رد مع اقتباس
السلام عليكم ورحمة الله وبركاته
هذا موضوع كتبته في مواقع اخرى واتمنى ان يتفاعل بقيه الاعضاء بافكارهم واشكرك يا صاحبة الموضوع
--------------------------------------------------------------------------------
بسم الله الرحمن الرحيم
السلام عليكم ورحمة الله وبركاته
إخواني وأخواتي
صحيت من نومي اليوم وأنا اسأل نفسي "وش سويت في وقت فراغي ؟ وش استفدت من قعدتي كل يوم عالنت؟ إذا سألني الله عن هذا الوقت فيما أفنيته يا ترى اش راح يكون ردي؟أقول في التصفح في المواضيع اللي فيها ضحك فرفشه؟ والا المواضيع اللي فيها نقاش عن من أفضل عضو او ما رأيك بالعضو الفلاني والا الطبخات ؟ والا مواضيع الرياضه ؟والا مواضيع عن صور الدوله الفلانيه او الجزيره العلانيه؟ والا عن السياسه واش صار اليوم واش حصل في الدوله هذي والا ذيك ؟والا مواضيع عن الشباب والشابات وش يسوي وش تسوي هي؟
والا والا والقائمه طووووويله لا اظن انها بتكفيها الصفحه
طيب البعض راح يقول يا اخت هذي الاشياء ما هي حرام والا حتى الحلال قمتي تحرميه والا انت انسانه معقده وتحبين تعقدي غيرك؟وايش قصدك بكلامك تبغينا ما ندخل نت ونروح عن انفسنا بالحلال؟
انا ماقصدت الكلام اللي فوق انا قصدت بكلامي هل انت كمسلم اليوم افدت نفسك بعمل اليوم تحس انك راح تؤجر عليه؟او عمل افدت به الاسلام؟او عمل ينفعك في قبرك؟
راح يقول البعض قامت تسوي نفسها مطوعه طيب وانتي ايش سويتي عشان تقومي تتفلسفي علينا
راح اقولكم للاسف لا شيء
راح اقولكم وكلي حسره ان عمري و33 سنه اللي مضت ما احس اني طلعت بعمل اقول انه يشفع لي عند الله
راح اقول ان الساعات مرت والايام مرت والسنين مرت وانا كل سنه اقول هذي السنه باكون افضل ولكني محلك سر ما زلت اضيع وقتي فيما لا ينفعني ما راح اقول دنياي لكن راح اقول الاهم هي آخرتي ضيعت عمري في اشياء ما قول كلها حرام لكنها مضيعه للوقت اللي راح اسأل عن كل دقيقه منه
اش اعديت ليوم الحساب اش اعديت لاول يوم في القبر؟؟؟؟انا ما اقول اني انسانه شر خالص ولكن ليست كل افعالي فيها خير
حتى ولو عمري ما اخطيت في حق احد لكني اخطأت في حق نفسي فأنا لم اعدها لذلك اليوم العسير
كل ما اقرأ سيرة النبي صلى الله عليه وسلم اوالصحابه رضي الله عنهم او السلف الصالح او حتى علماء اليوم اقول وين انا منهم؟ هل ياترى عملت مثلهم او على الاقل حاولت؟ ليش ما عندنا نفس عزيمتهم؟ الرسول صلى الله عليه كان شخص واحد مع ذلك شوفوا اش قدر يسوي تدرون ليه؟ لانه شخص واحد لكن الله كان معه ومن معه الله فإن الله سينصره ولو بعد حين
والا نفسي الاماره بالسوء ثبطتني وقالت لو تموتي نفسك من العمل الصالح ما راح تقدري تصيري مثلهم وهذاك زمنهم ما راح يتكرر و انتي لسه باقي عليك ووو وغيرها من التبريرات و الايام تمر وانا مثل ما كنت
ارجوكم اعذروني على اسلوبي السيئ في التعبير لانه والله انا عندي كلام كثير ودي اعبر عنه لكن الكلام يخونني وما اعرف اعبر عنه
المهم الان على قولة اخواننا في مصر"احنا اولاد النهارده" اش اقدر اسوي او انت تقدر او تقدري تسوي؟؟
الرسول صلى الله عليه وسلم قال فيما معناه (من سن سنة حسنه فله اجرها واجر من عملها الى يوم القيامه) فلذلك من اليوم خلونا نخصص جزء من وقتنا على النت للدعوه الى الاسلام والدعوه للاخلاق الاسلاميه
راح تقولوا صعبه وما نعرف كيف
انا اقولكم كيف وابغى من اللي عنده افكار اخرى يقولها ما تدرون يمكن هالفكره حتى ولو كانت بسيطه يطورها احد ثاني ويضيف عليا افكاره فتؤجر انت وهو او هي
انا عندي كم فكره بسيطه اتمنى تنفع واللي عنده اضافه يضيفها وبكذا نكون استفدنا من وقتنا ونعمل عمل نرجو ان يشفع لنا اضاعة عمرنا اللي فات
فكرتي هي عمل سيديات دعويه ممكن الفكره قديمه لكن انا اقصد تكون فيها ما يلي: برامج مفيده وتشغل المحتويات مثل الريل بلاير او غيره –-يكون في السي دي محاضرات مرئيه عن الاسلام بلغة اللي تعطيه الشريط وهذي ممكن لو احد منكم يضعها في موقع لتحميلها بعد ما يسجلها من شريط يقدر يلقاها عند دعوة الجاليات-مقاطع للي اسلموا وسبب اسلامهم-مقاطع محاضرات عن الاسلام بلغتهم-ممكن بعض مقاطع احمد ديدات ونقاشاته مع النصارى واليهود عن ديننا ودياناتهم- مقاطع سمعيه فيها مشائخ ذوي اصوات تخشع لها القلوب يقرأون قرأن- اناشيد اسلاميه باي لغه وهذي تقدر تسوي عنها بحث وراح تلقى بالمئات-ممكن بعض الكتب الالكترونيه باللغات المتنوعه عن الاسلام
نضع هذا كله في موقع او قسم خاص ممكن نسميه قسم مرئيات الدعوه للاسلام او أي اسم آخر في أي منتدى او في القسم العام وليس الاسلامي فقط لانه للاسف كثير وانا منهم ما يمروا الا نادرا على القسم الاسلامي في الموقع
ممكن كل مره احد يضيف مقطع مفيد للتحميل او رابط للمواقع المفيده بحيث نقدر ننسخه ونضعها في السي دي ونقدر نوزعها وبكذا نكون ساهمنا في الدعوة للاسلام ولو بالشيء البسيط
اتمنى اني اكون افدت وآسفه على الاطاله
اسأل الله العلي القدير أن ينفعنا وإياكم
اسأله تعالى أن يهدي أولادي وبنتي وشباب وشابات المسلمين ويصلحنا واياهم
اسأل الله ان يجعل أبنائي و أبناء المسلمين نفعا للإسلام والمسلين
اسأل الله العلي القدير ان يجعل من ابنائي وابناء المسلمين علماء ودعاة ومجاهدين
آمين
وصلى الله على نبينا وسلم
والحمد لله رب العالمين
هذا الموضوع كتبته الفقيرة لعفو ربها ام لجين وحقوق الطبع غير محفوظه واللي يقدر ينشره مش ملزم بذكر المصدر
المفضلات