تجمع معلمات محو الاميه خلونا نفيد ونستفيد

**j o r y** · 14-12-2010, 10:30 PM

فو شيا روز

دونت شكلها مشغوله مع الأمتحانات من زمان عنها

mb226

أنا بدأت في الأرقام
بس ما أستغني عن مراجعه الحروف
نسيانهم مو معقوووول !!!!!!!!

هائمه في التدريس

حياك ياقمر منوره
الله يوفقك يارب

**فوشيا روز** · 15-12-2010, 06:11 AM

الله يوفقها يارب

انا كمان واصلة الارقام
ومراجعة الاحرف كل حصة

**Portugal** · 16-12-2010, 03:49 AM

بنات أنا الحين في حرف u .... بس أنا كنت أعطيهم حرف واحد كل حصة ...بس الاسبوع هذا بأشد عليهم و اعطيهم حرفين و نخلص الحروف إن شاء اله خلال الاسبوع الجاي ,,,قولوا يا رب :( دارساتي كبااااااااااااار في السن و تحصل مواقف فظيعة ...منها إن الحصة 30 دقيقة بس ...والتعميم يقول 45 دقيقة ...يعني ربع ساعة تقطع من الحصة شئ مو بسيط ترا ...خلال هالربع ساعة ممكن اعطيهم حرف ثاني أو أقيمهم أو اي شئ !!! ثانيا كل مرة أدخل عليهم ألاقي المعلمة اللي قبلي مالية السبورة ملخص و تبيهم ينقلونه في الدفتر !!!!! تخيلوا عجائز و قدامهم سبورة مليانة ...بالله متى يخلصون ؟؟!! فكرت اشتكي للمديرة الصراحة لأن يروح علي ربع ساعة انتظرهم !! يبقى لي ربع ساعة ..بالله وش اسوي فيها ؟!
طلبت حصص من المديرة بس كأنها تقول لي ( وش تبين أنتي ؟ ) يعني ما اهتمت ولا كأن شئ يصير و تقول لي لا تخافين منهجهم بسيط بتخلصينه !!! طيب يا اختي انا المعلمة وأنا أدرى ...أحتاج حصص ...مو فلوس ترا طالبتك هههه !! صارت الحصص غالية الحين !! اقسم بالله المعلمات يلحقوني يقولون خذي حصص بس هالمديرة ما تبي كذا !!! غباء مدري نجاسة مدري نظام !

اللي عندها أفكار تختصر شرح الحروف بحيث اشرح حرفين في نص ساعة :( ؟؟؟؟؟؟!!!!

**j o r y** · 16-12-2010, 04:25 AM

بصراحه أنا أعطيهم ثلاثه او حرفين في الحصه

ابدأ معاهم اقسم السبوره لقسمين ونراجع الحروف السابقه واكتبها ع السبوره وبالجهه الثانيه نخليه للدرس الجديد
وبعدين أبدأ أعرفهم ع الحرف الجديد
وأخليهم يرددون معايه وبدوني وكلهم مع بعض ووحده وحده

وبعدين أخليهم يكتبون في الدفتر الحرف على الأسطر وأنا أمر عليهم واذا شفت خطأ اقولهم عليه
وبعدين أقولهم نتعرف على حرف ثاني بس ذكروني بالحرف اللي أخذناه قبل شوي
وهكذا

ونهايه الحصه أضيف الحروف الجديده على الحروف السابقه ونقراها مع بعض من البدايه

يعني الحصه مراجعه مع درس جديد

ان شاء الله البنات مايقصرون معك

**فوشيا روز** · 17-12-2010, 10:19 AM

هلا والله بهالطلة ها طمنينا كيف الامتحانات معاك
الله يوفقك يارب
بالنسبة لشرح الاحرف انا اسوي زي جوري بس الاحرف اللي درسناها من اول
كاتبتها على وسيلة مخليتها كانها سبورة ثانية ومجهزتها من قبل الحصة
وكل ما اخدنا حرف جديد كتبته عليها
ولما اخليهم يكتبوا معايا على طول في الدفتر منها يكونوا كتبوا الملخص السبوري
ومنها اشوف كتابتهم كيف ومع الوقت بتتعودي وهم يسرعوا شوي

**Portugal** · 18-12-2010, 10:29 PM

مشكلتي الكتابة في الكتاب :( يلخبطون في السطور مرة :( ودي ألغي الكتاب أو أخليه واجب ..وأحط الدفتر هو المهم ! في الدفتر كتابتهم انظف ..... أنا مثلكم والله و حاطة الحروف مكبرة على لوحة معاي أدخل بها كل يوم ونراجع الحروف و نقرأها بس ما يفيد :( بحاول أقلل وقت الترديد الجماعي ...تصدقون 6أو 7مرات أردد معاهم ههههه

