من يقدر يساعدني بافكاره؟

[buffy-ya]

اخواني واخواتي اعضاء سعودي انجلش00000
افيدوني ب خبرتكم000
في درس الالوان,علما ان الدرس بسيط وسهل لكن موجهتي بتحضر لي بكره,
ونفسي اعرض الدرس بطريقه مبسطه وسهله وجديده00000
برضو نفسي الاقي طريقه حلوه للتطبيق000
جزاكم الله الف خير,فكم كنتم لي خير عون بعد الله0000000

[talal_2888]

اول شي السلام عليكم
ثاني شي
انا عرضت الدرس هذا الاسبوع الفائت على الطلاب وكان اول شي كتبت التاريخ واليوم الدرس وكتبت في اعلى السبورة اسم الدرس

وبعدها قعدت اشرح لهم عن الالوان وأنها كثيرة لكن اليوم راح ناخذ بعض الالوان الرئيسية في حياتنا هاذي

فقدمت لهم اللون الابيض بقطعة قماش بيضاء من ( ثوب ) قديم
وخليتهم يرددون معي اللون بالانجليزي وكتبت على السبورة ( white ) وكان عندي زي اللاصق على المغناطيسي على الصبورة
وبعدها بديت على اللون الثاني والثالث

بإمكانك استخدام الطابعة لطباعة الالوان على شان ترتاحين وتستخدمين اللاصق المغنناطيسي الي هو الاصفر والاخضر والازرق والاسود واللون الاحمر

ولا تنسين آخر شي بالدرس ان اللون ما يجمع
وأحضري معك لو تكرمتي اقلام او كتب فيها لون من الالوان على شان ما يجمعون اللون مثال three red PenS

والله يوفقك

لا تستعجلي بالحصة خوذي وقتك بالكامل واعطي المشرفة من وقتك القليل

لا تنسي تخلين الطالبات يرددن معك واستعملي إذا كان في الفصل صفوف انك تبدأي بالصف الاول يردد معك وبعدها الصف الثاني يردد

ولا تخلين احد من الطالبات يقرأ الي في السبورة الا وانتي متأكدة من انهم يعرفوا يقرأونها زين

وموفقة ان شاء الله

[right]

السلام عليكم ورحمة الله وبركاته

جيبي بلونات متعددة الالوان وكثيييييييييييييييره وانثريها في الفصل : ديكور جديد ومثير بالاضافه انك تستفيدين منه بالتطبيق بسؤال كذا وحده عن لون بالون معين واذا اجابت صح تاخذ البالون هديه وبتفرح مره .

[معاني22]

انا مره حظرت لي الموجهه في هذا الدرس وفي نهاية الدرس سويت مسابقه جبت سله وحطيت فيها اشياء مختلفه شنط صغيره كور وفاكهه صناعيه واقلام وكل شي حطيت منه لونين مختلفين او ثلاثه اهم شي تكون اشياء درسوها الطالبات وجبت طالبتين وكنت اقول اسم الشي ولونه والشاطره الي تمسكه اول وترفعه ومره البنات تحمسوا وانبسطوا مثلا كنت اقول a red ball والبنت تمسكها

[معاني22]

سوووووووووووووووووووووال: انتم كيف تعرفوا اليوم الي بتحضر فيه المشرفه؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟

[talal_2888]

بصراحة

انا اعرف اذا قبل لا يجي بنصف ساعة


لكن في بعض المتدربات الي في الكلية تقول لها المشرفة الي في الميدان

اني راح ادخل عليكي بكرا او بعد بكرا


وفي بعض المعلمين يكونون على علاقة مع المشرفين ( بينهم عيش وملح )

وسلامتك

[buffy-ya]

السلام عليكم جميعا0000

اولا جزيتم خيرا لكل من كلف على نفسه ورد علي,بدا باخي طلال الى0000معاني
ثانيا درسي انتهى وللله الحمد وعلى اجمل مايكون رغم ان المشرفه ماحضرت لي,البرد عندنا في الشمال مكتفها الظاهر00هههههه
وبالنسبه كيف اعرف انها بتحضر لي؟فاهاذا راجع للمشرفه نفسها,احيان تعطي المدرسه خبر حتى ماتغيب,وعن نفسي انا كيف عرفت انها بتحضر لي؟اعطتني خبر ,الاني اكمل في مدرستين,جتني بس تشوف سجلات وغيره في مدرسه00وقالت باحضر لك في الثانيه,وعساها ماحضرت
واليوم اعطوني خبر قبل حصتين انها بتجي؟وبررررررضو ماجت
وقالت اعتذر انشغلت يمكن اجي الثلاثاء000000
ورجعنا ياطير يااللي لكن في درس20

[talal_2888]

قلبي ملوع بالشمال

يا زين البرد بالشمال

والله انه ابرك من برد الشرقية

من يوم ماتعينت بالدمام لا شفت مطر ولا شفت ولا برد


اما بالنسبة للمشرف مثل ما قلت انا اعرفه معرفة ( جوال ) مو شخصية يقول قبل ليلة انه راح يحضر لي بالمدرسة الي فيها او بالمدرسة الي اكمل فيها

لكن الله يعين ويعاون

ومشكورة اختي على الكلام الحلو

[buffy-ya]

والله يازين الشرقيه هاالاوقات جمدنا!!!
مشكور اخي طلال ,لكن كمل جميلك وعطنا افكار لدرس20
السنه اللي طافت سويت درس نموذجي وكان رائع ولله الحمد,وفي نفسي ابهرها هاالسنه برضو بدرسي,لان درسي ووسائلي كانت بسطيه ,بس انا نشيطه في الحصه ,وامثل وانط كل شوي في مكان و000هههههههه
فا مابي وسائل مبالغ فيها ,ابي شي بسيط وجديد؟
اذا مانكلف عليك افدناااااا0000

[talal_2888]

تصدقين عاد والله توي حاط افكار لدرس 20
تلقينها فوق بالمواضيع

تلقينها في ثاني موضوع

( افكار للدرس 20 )

[buffy-ya]

يسلمووووووووووووو
مقدما

[talal_2888]

العفو ماسوينا شي