وش يسوي المتأخر بالمنهج

[thunder2006]

السلام عليكم
انا صار عندي ضروف و لا مشيت بالمنهج و عندي 3 مدارس
انا لسه الحين خلصت الفترة الاولى
و باقي تقريبا اسبوعين او اسبوع
ايش الحل

[مــلك الحرف]

خلاص وقف وقيمهم في الفترة الثانية على القراءة البسيطة الموجودة في الدرس الاول ..

ومدام انت متاخر دفهم كلهم لان السبب من عندك الطلاب ما لهم ذنب ..

والنصف الثاني كلام ثاني....

[thunder2006]

مشكور على الاجابه السريعه
و هذا معناه اني ما ارجع للفتره الثانيه ؟
يعني بعد بداية النصف الثاني مالي علاقه بالفتره الثانيه؟ او ارجع لها
اللي بفكري اسويه اني اعطيهم اللدروس اللي تعتمد عليها بعض دروس النصف الثاني

[كل الحنان]

انصحك تترك المهارات اللي ماعطيت دروسها للترم الثاني

واشرح الدروس والقاعدات على اساس مايبقى بذمتك شيء

وراح تلقى هنا اختبارات تخص مهارات الفتره الثانيه كلها

قيمهم اللحين على القراءه وبقية المهارات اتركها للترم الثاني

واشرح الدروس اللي تخصها بأول اسبوعين وبلحظتها قيمهم بالأوراق

الله يعينك ويعطيك العافيه ..

[thunder2006]

مشكورين كلكم على الردود
لكن......
في الكشف الرسمي وش اكتب لهم
اعني كراس الطالب للنتيجة النهائية انا كتبت نتيجه الفتره الاول نص الترم الاول
الان ماذا اكتب في خانة الفتره الثانيه
اكتب 1 و امشيهم
وش رايح يقولون اولياء الامور
او اتركها على شكلها بدون نتيجه
شاكر لكم متابعة مشكلتي

[كل الحنان]

الكشف اللي معك قيمهم على كذا مهاره مثل القراءه ونطق الكلمات

وبعض المهارات اللي تقدر تختبرهم فيها انت ادرى بالدروس اللي اعطيتها...


لكن اولياء الامور لاترسل لهم إلا بيان مؤقت للمهارات اللي اتقنوها بالفتره 2

وبداية الترم 2 اعطيهم الدروس وقيمهم على بقية المهارات

وارسل للأولياء اشعار بكامل مهارات الفتره 2 وعادي ماراح يصير إلا كل خير

اهم شيء مشرفك يكون متعاون معك ومايعارضك بشيء اذا عرف عن اللي قاعد يصير

[thunder2006]

انا اقصد كراس النتيجه النهائية الاصفر اترك خانة الفتره 2 فاضيه؟
"معليش اتعبناكم معنا"

[White_soul]

يا عيوني

طالما كانت عندك ظروف الله يعينك بس عاد أتوصى بالطلاب

و أعطيهم درجات

أما الدروس أهم شي تركز على القواعد في الفصل الثاني
عشان ما يتخرج الطالب بدون الأساسيات

أعانك الله

[&كتكوته&]

الله يعينك نفس حالتي

بس حاولي تاخذين حصص اضاافيه

[thunder2006]

الله يسامحك يا كتكوته
اجل تقولين "حاولي"

المهم ما جاوبتوني احط لهم 1
هذا ما فهمته من اجابه white soul
شاكر و مقدر لاستجابتكم

و انتي يا كتكوته وش بتسوين؟

[thunder2006]

خلاص بحط لهم 1
شكلكم طفشتوا مني

[كل الحنان]

خلاص بحط لهم 1
شكلكم طفشتوا مني

ههههههههههه لا عادي سوري امس كنت ادور مشاركتك ونسيت اسمك معذرةً

لاتحط لهم واحد مايصلح اخاف احد مايتقن عندك وبعدين يجي ولي الامر يقول اعطاه واحد ويتحجج

اعطيهم 1 بمهارات القرءه فقط وخلي الباقي فاضي او خذ حصص اكثر هالاسبوعين وقيمهم قد ماتقدر على المهارات

الله يعينك اضغط نفسك شوي على اساس ماتتوهق اكثر بالترم الثاني

[thunder2006]

شكرا
بس انتي تقولين

لاتحط لهم واحد مايصلح اخاف احد مايتقن عندك وبعدين يجي ولي الامر يقول اعطاه واحد ويتحجج

اعطيهم 1 بمهارات القرءه فقط وخلي الباقي فاضي او خذ حصص اكثر هالاسبوعين وقيمهم قد ماتقدر على المهارات

انا اتكلم عن الدفتر الاصفر

[كل الحنان]

شكرا
بس انتي تقولين


انا اتكلم عن الدفتر الاصفر

فاهمه عليك وقلت اعطهم على مهارات القراءه واي مهاره ثانيه اخذتوا درسها مثل جمع الكلمات
نطق الكلمات حرف حرف
تكوين الحروف والارقام المنفرده
اكيد هذي المهارات تقدر تختبرهم فيها
واللي ماتقدر تلحق عليها خلي مكانها فاضي واملأها بالترم 2 اذا اختبرتهم وانت طيب ان شاءالله

الله يعينك ويعطيك العافيه..

[thunder2006]

مشكوره
كنت مقفل شوي
thanks 4 all of those who helped me
see u later

[&كتكوته&]

معليش حسبتك انثى هههههههههههههههههههه

انا بقيمهم ع الفتره الثانيه لاني خلصت المنهج

والحمدالله احاول اراعيهم

واعطيهم التقييم على ورق


وكل شيء من سعوودي انجلش



وكل وحده تخفق بالمهاره اقوولها ركزي عليها لحد ماتتقن

بس اتووقع اذا فيه اخفاق باحد المهارات تكملها الترم الثاني


والله اعلم