سؤال أحرجني به طالب

**القشيعين** · 25-12-2008, 05:34 PM

السلام عليكم ورحمة الله وبركاتة

طالب من طلابي السنة الماضية

وفي أحد الفسح جائني وقال لي

أستاذ : مامعنى كلمة >>>>>>>> !!!!!<< الكلمة ماتطلع بالسبيلنق صح عشان كذا اختصرتها

وأنا نظرت إلية والأستغراب طغى على وجهي من جرأة هذا الطالب

ومن دون أي مقدمات سألته أين سمعتها ؟؟

وقال لي : في أحد ألأفلام الأمريكية

وقلت له : وماذا كتبت بالترجمة ؟؟

قال: تبا لك

فقلت له إذا فهي كذلك << تعبت صراحة من الفصحى بتكلم بالعامية

بس بعد كذا قالي هالطالب لا ياأستاذ فيه طلاب قالوا لي مو معناها كذا

وأنا صراحة هنا وقفت وقلت له أنا راح أبحث عنها وأرجع أقول لك

ياليت من يقدر يساعدني كيف أصرف هالطالب

وأنا صراحة دايما أقول لطلابي أي كلمة تسمعها ولا تعرف معناها

على طول تعال وأنا أقول لك معناها

لكن ماتوقعت أنه راج يجين واحد من الطلاب ويقولي هالكلمة

ودي أعرف كيف أقدر اجاوب هالطالب وشكرا

.

**حديث الصمت** · 25-12-2008, 05:44 PM

والله موقف صعب

بس تدري قول له انها كلمه معناها مو طيب واحنا المفروض مانستخدمها

وان شاء الله يقتنع

**يحدوني الامل** · 25-12-2008, 06:10 PM

اتوقع السؤال كان استهبال او الاحراج لا اكثر

**Orion** · 26-12-2008, 07:00 PM

قول له ان معناها سيء ..
بس الغرب مو مثلنا واللي عندنا عيب وحرام .. ممكن يكون عندهم عادي
فلازم احنا ناخذ اللي يناسبنا ولانشتم بعضنا بالفاظ سيئة نتحاسب عليها ..

وقول له لا يتفرج افلام امريكية .. مو كلها تصلح له :d

جزاك الله خير على حرصك : )

**Inad** · 26-12-2008, 07:42 PM

انا ماني مدرس

بس لو كنت مدرس راح اقول له معناها الحقيقي

ياخي هذا علم ما فيه عيب

خله يعرف معنى الكلمة

بس ما اتمنى يكون الطالب في المرحلة الابتدائية

تحياتي

**معاند** · 26-12-2008, 08:15 PM

هلا فيك أخوي
من حق كل طالب يسأل عن معنى الكلمة أو الجملة أن يعرف معناها
بس تقدر توجهه بعدم استخدامها وما يترتب عليها من عقوبة

طيب لنفرض أن هذا الطالب سأل مدرس أو أخ له
وعطاه معنى غير المعنى اللي أنت أعطيته كمعلم له

أكيد بيقول المعلم هذا مع احترامي لشخصك كان يكذب علي
أو هو معلم ماعنده سالفة
وحنا نعرف أن طلاب هالوقت مطلعين على حاجات يتعلموا منها أكثر من أن يتعلموا من الكتب والمدرسة

أخيرا
تحياتي وتقديري لك
والله يوفقك

**القشيعين** · 26-12-2008, 11:24 PM

شكري لكم

وهذا الطالب في الصف الثالث متوسط

وسؤالة لم يكن في موقف يحرجني به

بل العكس كان الطالب جاد وهو طالب دائما يسألني

الكلمات اللتي لايعرف معناها

أشكر لكم حرصكم

.

**endless dream** · 27-12-2008, 12:47 AM

اللهم صلِّ على سيدنا محمد و على آله وصحبه وسلم

للاسف الطالبات و الطلاب صاروا يتعلمون اللغة من الافلام الامريكية ..

حجة و قضاء حاجة ..

