كافية الموجهه : ماذا استفدتي من زيارة الموجهـ(ـه) لك و عليك؟

[eRosalind]

السلام عليكم ورحمة الله
ودنا نتبادل خبرات ، كل وحدة ايش استفادت او استاد من زيارة الموجهـ(ــه) لـ(هـا) .
ياليت كل وحدة تقول ايش كان نوع الدرس ( كلمات ، محادثه ، تعبير ، الخ) و تضع روابط ، صور ، للملاحظات ، عشان نتبادل خبرات ونستفيد .

من ناحيتي : لما جتني العام الماضي اثنت على شرحي كثير وقالت مبسوطة انو طول الحصة اتكلم لانجليزي وماكانوا الطالبات متبرمات او مش فاهمين ، بالعكس كانوا مبسوطين ومستواهم مرتفع والحمدلله ( ههههههه الفصل كان علمي ) . كانو اذا اسالوا عن معنى كلمة ارسمها لهم ، اقربها لهم قدر الامكان ، ولما مرة مرة مرة مايفهمون ، اقوم وحدة قالت الكلمة بالعربية واقولها raise your voice خخخخخ.

نقدها كان على الدرس الماضي ، كنت معصبة مرة ونسيت اراجعهم ، ماحضرت درس الموجهة الا في المدرسة ( كنت محضرة درس اخر مب حلو ولا شرحته خطرته) وعلى طول مهدت للدرس وخطرت المراجعه ههههههههههههه big jump خخخخخخخخخخخخ

دفتر التحضير كان خطي فيه مرة شين .. مرة شين مرة شين ..
هههههه

اتحداها فهمت منة كلمة .. بس كانت تتفرج ودها تتكلم ، وانا اخز فيها وتسكت ههههههههههههههه ياحبني لها ..



اللي بعدي ياليت تفصل في الحكي >>>>>>>> تشرط هههههههههه

[ghalib]

طيب المشاركة للبنات و الا الرجال عادي يشاركون

[ابله منى]

مادري اختي ...
بس ماتذكر مرة كانت زيارتها مفيدة ... مايعني كلامي هذا انه كانت كل زياراتهم لي نقد .. لكن اقصد من ناحية الفائدة ...
الدورات اللي ناخذها كان بعضها مفيد ...

[Endless Hope]

شكرا على الموضوع الحو


دائما تنصحني باستخدام التعليم التعاوني

[اف طفشت]

والله الموضوع جا بوقته انا مرو علي موجهات اش كثر بعضهم استفدت منهم وبعضهم لا لكن هذي السنه ربي بلاني بوحده مستجده ومصدقه عمرها المشكله انو خبرتنا وحده والمسكينه فاكره انو التوجيه يعني مستحيل تحضر حصه من غير ماتنقد . هذ ا بلا يلي ينحط في غير موقعه . بس مايقول الواحد لا حسبي الله ونعم الوكيل

[T.N.T]

السلام عليكم ورحمة الله وبركاته بسم الله الرحمن الرحيم

انا بالنسبه لى الموجهه كانت ماخده منى موقف من اول فكل مره تحضر لى لازم لازم تنقد ولما اسالها عن النقاط الايجابيه تتهرب وتغير الموضوع فى كل مره فالموجهه عندنا يامجتمع النساء تحكم دوم بقلبها وموقفها من المعلمه ومستحيل تنقدها بشئ مفيد ابدا بل بالعكس تحاول تحبطها وتفقدها ثقتها بنفسها بس انا ولله الحمد حضرت لى موجهه اثق فيها وفى خبرتها لانها اصلا دارسه باميركا 8 سنين ومدحت حصتى كثير ومن وقتها وانا واثقه فى قدراتى بس المشكلمه ماافكر اطورها ابدا وسلامتكم ..............ودمتم

[جولي]

السنة هذي ما عندنا موجهة...القرية اللي أنا فيها مافيها موجهة إنجليزي..

مع إنهم طالبوني إني أكون موجهة..بس رفظت لأسبابي الخاصة

والسنة الماضية..كانت موجهتي مافي عندها ماعند جدتي ( مع إحترامي للموجهات الممتازات )

حظرت لي أول درس وماخلت مدح إلا وقالته لي..يعني مافيه ولا نقد..والحمد لله..الحصة فعلا كانت ممتازة

الترم الثاني حصلت مشكلة بيني وبينها..وبعد ما حظرت لي...ما خلت ولا نقد إلى وقالته..

