سؤال عن المهارات والرد ان شاء الله ماياخذ من وقتكم

**#butterfly** · 06-04-2009, 09:03 PM

السلام عليكم ورحمة الله

شحالكم جميعاً

من الاخير انا محتارة بسجل المتابعه ... انا جديدة بالمهارات هاذي

وماصرلي اسبوع من تعاقدت ياريت حد يفهمني كيف اقيم طالباتي

المدرسة اعطوني دفتر متابعه للترم الاول والثاني بس لاحظت انو المهارات متكررة من الترم الاول

دورت هنا عالمهارات لقيت انها مختلفة تماما عن اللي عندي .. فقلت للمديرة

قالت خليك على اللي عندنا لانو المشرفه بنفسها ارسلت هالنسخة ..
( مادري كيف اعتمدت هالنسخة رغم انها ما تتطابق المنهج للترم الثاني)

المهم انو انا ماني فاهمة اش القصد من هاذي المهارات ولا حتى الارقام اللي فوقها ولا النجوم اللي تحتها
والتقيم هل يكون شفوي او تحريري هل يكون يوميا او ممكن اجمع عدة مهارات واختبرهم .. انا متأخرة بالمنهج ومحتارة بالمتابعه

بالمختصر اغيثووووووووووووووووووني الفزعه ياناس ..

بلييييييييز ساعدوني والله يكتبها في ميزان حسناتكم ان شاء الله

**ludq** · 06-04-2009, 09:19 PM

أنا كنت مثلك ياأختي و عانيت كثير لأن ما أحد وجهني في المدرسة لكن ربي يسر لي هالموقع و كل شغلي منه : بالنسبة للأرقام اللي فوق ..هاذي رقم المهارة فقط ..والنجوم تدل على أن المهارة مهارة حد أدنى يعني إذا ما أتقنتها الطالبة تأخذ 4 في التقويم يعني راسبة وتكون لها لجنة فيما بعد .. هذا جزء بسيط والباقي (الشرح و الترجمة ) تجديه إن شاء الله في منتدى الفصل الدراسي الأول للصف السادس .. أتمنى أكون أفدتك

**إحساسي شمالية** · 06-04-2009, 09:26 PM

السلام عليكم ورحمة الله وبركاته

باختصار المهارات الموجودة بكل فترة مقسمة لنوعين : مهارات الحد الأدنى (اللي تحتها نجمة) و المهارات العادية (اللي بدون نجمة) وكل مهراة لها رقم معين . طبعا النوعين بنفس القدر من الأهمية لكن الفرق انه مهارات الحد الأدنى يجب ان تتقنها الطالبة وإلا فهي راسبة ولازم تعيد السنة حتى لو لم تتقن مهارة واحدة فقط. أما المهارات الثانية فحتى لو لم تتقنها ممكن تعدي.

نجي لطريقة التقويم ... لك كامل الحرية باستخدام الطريقةاللي تعجبك شفوي تحريري عن طريق الألعاب أو غيره بس أفضل شي يكون تحريري عشان تحفظين حقك ومايجي احد يقول ليش هذي اتقنت وهذي مااتقنت . و التقييم مايكون من اول مرة يعني اذا اخفقت الطالبة اول مرة تظلين وراها وتعيدين الاختبارات ليييييين تتقن (أو تطلع روحك :) )
والمنتدى مليان اختبارات تقدرين تستفيدين منهم.

وآخر السنة للطالبة درجة من هالأربع

1 للطالبة اللي اتقنت جميع المهارات بدون استثناء .
2 للطالبة اللي اتقنت جميع مهارات الحد الأدنى وبعض المهارات الثانية.
3 للطالبة اللي اتقنت مهارات الحد الأدنى فقط.
4 للطالبة اللي لم تتقن مهارة او اكثر من مهارات الحد الادنى ( وهذي طبعا راسبة).

وبالدفتر اللي تتقن تحطين لها علامة صح واللي لم تتقن تحطين لها علامة خطأ .