**♥ Ĺ Ổ ś Ŧ** · 27-12-2008, 02:42 PM

يا اخواني اعضاء سعودي انجلش
خطاأأ الي تقولون
طيب اذا قال لاحد الكلمة
فيقول من علمك معناها فانت المتورط

والموضوع يجب ان يحذف

من الادارة

**miss. English** · 28-12-2008, 07:46 PM

لو انا بهالوضع
بقول لها معاني كثير وكلها تقريبا سيئه
ابعد عن استخدامها وان شا الله ماتستخدمها لابالعربي ولا الانقلش
والافلام مو كل شئ ناخذه منها-بعقولنا نميز الجيد والسئ ونستفيد منهم
ثالث متوسط مرحله بداية الوعي عادي جدا
هو اللي شاف الفيلم مو انت

**miss_reem** · 01-01-2009, 03:53 AM

المشاركة الأصلية كتبت بواسطة Inad

انا ماني مدرس

بس لو كنت مدرس راح اقول له معناها الحقيقي

ياخي هذا علم ما فيه عيب

خله يعرف معنى الكلمة

بس ما اتمنى يكون الطالب في المرحلة الابتدائية

تحياتي

ههههههههههههههههههههههههه ههههههههههههههههههههههههه ههههههههههههههههههههههههه هههههه

بآآيعهآآآ

**القشيعين** · 01-01-2009, 02:55 PM

thank you 2 all of you

يا العاشق الكبير ؟؟

ليش تبي الموضوع يحذف

ياخي هالكلمة كل اللي بالمنتدى يعرف هالكلمة

بس أنا جاي هنا أبي مساعدة بعض الأخوان والأخوات مو منك انت

وبعدين الحمدلله قبل ماترد انت بردك كنت رديت على الطالب

وبينت له معناها بأسلوب , وبعض الأعضاء ماقصروا وعاونووني

يعيطهم العافية يارب

ماقصرتوا :)

اما أنت ياللي جاي تبي تحذف هالموضوع

أعرف أن طلاب المتوسطة الان تعرف الخبث

ولا يجهل عليهم اي شي

لكن أنا رأيت أن طالبي مميز , ويجب أن اخذ مشورة الاخوان والاخوات هنا

تحياتي

**المعلم 1428هـ** · 01-01-2009, 05:50 PM

إذا كان يستهبل طنشه لكن إذا كان جاد قول له معناها سيئ و لا ينبغي استخدامها أنا مر علي طلاب يستهبلون يسألون عن هذه الكلمة
لكني ما أعطيتهم وجه

**اعزفني لحن** · 16-01-2009, 02:49 PM

لالا تقول له المعنى

وانفخ عليه

وخليه يحرم يجي يسأل

خخخخخخخخخخخخخخخخ

**سماهاي** · 27-01-2009, 10:13 PM

سبحان الله..أنا حصل لي نفس الموقف ..بس مو مع طالبة.. مع ابني في أولى متوسط..

طبعا لم اذكر المعنى بالتحديد..و لكنني قلت له ان معناها ..اسوا شيء ممكن تتخيله.. و طبع ابني ذكي و فهمها ..( طبعا طالع لأمه)..<<<< وخروا عنها ..ههههههه

المهم قلت له ان هذولا ناس ما عندهم وازع يمنعهم مثل اللي عندنا..والحمد لله على نعمة الإسلام..

**امل الياسر** · 30-01-2009, 02:38 AM

انا عندي فكرة خليه يشتري قاموس ويبحث عن الكلمة من نفسه لان لغه القاموس جادة شوي
وانت تخلص من الاحراج باسلوب تربوي وهو يشغل مخه يعرف انه لو بغى شئ لازم يتعب عشان يعرفه مو يأخذها على الجاهز

**Nona1399** · 05-02-2009, 02:57 AM

مر علي الموقف مع طالبة ثالث ثانوي وكانت الكلمة أكثر احراجا وقالت بأنها سمعتها في أغنية المهم انا بصراحة ماكنت اعرف الكلمة بس فتحت قاموس اكسفورد قدام الطالبة ولما قرأت المعنى قلت لها انا ارفض الاجابة لأن المعنى مسيء للأدب وكان عندي احساس انها تقصد احراجي لأنها ابتسمت وقالت اصلا هذا المغني اغانيه دائما مسيئة للأدب!!!!!!

