييم المستوى
    6261

    رد : التعليم في جزر الواق واق

    ههههههههه

    ويقولوا اطول حلم ثلاث دقائق



    مشكووووووور وخذني معاك للمدرسة الجديدة ...


    بس ما سألت عن المدرسين يداومون والا معزبين

  7. #7
    مميز
    تاريخ التسجيل
    Sep 2007
    الدولة
    Riyadh
    المشاركات
    249
    معدل تقييم المستوى
    76

    رد : التعليم في جزر الواق واق

    ههههههههههههههههههه
    احلم احلم الأحلام بلاش

  8. #8
    انجليزي جديد
    تاريخ التسجيل
    Nov 2006
    المشاركات
    11
    معدل تقييم المستوى
    64

    رد : التعليم في جزر الواق واق

    هذا دليل على عدم فقدانك الامل . و احنا كمان ما راح نفقد الأمل . تفائلوا بالخير تجدوه . فلا حياة مع اليأس ولا يأس مع الحياة .

  9. #9
    مميز الصورة الرمزية fona_85
    تاريخ التسجيل
    Sep 2007
    الدولة
    Dream World
    المشاركات
    2,659
    معدل تقييم المستوى
    193

    رد : التعليم في جزر الواق واق

    أنا أقولكم يا المدرسين والمدرسات غنووو يالـيـــــــــــــــــــــــــــــل ماطولك ههههههههه


    ياليتك ماصحيت انجليش لوفر... كان نمت مع النايمين

    راحت عليك .. لا تعديل مستوى والوجه راااااااااااح فيها

    يسلمووو عالموضوع

    ماشاءالله اسلوب حلوووو
    [GLOW="CC6699"]معـاً لغــدٍ واعــد[/GLOW]

  10. #10
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    وردة البستان


    احلا مافي هالحياة الاحلام


    الف شكر لتواجدكِ

  11. #11
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    sea breeze

    بالنسبة للطاولة اكيد انكم ماتلخبطون واحد ياخذ دفتر تحضير الثانيه ...... مجرب هههههه


    يعطيكِ العافيه لتواجدكِ والمشاركة

  12. #12
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    اشواق


    الله يعافيكِ والف شكر

  13. #13
    مشرف المنتدى التعليمي العام ومنتدى التعاميم
    تاريخ التسجيل
    Nov 2007
    الدولة
    حائل
    المشاركات
    12,209
    معدل تقييم المستوى
    492177

    رد : التعليم في جزر الواق واق

    الله يجزاك خير

    قصة رائعة

    ما دمت أثق بِك يا الله .. فدربي تفاؤل ...
    كيفية رفع الصور والملفات اضغط هنا
    __________________




  14. #14
    انجليزي خبير
    تاريخ التسجيل
    Dec 2004
    المشاركات
    345
    معدل تقييم المستوى
    739

    رد : التعليم في جزر الواق واق

    بارك الله فيك
    رائع رائع! والله أنا أصبحت مدمن كتاباتك
    الله يعطيك العافية

  15. #15
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    shy-rose

    ذاك اليوم الشاعر ابن شوقي عطس بوجهي وانا احس اني طه حسين ....... دور غيرها مافيك امل ههههههه


    الله يعافيكِ اختي والف شكر لمشاركتنا الاحلام

  16. #16
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    al harbi


    عشان الحاله مستعصيه عطوني اربع دقايق ........ واسطات ههههه


    المدرسين هناك لا يدامون ولا معزبين لكن قل مهاجرين ..... الا صاحبكم رجع مع اول رحلة هههههه


    الله يعافيه وشرفت الحته والحتوته بتواجدك الجميل


  17. #17
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    amazona


    من يدري يمكن بكرة تصير بفلوس ...... وهذي فرصتنا قبل يصير شئ (:


    الف شكر

  18. #18
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    TAHNOON


    وليس لنا سوى هذا الحل على اقل احتمال نحافظ على الصحه ونعيش الحياة


    الف شكر

  19. #19
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    fona_85


    صوتي مايساعد والا ودي العلع بالموال يالليييييل ماطوالك


    الله يعافيكِ

  20. #20
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    علاء الحاتمي


    تسلم


    والف شكر

  21. #21
    شخصية بارزة الصورة الرمزية English Lover
    تاريخ التسجيل
    Sep 2005
    الدولة
    London in KSA
    المشاركات
    6,533
    معدل تقييم المستوى
    436

    رد : التعليم في جزر الواق واق

    moonlight2006


    ويبارك فيك ويعافيك


    هذا شرف لي


    تسلم ومشكور لتواجدك

  22. #22
    شخصية بارزة الصورة الرمزية oJgJI JIjJj
    تاريخ التسجيل
    Jan 2007
    الدولة
    فـِيُ غآإبةُ الجُرّحٍ..
    المشاركات
    4,171
    معدل تقييم المستوى
    544

    رد : التعليم في جزر الواق واق

    الله يرج إبليسك
    ياحلو أحلامك
    عكس أحلامي اللي كلها مشاكل مع المدرسين المقصرين
    وتكسير لسيارتي والكتابه على الجدار من الطلاب

  23. #23
    كبار الشخصيات الصورة الرمزية Mr.X
    تاريخ التسجيل
    Apr 2005
    الدولة
    TAIF
    المشاركات
    4,511
    معدل تقييم المستوى
    1833

    رد : التعليم في جزر الواق واق

    هههههههه


    انجلش لفر............دايم استنى منك مثل هالمواضيع


    كلها كوم و هاذي لحالها كوم



    واول ماقربت من الوزير ..

