كيف نقوم الطالبات حسب المهارات؟

**سما** · 08-03-2009, 06:17 PM

السلام عليكم و رحمة الله و بركاته
أنا معلمة مرحلة متوسطة و جاني ندب للمرحلة الإبتدائية.. و للأسف, لا ناقة لي و لا جمل في تقويم المهارات..
حبيت أسأل بعض الأسئلة لأصحاب الخبرة ..
لو مثلا أخذنا المهارة التالية:

do controlled writing exercises such as supplying missing letters or words
متى أحكم على الطالبة إنها أتقنتها؟ خصوصاً إن التقييم فيها ممكن يستمر طول الترم..
و على أي أساس أقول إنها أتقنت؟
و هل هناك عدد معين من مرات التقييم لها؟
------------------------
السؤال الأخير.. لو كان فيه مهارة تتعلق بدرس معيّن, هل معناته إن التقويم فيها يكون مرة وحدة؟ ( يعني هل فيه إشكالية لو قيمت الطالبات فيها مرة وحدة؟)

خبروني جزاكم الله خير..

**جولي** · 08-03-2009, 07:35 PM

عزيزتي سما..

بالنسبة لكيفية تقييمك لمهارات الصف السادس

أولاً:-

لازم تعرفين مهارات الفصل الدراسي الثاني ( المهارة الثالثة + المهارة الرابعة )

ثانياً:-

بالنسبة لكيفية التقييم..هي إنك تشرحين درسك بشكل طبيعي زي أي مرحلة أخرى..

وتركزين على المهارة..وتدربين الطالبات عليها وتحلين معاهم داخل الفصل سواء عن طريق

الملازم أو أوراق فيها تمرين على المهارة ( لأن كتاب التمارين ) ما يساعدك كثير في التقييم

إذا دربتي طالباتك ... أعطيهم ورقة العمل المناسبة للمهارة وخليهم يحلونها( طبعاً مو شرط في حصة وحدة )

يعني ممكن الدرس في يوم..وإختبار المهارة في اليوم الثاني

إذا حلت الطالبة تعتبر أتقنت المهارة ..وخلاص..تقفلينها..( يعني ماعاد تختبرينها فيها ) تعتبر ناجحة

في المهارة ذي

أما إذا ما حلت الطالبة..تختبرينها مرة ثانية وثالثة ورابعة لين تتقن علشان تقفلين مهارتها

بالنسبة لأوراق المهارات..ابحثي في منتدى اللغة الإنجليزية ( أوراق العمل والمراجعات)

وراح تلاقين أوراق عمل تناسب المهارات عاملينها لأخوان جزاهم الله كل خير..

أتمنى إني افدتك..وإذا عندك سؤال...أنا..أو الأخون راح نكون في العون بإذن الله..

**سما** · 08-03-2009, 08:00 PM

ما قصرتي جولي الله يجزاكِ الجنة. ردّ وافي و نصائح قيمة الله يسعدكِ و يوفقكِ دنيا و آخرة..
باقي بس سؤالين صغار..
1- ماذا عن المهارة اللي ذكرتها في بداية الموضوع؟ أتوقع إنها مستمرة لنهاية الترم.. ما العمل؟

2- لو وضعت اختبار على مهارة (أو مهارات) معينة من 4 درجات مثلاً.. هل يشترط إن البنت تجيب الدرجة كاملة عشان أعتبر إنها اتقنت؟ طيب ولو جابت نصف الدرجة؟ ولا ثلاثة أرباعها؟
.... خلاص.. يا كيبورد استح..

و ألف شكر مقدماً لكل من يستطيع المساعدة

**جولي** · 08-03-2009, 08:20 PM

المشاركة الأصلية كتبت بواسطة سما

1- ماذا عن المهارة اللي ذكرتها في بداية الموضوع؟ أتوقع إنها مستمرة لنهاية الترم.. ما العمل؟

اللي هي ( حل تمارين إملائية مثل ملء الفراغ بالحرف الناقص )

التقويم نفسة إلى نهاية الترم...يعني تقيميين الطالبة طول السنة لين تتقن..

يعني::

هذي المهارة هي مهارة اساسية في الفترة الثالثة..تمام..

تختبرين الطالبات ...اللي تحل..اتقنت..واللي ما تحل..لم تتقن ..تجلسين على راسها طول الترم لين

تتقن..إذا انتهت الفترة الثالثة وهي لم تتقن ..تاخذ ( 4)

والمهارة ذي مستمرة إلى نهاية الترم على أساس منهجهم..بس أنتي تقفلينها إذا اتقنوا طالباتك.

ولا عاد تشلين همها..يعني تصير تدريب فقط..

- لو وضعت اختبار على مهارة (أو مهارات) معينة من 4 درجات مثلاً.. هل يشترط إن البنت تجيب الدرجة كاملة عشان أعتبر إنها اتقنت؟ طيب ولو جابت نصف الدرجة؟ ولا ثلاثة أرباعها؟
.... خلاص.. يا كيبورد استح..

على حسب إجابة الطالبة وحسب حلها لورقة العمل..أنتي ( كمعلمة ) تعرفين الطالبة إذا كانت فاهمة المهارة ومجاوبة صح..أو مجرد تخمين وتخبيص..وإذا حابة تتأكدين أكثر ..إعملي لها أكثر من أختبار على نفس المهارة..لأنها أساسية ومهمة,,

تحياتي...

وإذا فيه كمان استفسار..أنا في الخمدة..

كمان أختي العزيزة...ممكن تسألين معلمات الإبتدائي اللي عندك في المدرسة يشرحون لك طريقة التقويم ..لأن عندهم خبرة أكثر

وراح يفيدونك كثيييييييييييييييييير..

( لأني مريت بنفس اللي مريتي فيه بداية السنة )

**تفانـي** · 08-03-2009, 10:32 PM

عزيزتي سما

بالنسبة لسؤالك :أولا لازم تكون فقرات الأسئلة عدد فردي .. مش أقل من 5 لأن الإجابات الصحيحة إذا كانت أكثر من الخاطئة كذا نعتبر

التلميذة أتقنت ،ويكون قياسك للمهارة بأسلوبين ع الأقل

وبالتوفيق

**تفانـي** · 08-03-2009, 10:40 PM

اختي سما

لو وضعت اختبار على مهارة (أو مهارات) معينة من 4 درجات مثلاً.. هل يشترط إن البنت تجيب الدرجة كاملة عشان أعتبر إنها اتقنت؟ طيب ولو جابت نصف الدرجة؟ ولا ثلاثة أرباعها؟

لازم تكون عدد فقرات سؤال قياس المهارة عدد فردي وإتقان التلميذة يتم إذا أجابت أكثر من نصف الأسئلة يعني لو حلت 3 وما عرفت 2 نعتبرها أتقنت ..

أما إذا كانت الفقرات عدد زوجي سيحدث أن تجيب الطالبة صح ع 2 وخطأ ع 2 وسوف تضطرين للإعادة ..

أتمنى أكون أفدتك ..

**تفانـي** · 08-03-2009, 10:47 PM

سمااااااااا

شرحت الدرس مرتين !!!!!!!!!!!

تقبلي تحياتي

**سما** · 09-03-2009, 04:13 PM

الأختين العزيزتين جولي و تفاني, تعبتكم.. الله يعطيكم ألف عافية
فرجتوا عني كربة.. الله يفرج عنكم كرب الدنيا و الآخرة و يوفقكم لكل خير و يحفظكم من كل شر..