تجمع معلمات محو الاميه خلونا نفيد ونستفيد

**هائمه فىالتدريس** · 19-08-2009, 03:22 AM

طيب بمناسبة اعتماد الانجليش للعام القادم وش رايكم نكون يد وحده ونرفض مهزلة تدريس مواد ثانيه
بصراحه طفشونا من التدريس بسبب مواد لا نفقه فيها شيء

لا وزيادة على كذا حضريها تحضير كااامل مافيه ولا غلط حراااام والله حراااام

ظلمونا وظلمنا الدارسات معنا
:(

**whatever!!** · 19-08-2009, 04:58 AM

ينابيع,,,ماعندي خبر كيف والا وين,,,,بس اتوقع ع النت رح تطلع الاخبار,,,انتي خليك ع موقع وزارة التربية والتعليم-برامج محو الامية,,,,ينزلون كل شي جديد ومعتمد هناك,,,

هائمة حبيبتي اذا انتي منتدبة,,,يعني تدرسين في مدرستين,,مااااالهم اي حق يعطونك مواد ثانية,,,,ولك حق تشكينهم عند مشرفتك,,,او مديرة الاشراف في منطقتك,,,

لكن ان كنتي بس مدرسة وحدة,,هذي من شروط الوظيفة ,,, والشكوى لله عاد,,,

**هائمه فىالتدريس** · 19-08-2009, 11:36 AM

انا بعد احس انه هذا اللي فهمته من التعميم انو مالهمحق يمسكونا شيء ثاني

وانا مايحتاج منتدبة لمدرسة ثانيه

بس اخاف يسوون بنا مثل العام الماضي كان مجرد ترم وتجربه واستغلونا قال ايش قال ليش تستلم مثل راتبنا وهي بس 4 حصص!!

وغير كلام الموجهات الخاصات ببند محو الاميه سووا اجتماع العام الماضي وقالوا : ( ترى كل معلمة محو امية تمسك 15 حصه يعني انتوا باقي لكم 11 حصه عشان تتساوون !! فلا تجيني وحده تحتج على ان مديرتها مسكتها حصص غير الانجليش !!! )

وبصراحه الخسران اولا واخيرا الدارسات هم الضحيه :(

Thanks Whatever for your quick reply

**ينابيع الوادي** · 20-08-2009, 02:14 AM

أنا الحمد لله لم امسك مواد ثانية , ولكن المديرة طلبة مني أن أمسك الكمبيوتر حق المدرسة .

**I'ᴍ ṠTiLL a ḺIFe** · 22-08-2009, 05:21 AM

بنات ترى الرواتب تبع شهر 8 نزلت

والله يرزقكم جميعا!!

**قلم فوشي** · 23-08-2009, 04:30 PM

بنات انا بجده وشهر 7 نزل كامل بس شهر 8 مانزل ليش ؟؟؟

**هائمه فىالتدريس** · 25-08-2009, 11:44 PM

غريبه عن اي رواتب تتكلمون؟!

انا شهر 7 نزل الف ونصف ولا نزل شهر ثمانيه لاننا اصلا الى الان لم تجدد عقودنا!!

**ينابيع الوادي** · 26-08-2009, 02:13 PM

غريبة أنا استلمت الراتب كامل حق شهر 7 .

**إشراقة** · 27-08-2009, 07:25 AM

السلام عليكم

مبارك الشهر على الجميع

أبغى أسأل وش سالفة الرواتب ؟؟؟؟

لييييه فيه ناس نزلهم شهر 7 كامل , وناس ناقص

وناس نزلهم شهر 8

؟؟؟؟؟

بنات الله يخليكم كل وحده تقول إذا شهر 7 نزل كامل أو لا ؟ وبأي منطقة ؟ وهل أنت معلمة انقلش في المسائي أو الصباحي ؟

.

عني معلمة انقلش مسائي في (القصيم) راتب شعبـــــ7ــــان أخذت منه النصف فقط ؟! وبعده ماشفت شي

الله يخليكم ساعدوني عشان نطالب بحقوقنا إذا فيه أحد استلم بقية شهر 7 أو 8

بانتظاركم

**إشراقة** · 29-08-2009, 02:35 AM

^^^

للرفع

ردوا أخواتي الله يسعدكم ..