( مع إنه نفس الفصل )

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!! <------ كثرة علامات التعجب تدل على عجب العجاب

بس اتذكر أو سنة تعينت فيها..حظرت لي موجهة بصراحة قمة ومتمكنة من المادة..يعني خبرة ما شاء الله عليها..تعرف كل شي في التوجيه ..مو بوحدة دوبها تصير موجهة ولا تعرف كوعها من بوعها..وتتفلسف وتنقد وهي ما تدري وش هو النقد

الموجهة هذي وجهتني في كيفية توصيل المعلومة للطالبات وركزت على الأهداف كثير وعطتني نماذج منها..
ونقدت في إختباراتي واعطتني ملاحظاتها واستفدت منها كثييييييييييييير
وأنا من وجهة نظري..مافيه وحدة تترشح للتوجيه إلا بشرطين إثنين:-

1- خبرة 10 سنوات في مجال التدريس ( علشان تكون ملمة بكل شي )
2- الأداء الوظيفي لها خلال هذي السنوات ممتاز ولا يقل عن 95

تحياتي

[الواثقة بالله]

حضرت لي الموجهه اليوم فجأة

لكن الحمد لله أنا جاهزه دومآ وطريقتي في الدرس لاتتغير

ووسائلي جاهزة

وواوراق العمل جاهزه

حتى هي قالت كنتي ready

عمومآ

نقدتني
مايلي

1- دفتر المتابعة معاكي في يدك كل ماطلعت بنت تحطي على اسمها اشاره وهكذا << ماشاء الله اخطبوط

2- شرحك للكلمات ليس بالصور ولكن بالبدي Body language

3- كتاب احدى الطالبات لم يكن مصحح << الطالبة غيابها كثير

4- الطالبات حركتهم كثيرة أثناء اوراق العمل

5- أنوع في طريقة الإسئلة في اوراق العمل



:

:

بصراحة مامدحت كانت متزمته جدآ
بس كتبته في ورقة لكن مدح قليل

وكرهت الدنيا لحظتها

عمومآ

الله فوق

3-كتاب طالبة لم يكن مصحح << طبعا هالطالبة غيابها كثير وانا وش ذنبي اروح بيتها اصحح لها

[miss. English]

اذكر وحده مرت علي وقالت تصلحين ممثله - لاني امثل الكلمات
واذكر وحده مرت علي وقالت حصتك هادئه قلتلها بدق طبعا امممم انا طالعتلك ولقيتك نايمه
ووحده سويتلها درس نموذجي
وهالسنه طلبتني اخلي صديفاتي يحضرون لي وقالت لي درسك رايتنق ومع كذا ابدعتي مع ان المعلمات يتهربون منه
وقالتلي تبيني اسويلها حلقه
هذي الاشياء اللي اتذكرها
بس ماستفدت شئ من وحده لاني مقتنعه بطريقتي هذا يمكن عيب فيني

[~ pansy ~]

الحمد لله والشكر يعني مو لوحدي

حضرت لنا موجهه قبل فتره

وقالت انتي وزميلاتك كلكم لاحظت عليكم ماعندكم < تكنيك > كويس للدروس

طبعا سرحت في جملتها شوي

قلت اهاا

تيب كيف السبيل الى التكنيك الكويس

قالت انتوا من المفروض تخلقونه

ولغاية الان مدري وش مصيرنا مع التكنيك

الله يهدينا

[عشقي المدينه]

حلو الموضوع
انا حضرت لي الفصل الاول في درس قواعد ماتذكر الدرس بس عجبها مرةا صلا موجهتي تعطيني الزبدة وهاذ الشي مرة مريحني لاني قبل كذا متورطه في موجه تنقد كل شي من والي تاخذ حصه كامله في النقد تتخيلو 45 دقيقه وهي تنقد الدفتر الدرس الاهداف يووووو اليوم الي كانت تحضر لي فيه احس بالنقص في نفسي صرت اشك في نفسي وفي قدراتي لكن الحمدلله الحين الموجه حليوة وفاهمه بالنسبه للاستفادة والله مااحس نفسي استفدت منها الا القيل الذي لايذكر يعني بالعربي ماتذكر اني استفدت منها

[جروح صامتة]

دعواااااااااااااااااتكم لي راح تحضر لي موجهتي بكرة في درس نموذجي عند اول ثانوي لا تنسوووووووووووووووني فديتكم وبقول لكم نقدها لي بعد الدرس ان شاء الله

[sponge bob]

الموضوع كووووووووووووووول
انا قالت لي استعملي التعليم التعاوني
والسبورة الذكية
وفلانه منزلة راسها على الطاولة ليه ما قومتيها <<فصل مااشوف الافق من كثرة الطالبات
وكلمة وحده نطقتيها بالعربي والمفروض بالانجلش!!!
والاهداف قليلة لازم تكون كثيرة
وتعابير الوجه ما كانت كافيه
والباقي ما اذكره!!

