أستفسار عن المهارات 4-19-23من الفتره الرابعه

**deer.net** · 04-05-2009, 01:36 AM

[mark="ffffff"]أود الاستفسار عن المهارات 4-19-23من الفتره الرابعة مالمقصود بقرأة القصص وهو لايوجد قصص في منهج سادس المهاره 4...وكيف نختبرهم على تشبيك الحروف ولارقام ولايوجد موضوع بهذه الصفه في كتاب الطالب او التمارين للصف السادس ولا يوجد اي تمرين يفيد هذه المهاره في الكتاب حتى نقوم بتدريسه وتقييم الطلاب عليه المهاره 19....المهاره 23سبق وان قمنا بتقييمها في الفتره الثالثه .ارجو من اعضاء المنتدى افادتي مشكورين وان كان هناك اختبار موضوع لهذه المهارات او ورقة عمل ان تدلوني عليها مشكورين والله اسال انيوفق الجميع لما يحبه ويرضاه.[/mark]

**MS.joody** · 05-05-2009, 03:58 PM

من فضلكم لي نفس الطلب السابق هل هذه المهرات تحتاج تحضير درس غير توزيع المنهج وكيف ادرب على الكلمات المشبكةدلوني اكون ممنونة لكم

**روووني** · 05-05-2009, 06:37 PM

نفس الاستفسااااار ارجوا منكم افادتنا يامنتدانا العزيز

**ملاك محمد** · 05-05-2009, 06:45 PM

حبيبتي بالنسبة للتشبيك اخر الحصه دربيهم على كذا جملة وشوي شوي بيعرفون وانا من اول الترم مدربتهم وهالحين ماشاء الله يكتبون ممتاز اما القصص طلبت منهم يجيبون قصص قصيره سواء من المكتبه او النت او بخط اليد وكل وحده تتدرب في البيت على قراءة القصه وا\ا انتي شايفه انها صعبه صوري لهم قصه بسيطه وخليهم يتدربون عليها بالبيت وانتي قيميهم اخر كل حصه اتمنى اكون افدتك

**om-mhnad** · 05-05-2009, 11:07 PM

تشبيك الخط شي حلو ممكن البنات يتدربون عليه لكن عندي 42طالبة في الفصل متى اجد الوقت لتدريبهم ونلاحظ بالنسبه لقراءة القصة بعض الطالبات لايجدن من يدربهن على القراءة فمن يريد ان يطاع بتطبيق المهارات يأمر بما يعقل ويستطاع وجهة نظر

**deer.net** · 07-05-2009, 04:22 AM

جبتك يا عبد المعين تعين لقيتك تدور من يعين ما احد فادني لاحد الان الله يسخر من يفيدني في زمن كل واحد يقول نفسي نفسي .

**كرات الجليد** · 10-05-2009, 11:56 PM

طيب لو سمحتوا من وين نجيب القصص من النت؟
ضروري الله يعافيكم محتاجتها

**إحساسي شمالية** · 11-05-2009, 12:39 AM

السلام عليكم

بالنسبة لمهارة القصص انا راح اجيب لهم قصص قصيرة جدا اقرب ماتكون لكاريكاتيرات وادربهم على قرائتها مع اني مو متفائلة ابدا بهالمهارة ... مدري هم سادس ولا ثالث ثانوي...

اما المهارة المكررة فعيديها واضيفي درس can I

وبالنسبة لتشبيك الحروف فأنا متعودة من كم سنة قبل التقويم المستمر اني من اول السنة اذا علمتهم كم حرف في الحصة اعلمهم كيف يشبكونها في الصفحة المقابلة وبالتالي ماعندي مشكلة من هالناحية لأنهم متدربين وخالصين ...

اتمنى اكون افدتك

**برنسيز** · 17-05-2009, 09:43 PM

ترى كلنا حايسين في هالمهارات
بالنسبة للتشبيك المفروض تعوديهم من اول الترم يكتبون كلمات كل درس بالمشبك وينسخوها اكثر من مره

هذي تفيدهم كثير ويتعودوا عليها بس لازم متابعتك لهم وتصحيح اخطائهم

بس تكون متعبه اذا كان عدد الطالبات كثير

اما القصص فما عندي خلفيه واشوف من رأيي ان اغلب المهارات والتقويم كلام فااااااااااااااااااااضي

**meme2008** · 18-05-2009, 01:55 AM

السلام عليكم ورحمة الله وبركاته
القصص ممكن تقيمين الطالبات بدايه الحصة او بعد الدرس
كتب المدارس الخاصه فيها قصص سهله مرره و بسيييييييييطه جدا حتى الطالبة الضغيفه تقدر تقراها اختاري لك كم قصه و اقرئيها ثم الطالبات الممتازات حتى تعطين فرصة للطالبة الضعيفة تسمعها اكثر من مره
وكل حصة حددي كم طالبة يقرئون و عندك لاخر الترم
بالنسبه للخط المشبك صوري ورقه و اعطيها الطالبه احرصي يكون فيه كلمات وجمله و فهمي الطالبات يكتبونها بقلم رصاص و يتدربون عليها فتره وممكن يكتبون كلمات الدروس بالمشبك وقيميهم علي هذا الاساس
ولا تدققين لان بصرااحه انا احس هالمهاره ظلم لطالبات سادس,, المتوسط مش مطالبين بالتشبيك كيف يطلبون من سادس( اول سنه يدرسون انجليزي) ويطالبون بالتشبيك برائيي اهم شي يعرفون يكتبون على الاسطر و يعرفون طريقة كتابة كل حرف بالطريقة الصحيحه , ممكن يتعلمون لاكن لا يطالبون بها ,,
المهارات السابقه مثل yes - no Questions قيميها على الدروس 18 +19 +21 is it water?
is it a cat?
بالتوفيق