**ينابيع الوادي** · 29-08-2009, 02:26 PM

السلام عليكم ورحمة الله وبركاته
بنات فيه احد جدد عقدة ؟؟ أو راح لمكتب محو الأمية من أجل تجديد بيانات العقد ؟؟؟

**إشراقة** · 30-08-2009, 07:57 AM

السلام عليكم ورحمة الله وبركاته
بنات فيه احد جدد عقدة ؟؟ أو راح لمكتب محو الأمية من أجل تجديد بيانات العقد ؟؟؟

وعليكم السلام ورحمة الله وبركاته

بالنسبة لي .. المشرفة دقّت عليّ من أول ما نزل التعميم , وسألتني إذا أبغى أكمّل معهم أو لا... طبعا رديت عليها بالإيجاب , فقالت خلاص بس أبتأكد عشان أرفع أسماؤكم على طول في 15/9 ... ولا قالت أجي ولا شي , شكل العملية كلها تعتمد على موافقة استمرارك فقط يعني مايحتاج نروح نجدد.. والله أعلم

وربي يوفقنا وإياكِ أختي ..

**هائمه فىالتدريس** · 06-09-2009, 10:49 PM

انامن منطقة الرياض ونزل لي شهر 7 نصف الراتب فقط
واذا على التوجيه محد دق علي ولا جاب اي طاري :(

**whatever!!** · 02-10-2009, 07:02 AM

هااااا بنات بشروا....جددوا عقودكم؟؟؟

انا الحمد لله وقعت عقدي الاثنين.....وبنفس مدرستي الاولى..

**هائمه فىالتدريس** · 04-10-2009, 07:57 PM

whatever
ألف مبروك على تجديد العقد
أنا اليوم المفروض اجدد العقد بس أجلته لبكره
أحس اني متردده شوي .. أخاف اجدده ويمسكوني مواد ثانيه وانا مالي خلق
:(

**I'ᴍ ṠTiLL a ḺIFe** · 04-10-2009, 10:23 PM

مساء الخير على الجميع

بالنسبه للرواتب يابنات آنا نزلت لي كامله يعني شهر 7 و 8 و 9

والمفروض أصلاً آنها تنزل كامله والله آني مستغربه من وضع بعض البنات الي هنا

آنتبهو يابنات وكل وحده تطالب بحقوووقهاا

والي تبي تتاكد ترا الخبر موجود في منتدى الوزاره

(( آن الرواتب مستمره ومارااح تنقطع ))

امــآ العقد فموعدي بعد بكره باروح أجدد عقدي

عفواَ ع الاطاله بس كنت حابه أوضح لكم هالشي علشان تنتبهون

**ينابيع الوادي** · 05-10-2009, 09:46 AM

السلام عليكم
أختي التي نزل لها راتب شهر 7 و 8 و 9 كامل من أي منطقة أنتي و أي مدرسة ؟ حتي نتاكد من صحه الخبر لأن بعض ينزل خبر و هو ما هو صحيح .

**الموقرة** · 05-10-2009, 11:04 AM

اولا مبروك على تجديد العقد بس لنتي من اي منطقة لن اخر راتب اخذته كان في شهر سبعه بس 1500 ريال والى اليوم ولا ريال نزل لي
بس سوالي كيف تكون الرواتب مستمرة ومافيه عقد
والله من بدايه عودة المعلمات وان استنى اتصال ومافية امال الى هذا اليوم
يارب يدقو علي عاجلا غير اجلا امين يارب

**hawa** · 05-10-2009, 02:15 PM

البنات اللي نزلهم رواتب 7_8_ 9 هل كنتم تدرسون مواد غير الإنجليزي ؟
أنا نزلي شهر 7 بس1500 وكنت ادرس انجليزي فقط
و الأخت الموقره روحي أنت بنفسك جددي
عقدك أنا رحت بالصدفه وقالت ان أرقامك مش عندنا عشان نتصل فيكم يالله شدي حيلك وبشرينا

**هائمه فىالتدريس** · 06-10-2009, 03:09 AM

أنا كنت أدرس مواد ثانيه غير الانجليش ومانزل لي غير نصف راتب شهر 7 ..!!
it's a life
يمكن انتي مجدد عقدك مو على اساس مدرسة انجليش يمكن على اساس تعليم عام

او يمكن بعد مايجددون عقودنا ينزلون لنا رواتب العطله !!!!!!