[الوعد الحق2]

الحمدلله ما عندنا موجهات

[dreams man]

اذا دخلتهم مع الباب قالوا ليه ماجبتنا مع الباب الثاني !!

نفس الكلآم ..
يزيدوا ويعيدوا فيه

احسهم حافظين كلام يجون يبغوا يقولونه وبس ..
والنهاية مدح .. في الهواء !!
ونقد اذا استخدمت كذا ليه ماتستخدم كذا
واذا قلت هيك ليه ماقلت هيك !!


وسلآمتكم

[همسات النسيم]

اليوم حضرت موجهتي
انسانة راقية ف تعاملها
قالت استعملي التعليم التعاوني
والتحضير بالذكاءات والأهداف ف كل درس تكون 3
ف شي قالته وعجبني
لازم اعمل تهيئة للبنات
مثلا
ننشد انشودة<<< مستحيييييييييل اسويها
أو
اوزع بطاقات فيها أفعال وأطلب من الطالبات يمثلونها والبقية يحزروا
مثل eat, dance, sleep
أو
نلعب لعبة بسيطة
ومو لازم لها علاقة بالمنهج
بس تغيير جو...
وقالت لازم البنات يكتبوا اي شي ع السبورة>>>> قومت وحدة أو 2 قالت حلو
ولازم دايما معاك الكشف عشان يتحمسوا البنات
ولازم أغير طبقة صوتي مو طول الحصة نفس مستوى الصوت عشان مايملوا البنات


الله يسعدها
كان اسلوبها حلو...
إن شا الله أطبق اللي قالته..

[ابوعبدالإله]

ههههههههههههههههههههههههه ه
والله فله الموجهات عندكم ياخواتنا المعلمات
الله يعينكم
احنا المعلمين لانهتم كثيراً بالموجه الا بحسب خبرته وانا شخصيا لا احب الموجه اللي يتفلسف كثير ويسوي فيها فاهم بالذات اللي اقل مني خبرة ( خبرتي 17 سنة ) كنت متوسط 11 سنة والحين والحمد لله 6 سنوات ثانوي ومرتاح كثير
بس الله يعينكم يااخواتي المعلمات كل من راح وجا يتحكم فيكن من مديره الى الموجهة وغير الارتباط الى نهاية الدوام وعدم القدرة على الخروج
اما المعلمين فللللللللللللللللللللله خروج اكثر من التدريس
وسلام
معلش الموضوع قديم بس توني شايفة
hope that all the best you have in ur lives

[مهدي عبدالله]

شكراً لك على هذه الكلمات الرائعة

[hpshs]

موووضووووع فعلاً رائع ويستحق النقاش
اسعدكم الله جميعاً

[فن الإدارة]

ترددت في المشاركه لان تاريخ الموضوع قديم لكن حبيت اقولكم اني اتمنى اصير زيكم ويحظر لي موجهات لاني للاسف في قريه نائه وليس هناك موجهات والدروس ادمجها واشرحها باللغه العربيه لان الطالبات بكل بساطه نادرات الحظور ولم يتعلموا من اللغه الانجليزيه الا بعض الحروف لا اعلم كيف اصبحوا في المرحله الثانويه اني والله اشعر بتأنيب الضمير ولكن تعليمهم كتاب المرحله الثانويه بشكل مفاجئ لن يثمر غير ان لهم اعتقاد بان هذه اللغه غير مهمه ولن يتعرضوا لها الا في المدرسه :اسفه للاطاله ولكن انا اعاني

[غلولو]

االله يعين الجميع ويفرج لنا نحن المعلمات

[alrossonery]

أهلا وسهلا بك

[دلع العتبان]

روزلنداااااااااااا يسلمو على الموضوع

انا جات لي الموجهه وكانت الحصه بالنسبة لي كثير رااائعه وكلها حماااس ,,
تقول بشكل عام جيده بسسس فيه اخطاء مثلا لازم ما اقراء القطعه للبنات ابداااااااااااااااااااااا اااااااااااا
هم الي يقروها ؟؟ّ!!! قلت لها اوكي بس كيف راح بعرفو نطق الكلامات الجديده اذا مايعرفوهااا ..!! قالت لي هيك كتاب المعلم يقووول !!!

مو مقتنعه للاسف ولا راح اغير طريقتي وبكيفه هي ,,

شي ثاني طلبت اجيب فلااااااااااااشز .. مع انو الكلمات حاتنكتب على السبورة وكانوووووووو كثير وعاتنا استخدم البوربونت بسس كان المصادر مشغووله ذاك اليوم .. وبس :: هيك صاااااااااار