انا احملكم المسئوليه لوول

**معلمه كويتيه** · 18-08-2008, 02:03 AM

السلام عليكم

يا جماعه شلونكم و شخباركم ..؟؟

يا اخوان و اخوات انا عندي عتب عليكم
تدرون شسويتو بالكويتيين ؟؟

تدرون ان اغلب المنتديات الكويتيه و اغلب البيوت صارت اتطالب بالغياب برمضان ؟؟

و يقولون كلام غريب ...

اللي تبجي ... و اللي تقول ما نقدر نتعبد ربنا ... و اللي تدعي عالوزيره .. و اللي تتحسب على الوزاره ... و كلهم يصارخون يقولون ليش ياربي احنا مو مثل السعوديه .؟

انا ارد عليهم احرهم شوي .. اقول ليش ياربي احنا مو مثل الخليج و كل الوطن العربي ..

كل الدول اتداوم و احنا حالنا من حالهم ..

المشكله ناس عمرهم ما راحو مساجد ... صار يتحسرون على المساجد و يقولون خلونا نغيب نبي نصلي !

و اللي يدعون للاعتصامات ... و اللي يشجعون على الغياب عناد !!

لووووول و الله وضعهم يضحك ..
ما جنه هذا حالهم طول عمرهم .. ما جنهم متعودين ... ما جنه هالسنه الطلبه يداومون نص الشهر بس ... مو الشهر كله مثل السنوات السابقه !!!
حريتووووهم يا السعوديين و خليتوهم يتمردون ... بس على مين ... حكومتنا قالت بما معناه ... هذا الدوام و اللي مو عاجبه ... في ابيته طوفه ... فهموها انتو عاد ماني قايله لوول

شنو الحل الحين ؟؟؟

الحل ينتظرون سنتين و يصادف رمضان بالصيف و بالعطله ..

كلمه كانت تقرقع بقلبي ... و قلتها ... تحملوني .. و مشكووووورين

**أميرة بأخلاقها@** · 18-08-2008, 02:09 AM

الله يكفينا شر عيونهم والحمدلله ان رمضان اجازه مابغى يطلع هالقرار

اللهم بلغنا شهر رمضان بالعفو والغفران واعنا على صيامه وقيامه وتقبل الله منا ومنكم صالح الأعمال

الف شكر اختي على الموضوع

**معلمه كويتيه** · 18-08-2008, 02:19 AM

اى والله لوول

شوفي في وحده من معارفي ... دائما تقول كل اجازة و كل زياده على معاشاتكم اقرو على انفسكم المعوذتين ... لان يمكن نحسدكم

عاد يبا الحين ... انتو اقرو على انفسكم المعوذتين ... ههههههه

اقولهم توهم بسم الله ما تهنو باجازاتهم السعوديين لحقتوهم وتبون مثلهم ؟؟؟

اجازه سعيده مليئه بالعباده والطاعه

تقبل الله منا و منكم صالح الاعمال

:)

**ريما الحسين** · 18-08-2008, 02:28 AM

هههههههههه الله يكفينا شر عيونهم شكلنا السنه الجايه بصير فيه دوامات من كثر مايقولون

ليش السعوديه ماتداوم !؟

**معلمه كويتيه** · 18-08-2008, 02:43 AM

موضي ... الخوف لا اتداومون بعز الصيف لوول

شكرا عالمرور الحلو و التعليق

**عدوولي** · 18-08-2008, 04:43 AM

الحمدالله ان رمضان اجازة

ما صدقنا انها تطلع اجازة برمضان و ينقون علينا

الله يكفينا شر عيونهم

عاد صعبة دوام في رمضان وفي عز الصيف واذا كنت مدرس في قرية مثلي اداوم لها دوام 180 كيلو رايح 180 كيلو جاي

الحمدالله انها اجازة

وانشاء الله يعطونكم اجازة ونفتك من نقهم

**اشواق1** · 18-08-2008, 04:51 AM

على وشو يحسدون على الهجوله !! زين ريحونا برمضان

عدولي نفس معاناتي هجوله 150 كيلو يوميا

زين رمضان هذا به راحه وبعده نشد الرحال روحه وجيه ):

<< نست نفسه قامت تفضفض

**معلمه كويتيه** · 18-08-2008, 04:54 AM

اخوي عدوولي .. شكراا لك عالمرور الظريف

انا ضد الاجازه ... احنا بالكويت معروف عندنا ان الطلبه يغيبون بالعشر الاواخر .. يعني ماكو دوام جدي ... و نادر تلقى معلم يشتغل برا محافظته ... يعني المشوار للمدرسه ما يطلع ربع ساعه ... الكويت من اولها لاخرها ساعتين :) يعني اللي يتدلعون عندنا لازم ما يقارنون انفسهم فيكم ...

الله يكافيكم شر عيون معلمي الخليج لوووول لان اتوقع مو بس بالكويت يطالبون بالغياب اسوة بالمملكة

:)

اقرو على انفسكم المعوذتين : ))

**معلمه كويتيه** · 18-08-2008, 04:57 AM

اشواق فضفضي حبيبتي ولا يهمج :)

بس شنو الهجوله ؟؟

الله يعينكم .. المشوار متعب جدا .. يعني المعلم و المعلمه يوصلون مدارسهم مصدعين من قبل لا يدرسون طلبتهم

موفقين يا رب و الله يهنيكم باجازتكم :")

**HavinG FuN** · 18-08-2008, 10:01 AM

والله موضووووووووعك يونس القلب

انا بعد الحبايب الي ردوا عليك ماعندي تعليق كفو ووفو

**معلمه كويتيه** · 18-08-2008, 02:47 PM

HavinG FuN يا رب دوووم مستانس ....

شكرااا عالمرور الحلو ..

لا تنسى المعوذتين :)

**ORCHIDA** · 19-08-2008, 12:56 AM

هذي الحسنه الوحيده اللي اتخذتها الوزاره .. و الاشياء الثانيه انتوا احسن منا بكثيييير

**•0سحآبة خِير0•** · 19-08-2008, 06:08 AM

ياه الحمد لله

انا خلصت دراسة وتخرجت وراح اجلس بالبيت واتهنى برمضان

عاد يوم جلست بالبيت حطو رمضان اجازة

الحمد لله على كل حال

**معلمه كويتيه** · 19-08-2008, 08:34 PM

كل الحب ... اسمحي لي اهي حسنه و يت متأخر بعد ... بس احسن من ولا شي ..

الله يعينكم و عليكم بالعافيه الاجازه

غيمة حنان .. ردي للدراسه عشان تستمتعين بالاجازه ههههههه

موفقه

**إشراقـة فجـر** · 19-08-2008, 09:14 PM

المشاركة الأصلية كتبت بواسطة غيمة حنان

ياه الحمد لله

انا خلصت دراسة وتخرجت وراح اجلس بالبيت واتهنى برمضان

عاد يوم جلست بالبيت حطو رمضان اجازة

الحمد لله على كل حال

نفس الفكــرة

^.^

**BloumagrieT** · 21-08-2008, 04:52 AM

السـلامـ عليكمـ

معلمة كويتية

يااا هلا والله وغلا بكـ وبأهل الكويت كلهمـ

منورة ياقمر

وبالنسبة للإجازة فعلاً هي الحسنة الوحيدة

ههههههههه والخليج لا يحسدنا مرة

ترى عندنا من الهمـ ما يفيض ويغطي

أنا مرت علي فترة بسبب القرية أدخل على الأذان وقت الفطور في رمضان

الحمد لله على كل حال

وموضوعكـ روعة

حفظكِـ الله يااسكرة[GRADE="C0C0C0 FF1493 000000"].
.
.[/GRADE]

[GRADE="808080 DC143C 808080"]^.^[/GRADE]

**معلمه كويتيه** · 21-08-2008, 02:47 PM

~ Dream ~

يمدحون الكورسات الصيفيه لتجديد الذكريات لووول

حياك الله

SoOoSoOo

الله يحميكم من العين ... عين على مستوى الخليج ترا مو سهله لووول

انا عارفه ان الاوضاع عندكم صعبه ... بسبب بعد المسافات و امور ثانيه ... بس يحليلهم الناس يبون الراحه بأي شكل ... و الكويتيين يحبون يقلدونكم شنسوي ؟؟؟

بس جد والله الموضوع مسبب أزمه ... الكل يحجي فيه .... و تعالي شوفي صدمة المسافرين لما ردو و عرفو ان في دوام برمضان !! بغو يبجون ومنهم اختي الطالبه لوول

**Dr.future** · 21-08-2008, 03:31 PM

ياهلا وغلا بأخواننا بالكويت

يالله ان تحييهم ...

بعدين انا مؤيد للي يبي اجازة برمضان

من حقهم يستانسون ويفرحون ويؤدون العبادة

على اكمل وجه..

بالنسبة لنا كسعوديين فالإشكالية انو هالقرار غصب علينا

خاصة ببلاد الحرمين مكة والمدينة ...لكثرة الزوار من دول العالم اجمع

وكثرة الزحام ...فهناك دراسات من هذا الجانب والجانب الأخر اعتقد

ولكن ليس لدي علم بأن السبب ايضا المناخ ...

على العموم لو انا مكان الطلاب الكويتين العشر الاواخر اجازة من عندي ..هههههه

تحياتي لكم

**helmwardi** · 21-08-2008, 05:59 PM

انتظروا خير

بمشيئة الله يصير اجازة عندكم بعد

**Romanciah** · 23-08-2008, 01:00 AM

معلمـة كويتية...

حياك الرحمن عزيزتي في بيتكِ الثاني...

و الله يكون بعونكم, باقي قدامكم سنتين برمضان دوام...

يله العمل كله خير و بركة وربي يحفظ الجميع و يبلغهم رمضان وين ماكانوا...

سلمتي أختي وحياك ربي دوم....