**I'ᴍ ṠTiLL a ḺIFe** · 06-10-2009, 12:12 PM

انا من احدى محافظات الريــاض !!

ومادرست الا انجليزي فقطططط يعني مامسكت مواد ثانيه ،

وعلى فكره في ناس كثير يعانون من نفس المشكله انه مانزلت لهم الرواتب

يعني فيه بعض الناس نزلت لهم والبعض للاسفف الاخر لا ، الله يرزقهم يارررب

**ينابيع الوادي** · 07-10-2009, 06:33 PM

السلام عليكم
بنات كتب المنهج الجديد وصل لمدارسكم ولا لا ؟؟؟
بنسبه لمدرستي لم تصل الكتب ولا تعاميم خاصة بالمنهج .
و أختي التي تقول نزل لها راتب 7 و 8 و 9 كامل لو سمحتي حددي أي محافظة بالضبط حتي نتاكد من بقيه معلمات المحافظة .

**إشراقة** · 07-10-2009, 11:22 PM

وعليكم السلام ورحمة الله وبركاته

ما عطونا لا المنهج ولا أي شي .. الله يعين بس

ولا أنسى أبارك للجميع تجديد العقود , مبرووووك وعقبال الترسيم ^_^

أختي I'ᴍ ṠTiLL a ḺIFe .. ممكن تحطين رابط استمرار الرواتب اللي قلتِ إنه في منتدى الوزارة , الله يجزاكِ خير .. لأننا ضايعين بصراحة.

**I'ᴍ ṠTiLL a ḺIFe** · 09-10-2009, 03:31 PM

اختي ينابيع الوادي

ممكن تتــآكدين بنفسك ووتقتنعين من الرابط الي تحت

ومثل ماقلت قبل أن الرواتب نزلت لناس وناس لاااا !!

http://www.moeforum.net/vb1/showthread.php?t=313978

أختي أشراقه

الله يبارك بعمرك ،وعقبال الباقييين ياررب

وبالنسبهه للرابط والله مالقيته دورته وكان ودي أنزله من اول بس هذا الرابط فيه

لخبطه الرواتب وانها مانزلت في الحوطه والحريق (( على سبيل المثال )) ورد وتنويه الوزاره تحته

http://www.alhota.net/news.php?action=show&id=784

وهذي روابط لكلام البنات اللي نزلت لهم رواتب بعد

هنــا

وهنــا

وأحبانا تلقين معلمتين من نفس المدينه وحده نزل راتبها والثانيه لا !!!!

هنــآ

الله المستعان !!

آعذروني ع القصور وآن شاءالله آكون أفدتكم ..

**هائمه فىالتدريس** · 09-10-2009, 07:20 PM

مشكوووورة اختي It still a life

على الروابط وتوضيح اللبس .. بس قريت مثل اللي كنت متوقعته ان رواتبنا يا معلمات الانجليزي ماراح تُصرف إلا بعد مايعمم تدريس الانجليزي مسائي وتُجدد عقودنا بعدها راح يصرفون لنا الراتب ومادري اذا كان هذا يشمل بقية راتب رجب وشعبان ورمضان أم لا ..

وهذي وحده من العضوات كانت تسأل عن تأخر راتبها.

انا معلمة انجليزي مسائي من الاحساء مانزل لي شيء على حسابي في بنك الرياض امس واليوم ماشفت شيء هل لنا راتب والا لا؟؟

وهذا كان الرد عليها من مسئول اداري

افيدك بأن رواتب معلمات الانجليزي لن تصرف الابعد تجديدالعقود لكن ، تقريبا سوف يتم التجديد في شهر شوال وهذا كلام استاذه فوزيه

والله ولى التوفيق