**فوشيا روز** · 19-12-2010, 07:26 AM

الله يعينك انا بصراحة اقرا من الكتاب في الحصة بس الحل
اخليه واجب

**n&f** · 20-12-2010, 08:34 PM

السلام عليكم

كيف حالكم بنات

انا واصله الارقام

لكن مشكلة النسان فيهم مو طبيعيه

كل يوم مراجعه وتقييم للحروف

وابي انسخ لهم سي دي حق الحروف يسمعونها في البيت

لانها افضل وسيله للتعلم

لكن عندي مشكله في السي دي درايفر

الله يعينا ان شاء الله جميعا

**خجول الورد** · 26-12-2010, 01:42 AM

السلآم عليكم ورحمه الله وبركآتوو

أخبآركم بنوتآت

إن شآءالله بخير

وين وصلتو بالمنهج؟!

انا الحين بدرس What is your name

واحس اني مفحطتن بهم يعني الإسبوع الجآي ببدأ بالمراجعه معهم

لا والمشرفه دآخلتن علي يوم كنت بدرس الحروف وقالت بدخل عليك ثانيه وللحين ماقالت شئ

اما قالت بجي الاسبوع الجاي وانا خلصت وبآديه بالمراجعه ؟؟!!

**Portugal** · 26-12-2010, 03:21 AM

هاااي

وصلت حرف الـ x ! يعني هانت :( هههههههههه مابقى إلا اسبوعين و يغيبون !

**j o r y** · 26-12-2010, 05:59 AM

خجول الورد

ياهـــلا فيك أنا مثلك بدأت بدرس What is your name

لكن يابنات الحصه كل أبوها ضحك

تخيلوا لمن يردون مايقولون ماي نيم از << الحريم الكبار طبعآ

يقولون مايونيييييز << قلبوها فسحه
والمشكله يفطسون ضحك على أنفسهم ولمن أسكتهم وأقول خلاص انتبهوا معايه
أنا أفطس ضحك خخخخخخخخخ وأبغا اللي يسكتني وقتها هع
بالله مين دارساتها مثلي ؟؟؟
واااااااااي أجل الفصل الثاني وش بيصير هههههههههه

Portugal

يالله هانت على قولتك
وعقبال ماتوصلي لدرس المايونيز :)

الله يوفقكم جميعآ

**الحنش الذهبي** · 26-12-2010, 09:51 PM

سلام حبايبي وحشتوووووووني انا خلصت معهم الحروف والارقام بس الله يعين في كل حصه لازم مراجعه وياليت فيه شي

ما غير المواقف الي تشيب الراس ههههههههههه اوقات هم نفسهم يضجكون على انفسهم
بس الله يعين
جولي

**خجول الورد** · 27-12-2010, 02:41 AM

يقولون مايونيييييز << قلبوها فسحه

ههههههههههههههههههههآآآي يآحوبيلك جوري

تدرين بدرس الأرقآم يوم وصلت رقم 4 واقولهم فور ويرددون بعدي

يوم ركزت أثر وحده تقول ثور هههه

اقول فور وتقول ثور هههههه

حريم مفهيآت بقوه الله يخليهن لعيآلهن

**فوشيا روز** · 27-12-2010, 03:18 PM

ضحكتوني والله انا دارساتي يقولون
وت زرنيم ومدري ذا زرنيم وش يطلع هو محلول كيماوي ولا معدن

**قصيميه ميه ميه** · 27-12-2010, 07:04 PM

ههههههههههههههههههه

انا بعد انواع تقليب الكلام ... الله يعيننا بس ..

