طبقت طريقه تعليم تعاوني تعالوا شوفوا وش صار للطالبات؟

**ظمأالغلا** · 11-03-2009, 08:44 PM

[FONT="Tahoma"] انا اخذت دوره تعليم تعاوني

وطبقت طريقه جاكسو jigsaw والله نسيت اسمه الظاهر كذا
المهم قسمت الدرس الي اربع افكار كل فكره كتبتها ببطاقه
[MARK="CCFF33"]مثلا بدايه الزيت الخام[/MARK]
[MARK="00FF33"]2 طرق استكشافه [/MARK]
[MARK="FF33FF"]3اماكن تواجده[/MARK]
ا[MARK="00FFFF"]لمنتجات[/MARK]

وكل بطاقه بلون طبعت من كل فكره عدد معين واوزع علي كل مجموعه جميع البطاقات يعني كل طالبه بالمجموعه الوحده معها فكره ولون معين اذا العدد كثير مثلا 8 بالمجموعه الوحده اعطي البطاقه الحمراء لطالبتين عندهم نفس الفكره واللون

بعد ما اوزع علي جميع المجموعات

اقول يا الله اللي معاهم اللون الأحمر يجتمعون بمجموعه
واللي معاهم اللون الأصفر يجتمعون بمجموعه وهكذا
يجتمعون لوقت محدد ويتناقشون بالفكره صار الحين عندك
مجموعه معاها بطاقات حمراء
مجموعه معاها بطاقات صفراء
والباقي معاهم مثلا زرقاء
والأخرى خضراء

بعدين يرجعون لمجموعاتهم الأساسيه وكل طالبه تتناقش مع مجموعاتها بالأفكار الأربعه وكل وحده تفهم مجموعتها بالمعلومه اللي عندها
بعدها اوزع ورقه عمل ويحلون

واقيمهم جماعي
او ممكن فردي
والله الكل شاااااااااااااارك بحمااااااااااااس

مدري هالطريقه قديمه
والا انا توني اعرفها
صح اني اتعب بالبيت من كتابه الأفكار والتصوير والتغليف بس والله مريحه بالحصه
وانا صرت ااخذ المعلومات من اوراق العمل من هنا للعضوات وراح ارفقها وربي اني ادعي لكل عضوه وضعت ورقه عمل ونسقتها لنا

اسوي نسخ ولصق واغير ان احتاج الأمر

تصير الطالبه لما تحل ورقه العمل هي نفسها البطاقه بس طبعا ما يحلون الا بعد ما اجمع البطاقات

وطبعا البنات تحمسوا

وطلبوا انهم يسوون نفس اللي سويته كنشاط لهم فكل مجموعه من الأن حجزت درس من كل وحده طبعا الدرس الثاني
بس انا اعطيهم اللي ابغاه من الدرس اكتبها لهم بورقه وهم يكتبونها

بالكمبيوتر ويطبعونها ويغلفوها
تحياتي[/FONT]

**ظمأالغلا** · 11-03-2009, 09:02 PM

http://www.4shared.com/file/92335232.../_____oil.html

البطاقات الخاصه بالدرس ومشكوووووووره للعضوه نجلا وللجميع

لاتنسوووووووووووون تصورون كل ورقه قصدي كل معلومه على ورق ملون

وممكن كل طالبه بنفس المجموعه تكون عندها نفس البطاقه واللون اذا كان عددهم كبير

وهذا الرابط من مركزنا

http://www.saudienglish.net/vb/uploa...1236955520.doc

**Prime Rose** · 11-03-2009, 09:14 PM

فكرة رائعة جدا عزيزتي..

وعن نفسي دايم أطبق التعليم التعاوني في دروسي..

ومع أن طريقتي تختلف قليلاً عن طريقتك..

إلا أنها تتشارك في مدى الحماس والرغبة في إعادة الكرة..

:)

دمتي متميزة..متعاونة..

وعطاء الأستاذة سوسو ليس بغريب على انسانة معطاءة مثلها..

وفقها الرحمن..وإياكِ..

