وش التصرف السليم في هالحالة..؟رايكم مهم!

**amazona** · 22-06-2008, 07:05 PM

مساكم ورد

سيدا بسألكم عن الموضوع

لو جيت تدخل الطلاب الصباح عاللجان وطلع/ت طالب/ة مذاكرة مادة بالغلط
يعني مو اللي عندهم اليوم ...؟
وش أنسب تصرف تسويه!!

لأنه اليوم صار هالموقف
ثلاث طالبات من أول متوسط :( يعني بيبيات
صاحبات :(
يفكرون إن اليوم عندهم مادة ثانية غير اللي بالجدول
ومادروا الا الصباح!!
وش أنسب تصرف نسويه !!
علما بأن الموجهة المراقبة رفضت نتركهم فغرفة نص ساعة يذاكروا وجلست تصارخ وتزعج العالم وتصارخ عالبنات وتقول يدخلوا بسرعة للإختبار بلا كلام فاضي :(
شرايكم

**@ومضة@** · 22-06-2008, 07:19 PM

amazona

حياك أختي

بالنسبة لمثل هالموقف مر علي في مدرستنا الترم الماضي

وجلست الطالبة أكثر من نصف ساعة تذاكر

وبعدين دخلت الاختبار والحمدلله نجحت <<<<صحيح درجتها مو ممتازة لكنها الحمدلله نجحت

اما موقف الموجهة فهو غير تربوي ابدا

لأنه لو عرضت المشكلة على مركز التوجية راح يستنكر عملها بهالطريقة

الله يعينكم بس

دمتي بود وتقبلي مروري

**ابو راضي** · 22-06-2008, 09:24 PM

بسم الله الرحمن الرحيم
بصراحة تعليم النساء اكثر تعقيد , المعذرة من جميع الاخوات لكن هذا هو الواقع
ثانيا لا اتوقع ان هناك نسبة رسوب كبيرة في هذه الايام بسبب الانظمة الموجودة والله اعلم بانهن سوف ينجحن , ولم تخسر المشرفة لو انها ساعدتهم لوجه الله بالمذاكرة لو لمدة بسيطة خاصة انهن لسن في التوجيهي , ويعتبر هذا درس لهن حتى يعتمدوا على انفسهم في معرفة الجدول
مع تحياتي للجميع بالتوفيق

**مهــا** · 22-06-2008, 10:51 PM

التصرف الأنسب ..

أن تترك الطالبة لمدة ساعة أو نصف ساعة لتذاكر بكل هدوء ..

على مراقبة الدور أن تحتوي الموقف بكل أريحية وتقدم النصح للطالبة وتهدئ من روعها ...

**اوفى الخلق** · 22-06-2008, 11:07 PM

السلام عليكم ورحمة الله وبركاته
والله مادري وش اقولك لكن يجب على ادراة المدرسة والموجهة تتفهم للوضع بروح وشفافية
وللاسف اداراتنا ومشرفيننا لايتفهمون لوضع الطلاب بشكل عام يعاتيه الطلاب من تعب نفسي ............... الخ
وشكرا

**amazona** · 23-06-2008, 03:24 PM

ومضة
أبو راضي
مها
beloved
***
شاكرة وجودكم وأتعقد أي شخص عاقل بيتصرف هالتصرف
بدون لانظام ولا تعليمات
أنا أول سنة أدرس وأدري بهالنظام ,,
وهذي الموجهة وأمثالها كثير
من سنة جدي وبعدهم مايتعاملون باللي موجود في نظامهم
شئ يرفع الضغط شاكرة وجودكم ومشاركتكم والله لايوريكم زيها :(

**sunlight44** · 23-06-2008, 05:16 PM

أختي اسمحيلي لو قلت لك أن أغلب الطالبات اللي يحصل معهم الموقف هذا كذابات وغير صادقات اما ليلفتن الانتباه أو ليعطو وقت اضافي للمذاكره وهذا ماحصل واكتشفناه من خلال خبرتنا ووين عيونها الطالبه ماتشوف ولازم تكون حريصه ومعاها جدول وبالوقت الحالي ماحد يرسب والسلام