طلاب وطالبات آخر زمن

**meme cute** · 22-02-2009, 04:33 AM

حرااااام علميه ارحم من في الارض يرحمك من في السماء بعدين ليش انت معلم عشان تعلم اجيال وهو طلب العلم منك وذا شي مو محرج في وجهة نظري

**Maryam00** · 22-02-2009, 05:41 AM

well , I think he is smart student ,, he has good listening and he want to improve his language ....you have to encourage him..My advice to you , ask him to search for the word’s meaning ..
Best Regards,
Maryam

**احلى حلا** · 22-02-2009, 06:46 AM

المشاركة الأصلية كتبت بواسطة meme cute

حرااااام علميه ارحم من في الارض يرحمك من في السماء بعدين ليش انت معلم عشان تعلم اجيال وهو طلب العلم منك وذا شي مو محرج في وجهة نظري

تتوقع ان هذا الشي يعتبر مو رحمه
المعلم كلمه ذات معنى كبير لا يقدرها الا الشخ الذي يستاهل ان يكون في ذلك المكان
وهذه امانه زي مااعلم اولادي الصح والخطأ اعلم طلابي وطالباتي في منتى الأدب والذوق بحيث اني مااجرح حيائي

لأن الحياء من الأيمان

**Jemie** · 02-03-2009, 07:59 PM

صحيح الموضوع علم ... قولي له هذي كلمه بذيئه و كل اللغات تحوي كلمات بذيئه و قولي له بعد إنك ما تحتاج تعرف معناها زين لان مو كل علم زين...
يكفي إنك تقول إنها كلمه غير مهذبه ..و المعلمه في مثل هالحال مو ملزومه تقول المعنى الدقيق للكلمه ..
التعلم تربيه و أخلاق مو مجرد علم بالشي فقط

هذا رأيي كمعلمه ...

**احلام النهار** · 27-03-2009, 05:35 PM

صرفها قول له انها كلمة سيئة جدا

**ياسر الغامدي** · 21-11-2009, 11:48 AM

نفس الشي وانا بالحصة كنت امر ع الطلاب اشوف حلوا التمرين صح و لا
فجاء نط طالب وقال استاذ وش معنى طبعا نفس الكلمة ع طول قلت من يرد عليه قام واحد وقال تبا لك معناها بس قال لي في لها معنى ثاني قلت له زي ما قال لك زمليك و خليك بكتابك

**Lancaster** · 21-11-2009, 12:36 PM

فكرة مريم جداً راااااااائعة

من رأيي أنت أخطيت يا أستاذ يوم قلت أي كلمة ماتعرفوا معناها أنا أترجمها لكم
بالعكس المفروض انت تعطيهم كلمات وتخليهم يبحثون في النت في القواميس
مهما كان راح يجيبون لك كلمة في احد الايام وتقول ماعرف معناها وراح أبحث لكم عنها وهنا تقل ثقتهم فيك

شي ثاني بالنسبة للطالب ببساطة قله
الكلمة معناها قذر وهذي ثقافة الغرب
أما احنا المسلمين فعندنا مباديء واحترام للشخص ووووووووووووووووو كثر عليه من الكلام لين تضيع سؤاله :)
وحتى لو قلت له معنى قل اي كلمة تحتمل كذا معنى ممكن يوصل معنى الكلمة الى 10 معاني او اكثر

مثلا عندك في العربي
رجل
ممكن يكون معناها ذكر
وممن يكون طرف من أطراف جسم الإنسان وكثر من التفلسف أهم شي ماتنصدم بأي سؤال مفاجيء :)
ترا الطلاب يفرحووووووون في أي شي ويحرجونك اذا حضر لك أحد

**! كن جميلا !** · 27-11-2009, 03:11 AM

بصراحة موقف محرج للغاية

ولكن بين للطالب ان المعنى غير لائق أو خادش للحياء !!
ودعه يبحث هو بطريقته
" ومن وجهة نظري "
واذا الطالب مصمم الا يعرف الجواب فأجبه