lesson 4 في كل وحدة

**smcw** · 19-03-2009, 04:12 PM

بسم الله الرحمن الرحيم

يا أخواني وأخواتي الكرام بما أني مطبق وخبرتي صفر على ما يقولون فحبيت أتناقش معكم بخصوص الدرس الرابع ( lesson 4 ) الذي يأتي في كل وحدة ويكون متضمن الـ phonics و الـ grammar summary السؤال هل هذا الدرس مهم وهل أنتم تدرسونه لأن بصراحة الدرس الأول يعتمد على المسجل ومعقد شوي والدرس الثاني يعتبر مراجعة لدرس القرامر.

أرجو من الجميع المشاركة
وجزاكم الله خير,

**البـارع** · 20-03-2009, 05:39 AM

هو فقط تمرين على نطق حروف العلة الطويلة والقصيرة
أنت فقط أعرض الحرف وعط كم مثال من الكتاب للطلاب , واقرا لهم الامثلة في الكتاب وهم يرددون, وحل التمرين والمسألة بسيطة جداً
والقاعدة بس ذكرهم بها , واقرا لهم الامثلة وحلوا التمرين مع بعض وانت اكتب الإجابات على السبورة
الدرس ما ياخذ 20 دقيقة

**THE innocent** · 21-03-2009, 08:34 PM

طيب ايش السبب اللي يخليني اعاني من الدرس الرابع
مع انه مجرد ريفيو عالدروس السابقه بالإضافة الى الفونكس
إلا انه الرهبه موجودة كل ماجيت اديهم الدرس ودايم تخلص الحصة وانا ماانهيته؟؟؟؟؟؟؟؟؟؟؟؟

**joherkj** · 22-03-2009, 04:10 PM

والله يا جماعة اضن ان الدرس الرابع مهم جدا خصوصا لتلاميذنا لانهم ماضبطون القراءه
السليمة للكلمة ويجدون صعوبة في نطق حروف العلة في مختلف الكلمات فلذلك اعطوا
الدرس4 حقه الوافي من الشرح وهنتم محاسبون ز ثم ان المراجعة ممتازه لطلاب في كل حصة
مما يسهل درس 4

**Orion** · 23-03-2009, 03:14 AM

والله انا ماياخذ مني وقت ابدا ..

اقرا الكلمات واخليهم يعيدونها .. واشرح لهم الحرف كيف نطقه وكيف يجي واحل التمرين اللي تحت ..

ومثل ماقال البارع ماياخذ وقت .. يمكن 15 دقيقة او اقل .. ومراجعة القاعدة اخليهم يقراونها
مثلا وحدة تقرا السؤال ووحدة الجواب .. وكل ثنتين يقومون يقراون ..

ارجع اشرح على السريع لاني اكون معطية القاعدة حقها في الدرس اللي قبل ..

بس احيان يكون الدرس الرابع 3 او 4 صفحات .. وياخذ وقت طويل :(

**salem** · 24-03-2009, 11:52 AM

بدون مجامله أعرف خمسه من المعلمين ما يمرون على الدرس 4
ولايؤيدون عليه
يا أخوان هذا الدرس يحتاج معامل صوتيه على شأن يمشي صح
و أنا ماشفت المعامل بالكليه كيف بالمدرسه