بنات ابي اسألكم .. اليوم اختي جتها رسالة على الجوال من الخدمة المدنية

نص الرسالة( الخدمة المدنية تدعوك لمطابقة بياناتك قبل 1-2- 1431 )

وش تعني هالرسالة ؟؟؟ تعيين ؟ والا طلب تعاقد والا ايش ؟؟؟

يا ليت اللي عندها معلومة تخبرني .. لان ما ندري نتصل بهم او وين نروح هع

**j o r y** · 27-12-2010, 08:14 PM

فوشيا روز

خخخخخخ
الله يسعدك من جد تخبيص هههه

قصيميه ميه ميه

أتوقع تعين لأنه من الخدمه المدنيه التعاقد يدقوا عليك مكتب الأشراف أهم شي تستفسر وتطابق بالبيانات قبل أنتهاء المده
ألف مبروووووووووك وعقبالك أن شاء الله

**n&f** · 27-12-2010, 08:32 PM

السلام عليكم يااحلوات

الترم الثاني اهون وافضل

الكبار حلوين في حفظ الكلمات

لكن الحروف تسبب لهم ازمه

يوم السبت حفظتهم happy and sad روووووووعه

هم من نفسهم صار يقولون

لاتحاتون الترم الثاني

المعاناه هالترم

احس باحباط بسببهم والحروف

فتوكو بعافيه

**بنت ظلم** · 27-12-2010, 09:00 PM

ضحكتوني هههههههههههههه
انااقول لطالباتي كررو ا ماي نيم از
يقولون مايونيز هههههههههههه
قلت ليه مايصير كاتشب

**قصيميه ميه ميه** · 27-12-2010, 10:57 PM

jory

الف شكر لك على ردك

و يارب يكون تعيين

و عقبااااااااالنا كلنا يارب

**فوشيا روز** · 28-12-2010, 01:11 AM

قصيمية ميه ميه في خبر في موقع وزارة الخدمة المدنية
الخدمة المدنية تدعو 1500 وحاجة لمطابقة بياناتهن وذلك لا يعني ترشيحهن والله اعلم
وهذا الجزء الاول من الخبر نقلته لك من الموقع

طلبت وزارة الخدمة المدنية من (1531) مواطنة مراجعة فروع الوزارة ومكاتبها بمختلف مناطق ومحافظات المملكة قبل نهاية دوام يوم الأربعاء الموافق 1/2/1432هـ حسب تقويم أم القرى، بهدف مطابقة ما سجلنه على موقع الوزارة على الانترنت من بيانات مع ما لديهن من وثائق أصلية، والمطلوب مراجعتهن هن من تمت مفاضلتهن ممن سبق أن تقدمن لمفاضلتي حاملات المؤهلات الجامعية وحاملات مؤهل الدبلومات مادون الجامعية( نساء) الراغبات بالعمل الحكومي في الوظائف الإدارية و الصحية على موقع الوزارة على شبكة الانترنت.
وأوضحت الوزارة أن هذه الدعوة لا تعني الترشيح وإنما لمطابقة بيانات المتقدمات المعلنة أرقام تقديمهن بناء على ما تم تسجيله من قبلهن على موقع الوزارة مع أصول الوثائق الرسمية

**the dr** · 28-12-2010, 11:18 PM

السلام عليكم ورحمة الله وبركاته
انا عضوه جديده ودوبي لي شهرين متعاقده لكن سمعت انه اللي تتعاقد في محو الاميه يشيلون رقمها من الديوان وتشيل من راسها التعيين الرسمي لانها تعتبر في وظيفه رسميه

هل الكلام اعلاه صحييييييييييييح ام لا

صراحه شي يقهر اذا كان صح لان راتبها ولاشي وغير كذا انه مو شي رسمي ومثبتينك يعني في اي لحظه يقولون لك باي

**فوشيا روز** · 29-12-2010, 12:21 AM

الله من كثر الاشاعات في معلمات من معلمات محو الامية جاهم هالسنه تعيين

**the dr** · 29-12-2010, 01:02 AM

الله يسعدك ياشيخه

بس من جد تعرفين بنات اتعينوا

يمكن قصدك بند محو الاميه

انا اقصد زي حالاتنا يداومون في العصر

**قصيميه ميه ميه** · 29-12-2010, 02:25 AM

فوشيا روز

لبى قلبك اطلعت على الموقع و حصلت رقم اختي هناك ... الله يتمم لها على خير يارب ...

the dr

ايه يتعينون ليش لا
العام معي وحدة بالعصر معلمة .. و هالسنة تثبتت رسمي صباحي ما شاء الله ..
رقمك بالديوان لا تخافين .. و تفائلي بالخير تجديه

موفقين يااااربـ

**j o r y** · 29-12-2010, 06:08 AM

قصيميه ميه ميه

ألـــــــــــــــــــــف مبرووووووووووووووووكـ وعقبالكـ يارب

the dr
ثنتين من صديقاتي وزميلاتي بنفس الوقت مدرسات انجلش تعاقدوا محو أميه سنه وترم وماشاء الله جاهم التعين الرسمي السنه هاذي

الكلام اشاعات حبيبتي