    وهو يرمي بشته وينحاش برا المدرسة

    وانا وراه في الشارع

    والحراس والمرافقين ورانا

    والمدير والمدرسين وراهم والطلاب معهم ............ (( مشهد سينمائي خخخخخخ


    وهو يركض ويقول وش تبى نعطيك .. وش تبى نعطيك .. بس علمني


    وانا وراه بدون شماغ ولا طاقيه والشعر كشه وطاير والشكل مرعب جدا ً مع هالكشه


    ذكرتني على طاري ثلاث مدرسين على ماصة وحده



    مدرس جانا اول السنه جديد.......وخويك ابو الفزعات جيت عنده و عطيته مفتاح سبير للدرج حق الماصة ((مو حق المطبخ )) و قلت له الماصة هاذي اعتبرها ماصتك ومتى ما جيت اجلس وخذ راحتك.........والله الأدمي خنقته العبره

    ومن يومها ليومك وهو شايفها جميل ما نساه و يذكرني به كل اسبوع ويدعي لي



    سبحان الله.......... والله المعلم عندنا حالته ما تسر



    Keep On Bro
    لتكن ارواحنا نقية سامية عن كل ما يخدش نقاءنا
    نحترم ذاتنا فنحترم الغير ...
    نتحدث بهدوء وعمق...
    نطلب بأدب...
    نشكر بذوق...
    نعتذر بصدق...
    نترفع عن التفاهات...


    وأن أردنا الرحيل .... نرحل بصمت .


    IF yOu caN dReAm it

    YoU cAn Do iT

  24. #24
    مميز الصورة الرمزية البريق
    تاريخ التسجيل
    Feb 2007
    الدولة
    دار محمد بن فهد
    المشاركات
    1,329
    معدل تقييم المستوى
    129

    رد : التعليم في جزر الواق واق

    ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههه


    عدد الطلاب مايزيد على 25 طالب والفصل واسع ويشرح الصدر
    فصلنا لونه اخضر فااااااااااتح يفقع العين ولا قلنالهم غيروه قالوا الحكومه هي اللي صبغت نروح نهاوشهم !!

    وفيه 50 وحده وبعض الطالبات يكونون 3 في طاولتين

    ويجيب الغلقه وجنب الحمام وجميع الحشرات الزاحفه والطائره تدخل فصلنا ولا صرخنا قالوا ليييييييييييييييه ويهاوشونا



    بروح ادرس بجزر الواق واق

    وكانت حرارة الابريق لها لسعه بالبرطم مايحتاج وصف .... جربوا وتعرفون ههههههههه
    مايحتاج جربت << خخخخخخخ


    لفرر

    شهالحلم الطويييييييييييييل ماشاء الله عليك


    الف شكر على هلابداااع

    وان شاء الله ينقلونك لمدرسه حلوه زي اللي بالحلم
    شوف [ آلآنوثہ ] لآگسآهآ آلرجولہ .. ~’
    | .. مليون مثلگ .. | مآيجيبوטּ رآسي .. /

  25. #25
    انجليزي خبير الصورة الرمزية صمت
    تاريخ التسجيل
    Feb 2005
    الدولة
    My Dad's heart
    المشاركات
    221
    معدل تقييم المستوى
    114

    رد : التعليم في جزر الواق واق

    السلام عليكم

    الله يسعد أياااااااااااااااامك(مثل ماأسعدتني.....من كثر ماأضحك..خفت يشوفوني أهلي أضحك لحالي ..يقولون تجننت البنت)!!!

    (((واول ماقربت من الوزير ..

    وهو يرمي بشته وينحاش برا المدرسة

    وانا وراه في الشارع

    والحراس والمرافقين ورانا

    والمدير والمدرسين وراهم والطلاب معهم ............ (( مشهد سينمائي خخخخخخ


    وهو يركض ويقول وش تبى نعطيك .. وش تبى نعطيك .. بس علمني


    وانا وراه بدون شماغ ولا طاقيه والشعر كشه وطاير والشكل مرعب جدا ً مع هالكشه)))بكيت من الضحك!!


    رجاء خاص,,,كثر من هالقصص..انجلش لوفر

    لك فائق شكري

المواضيع المتشابهه

  1. تطَور التعليم والفرق بين التعليم القديم والمعاصر
    بواسطة ايمي السعودية في المنتدى المنتدى التعليمي العام
    مشاركات: 1
    آخر مشاركة: 01-02-2016, 07:38 PM
  2. من فضلكم: شعار وزارة التربية و التعليم
    بواسطة واصل في المنتدى المنتدى التعليمي العام
    مشاركات: 6
    آخر مشاركة: 29-12-2013, 02:55 PM
  3. تهانينا لمنسوبي التعليم بانتهاءسنوات الذل والقهر
    بواسطة ابوذياب في المنتدى المنتدى التعليمي العام
    مشاركات: 12
    آخر مشاركة: 11-02-2005, 04:05 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •