درس نموذجي

**أريام** · 06-12-2008, 12:44 AM

السلام عليكم
تحية طيبه للجميع وكل عام وانتم بخير

اخواني واخواتي انا عندي درس نموذجي
وعندي مشكلة انه بحياتي ما حضرت درس نموذجي

ودي اعرف هل انا مطالبة بالتكلف بهذا الدرس
وهل فيه اشياء لازم اسويها ولا ايش الحكاية
وهل لازم يكون حصتين؟؟؟؟

طبعا الدرس اللي اخترته مو من المنهج وهو قطعة فهم ؟؟

ارجو مساعدتكم عن ماهية الدرس النموذجي

وشكرا

**مهــا** · 06-12-2008, 01:20 AM

أريام

إللي أعرفه إن الدرس لابد يكون من المنهج سبق شرحه أم لا ..

لا يجب عليك التكلف بقدر ما يجب عليك إيصال المعلومة بوسائل معينه ( مساعدة ) للشرح ...

إذا أخذتي حصة فهو أفضل للزمن الحصة ... وإذا أخذتي حصتين فعلى حسب وسائلك وكم تأخذ من الوقت ..

**أريام** · 06-12-2008, 02:44 PM

هلا مها
الله يعطيك العافيه على الرد

بالنسبه للدرس انا عطيت مشرفتي خبر اني بجيب لهم درس خارجي

لانها طالبتني بعمل درس يتضمن high level of thinking
and
teaching strategies

like brain storming, problem solving and stuff like that
.so u can see it doesn't matter,
besides we are required to give students com. passages once and a while according to the syllabus distribution

coz' we have extra periods

HUGE THANKS AGAIN

**مهــا** · 07-12-2008, 10:58 PM

أريام ..

تصدقين فكرة الدرس بعد شرحك حلو ...

فياليت لو تعطينا خبر كيف شرحت في الدرس ..

والله يوفقك ..

**أريام** · 08-12-2008, 05:31 PM

هلا والله

مها

ابشري بعزك ما طلبتي شي غالي وان شالله راح انزله لكم لاني كل يوم يطلع براسي شي واضيفه

ومثل ماقلت انا بحياتي ما حضرت لدروس نموذجيه بس بجتهد والامر كله لله

وان شالله يطلع بالصوره اللي ابيها

ومن العايدين للجميع وخاصه لك يا مهـــا على تفاعلك معي

**مهــا** · 09-12-2008, 12:39 AM

ومن السالمين أريام ..

وأنا بإنتظارك

**Prime Rose** · 09-12-2008, 12:04 PM

والله شكل الدرس بيطلع حلو..

وأنا بعد مع مها بأنتظرك عزيزتي..

وإذا احتجتي مساعدة.. فحنا موجودين..

:)

موفقة

**أنس الوجــود** · 09-12-2008, 04:10 PM

فكره رائعه

شوقتينا

الله يوفقك

بانتظار النتيجه

واذا يلزم مساعده اطلبي

بإذن الله نساعدك

**أريام** · 10-12-2008, 01:25 PM

الله يعطكيم العافيه على تفاؤلكم بدرسي

وان شالله راح انزله بالكثير بعد اسبوعين لكن مثل ما قلت لكم ودي اذا فيه احد حضر دروس نموذجيه يقول لي ايش اللي شافه فيها

دعواتكم

**أنس الوجــود** · 15-12-2008, 09:13 PM

مرحبا اختي

انا بصراحه ماسبق حضرت درس نموذجي انقلش

لكن اشوف المعلمات في مدرستنا في غير تخصصات في الدرس النموذجي شوي تكلف

يعني برجكتور

توزيع نوته للدرس على المشرفات

هدايا

اشياء غريبه وحلوه

مو عارفه كيف اشرح

بس باسأل اذا احد من صديقاتي حضر درس انقلش لو فيه فكره حلوه عطيتك

بس واتمنى افيدك

الله يوفقك

**أريام** · 18-12-2008, 02:30 AM

هلا أنس الوجود

البرجكتر عادي متعودين عليه

اما الهدايا بطيح من عيني لو عطيت بناتي هدايا بيقولون عشان فيه مشرفات بتعطينا هدايا

ستيكر وكثر الله خيري

للان الوسائل اللي بستخدمها بوسترز وبرجكتر صور

يعني نفس الاسلوب اللي عودت بناتي عليه لاني احب البساطه

اخيرا
يعطيك الف عافيه اختي على التوضيح ولا تبخلين علي بأي معلومه ممكن تفيدني

الف شكر

**أنس الوجــود** · 21-12-2008, 07:42 PM

ههههههههههههههههههههههه

ههههههههههههههههههههههه

لا بلاش نطيح من عين احد حنا متكسرين خلقه هع

عن نفسي ماقد سويت

نموذجي

بس المديره تبيني احدد يوم اهئ

والبروجكتور والبوستر مفروغ منها

انا كمان ودي في فكره اصلا ودي في درس

مو قادره احدد

الله يوفقك ياغلا ويوفقنا بعدك

**shosho** · 23-12-2008, 11:45 PM

أختي الحبيبة . الله يكون في عونك أولا ويوفقك . الدرس النموذجي عادة يكون حصة واحدة ممكن تطول شوي خمس أو عشر دقائق فقط لأن الناس بتمل. تشرحين درسك عادي بصورتك المعتادة بس نوعي شوي بالوسائل : يعني إذا عند زيادة على البروجكتر والبوستر , أوراق عمل ولازم الطالبات يتحركون يسألون بعض وحدة تسأل والثانية تجاوب ويا حبذا لو استخدمت المعلمة الصغيرة شوي , وشوي مسابقات طريفة في نفس موضوع الدرس وتناقشي بالنهاية عن القبعات الست بخصوص الدرس : ماذا استفدت؟ ماهو شعورك ؟ مقترحاتك ؟ النقاط الإيجابية والسلبية وهكذا .. بسطي الأمور وتصرفي على طبيعتك بيطلع الدرس يهبل . بالتوفيق.

**أريام** · 24-12-2008, 02:11 PM

شوشو

الله يعطيك الف عافيه
فعلا انا ناوية اخلي الدرس حصه وجزء من الحصه عشان ما اضغط نفسي زياده

وحلو كلامك عن القبعات الست عجبني

ان شالله راح اضيفه

جزاك الله الجنة على تعاونك

أنس الوجود حددي درس يكون قطعة فهم صدقيني من كثر الافكار اللي بتجيك بيوجعك راسك

بالتوفيق لي ولكم