:)

**awan9090** · 13-03-2009, 01:34 AM

**مناكير فوشي** · 13-03-2009, 02:53 PM

والله انا عندي مشكله مع بنات الادبي

مستواهم ضعيف

يعني يدبلون كبدي وانا اشرح واعيد وازيد ومافي تفاعل الا من ثلاث او اربع بنات اللي هم معي على طول الخط

ومع انه دروسي دايم في مصادر التعلم وعروض بروجكتر بس مااش البنات عقولهم مو مع الدراسه غير انهم مييييح في الانجليزي ..

بحاول اجرب هالطريقه واتمنى انها تصلح معاهم وتفيدهم

يعطيييك العافيه ماقصرتي

والفايل مايرضى يفتح ياليت ترفقينه على المنتدى :( :(

**ظمأالغلا** · 13-03-2009, 06:46 PM

http://www.saudienglish.net/vb/uploa...1236955520.doc

**البـارع** · 14-03-2009, 02:43 PM

ومنكم نستفيد..
ألف شكر

**كل الحنان** · 14-03-2009, 02:57 PM

ماشاء الله

روووووعه

اول مره ادخل منتدى الثانوي شدني الموضوع

واستفدت من افكاركم الحلوه

يسلموووووووووووو ظمأ الغلا

**aadm999** · 14-03-2009, 07:21 PM

**sweet-heart** · 14-03-2009, 10:32 PM

**الاحساس الهادي** · 15-03-2009, 03:04 PM

الرابط مارضى يفتح معي

ممكن تعيدي تحميل بالمرفقات

**سجى النهار** · 15-03-2009, 06:56 PM

يعطيك الف عافيه

**سجى النهار** · 15-03-2009, 07:13 PM

يعطيك الف عافيه

**lina1396** · 18-03-2009, 09:20 PM

ماشاء الله تبارك الرحمن جزاك الله كل خير !! من زمان وأنا نفسى أعمل شيئ مميز في دروس الريدر وأخلي الطالبات يتنشطون شو ية !! بس طريقتك أعجبتني !! إن شاء الله أجربها مع طالباتي و ينبسطون !!

**لوبيليا** · 20-03-2009, 12:53 AM

مشكووووورة ظمأ الغلا
جزيت خيرا

**wa3ad2007** · 20-03-2009, 01:52 AM

سلالالالالالالالالالالالا لالالالالالالالالام
يعطيك العافيه معلمة نشيطه بس طالباتي صار الامر عنهم يومي وروتين عادي وما ببي اي تقدم للاسف احس اني احفر بالمحيط وربي جاني احباط
معلمة مقهورة
تحياتي

**جروح أنثى** · 20-03-2009, 10:57 AM

مشكووووووووورة

**watermelon** · 05-03-2011, 04:13 PM

كيف اطبق الطريقة هذه على دروس القرامر

**ظمأالغلا** · 07-03-2011, 06:07 PM

ممكن عزيزتي اذا عندك اكثر من قاعده في الدرس

تكتبي كل قاعده ببطاقه وتكون مختصره ومثال علي كل قاعده

وتعطيهم ورقه عمل تحتوي علي كل القاعدات بحيث المجموعه الوحده لما تخلص من حل التمرين تاخذي البطاقات وتعطيهم بطاقه بفكره وقاعده ثانيه راح تشوفي البنات كيف ودهم يخلصوا ويسبقون باقي المجموعات وهكذا

بعد ما يخلص الكل تناقشي القاعده معاهم

او ممكن تنادي من كل مجموعه طالبه ممتازه وتبدأ تشرح لزميلاتها يعني مثل المعلمه الصغيره

**سيدة إحساسي** · 07-03-2011, 11:22 PM

أحس أساس التعليم التعاوني
قلة الطالبات
لكن لو كان عندك فصل فيه حول ال48 طالبة والفصل ضيييق جداً
بحيث يالله تمشين بينهم
مافي مجال لتطبيق طريقة التعليم التعاوني

يعطيك العافية