**bigevil** · 18-05-2009, 02:02 AM

بالنسبه للمهارات اللتى لا تمت للمنهج بأي صله .. لا تجعليها من اهم اولوياتك . المهم هو المنهج الدراسي .. وهذا المهارات اللتى لا تمت للمنهج بأي صله تدل دلاله واضحه ان صانعي القرار بالوزاره يملكون جهل فضيع بالمناهج الدراسيه وبالتعليم عموما وربما جهلا فى امور الحياه كلها ...

يا سيدتي .. اذا وجدتي متسع من الوقت دربيهم على الخط المشبك والقصص بما تجود به نفسك .. وبمساعدة الآخرين هنا بالمنتدى .. وأما اذا لم تجدي وقت فلا تهتمي الا بمهارات الأساسية " اللى عليها نجمه فقط "

انا سألت كثير من المشرفين عن المهارات اللتي لا تمت للمنهج بأي صله .. وقالولى لى بصريح العباره " خليك ذكي ودبر نفسك " ..... وانا بدوري انقل لك هذه النصيحه . تعليمنا فى السعوديه ومع قرارات الوزاره الإرتجاليه والا مدروسه ينبغي عليك الآتي
1- تكون اعصابك فى ثلاجه قبل لا يجيك الضغط والسكر والغثيان والصداع المزمن . وامراض اخرى تضهر بعد 20 سنه خدمه .
2- توقعى الأسوء دائما .. وتوقعى الخنبقه والخرابيط الوزاريه ..
3- توقعي دائما ان لا يجيب احد على استفساراتك واسئلتك فى الوزاره .
4- توقعي ان جميع المشرفين وموظفي الوزاره وادارات التعليم بأنهم فلاسفه على غرار افلاطون وسارتر والبيرت كاميو .. واكثرهم لم يدخل حصه واحده فى حياته .
5- دائما قراراتك من نفسك ولا عليك من احد لان مستحيل احد يفيدك او ينفعك ..
وللحديث بقيه

**وردة من الماس** · 19-05-2009, 12:28 AM

bigevil
صح لساااااااااااااااااانك عز الله انك جبتيها والله

روح وترثيها قصيدة** · 19-05-2009, 01:32 AM

معك حق اخوي الكريم bigevil والله العظيم انا جاني أحباط وتعب نفسي وارهاق من هالمهنه بجد قرارات وتعليمات مالها داعي,,,بصراحه مناهج غثيثه وناس تحط قرارات بس فاضيه على هالمكاتب ماهم دارين ايش داخل المدارس,,,,الله يعينا على وزارة التدمير النفسي,,والله لو تجلس تناقش واحد منهم في مهارات سادس ما يعرف فيها شي ولا يعرف حتى ايش هو المنهج من الاصل..ما قول غير صح لسانك وكان الله في عون جميع المدرسين والمدرسات,,,أنا صورت لبناتي قصتين وقريتها لهم وعطيتهم يدربون عليها حتى اني اخذ حصص احتياط وحصص من المعلمات عشان ادربهم عليها وبهالطريقه اغلب البنات اتقنوا والباقي الله يعين عليهم...ربنا يكون في العون..

**bigevil** · 19-05-2009, 01:36 AM

يا وردة من الماس

bigevil
صح لساااااااااااااااااانك عز الله انك جبتيها والله

الحين مكتوب بيق ايفل وصوره واحد يمشي .. وصورتى وانا عزوبي وش كبرها .. واخرتها تقولين لى والله انك جبتيها .

اناشاب سعودي عزوبي وكل الدلائل تدل على ذلك .

**وردة من الماس** · 19-05-2009, 02:18 AM

سووووووووووووووري اخوي
امسحها بوجهي خخخخخخخخخخخخخخخ
العتب عالنظر
اسفة

**برنسيز** · 19-05-2009, 02:19 AM

معليش ممكن اتدخل ؟

يمكن ما انتبهت للصورة ,

المهم خلاص والله انك جبتها !!!!!!!!

بصراحه معاك حق في هالمهارات اللي اصلا المشرفين والمشرفات مو فاهمين فيها شي !!!!!

وعلى قولك تكون اعصابك في الثلاجه لكن المشرفات عندنا يطلعونها من الثلاجه !!!

يمكن انتو الرجال عادي عندكم تطنشون لكن تعال شوف شغلات الحريم مع احترامي للكل وانا منهم لكن يتقيدون بالتعليمات والأوامر بالحرف بشكل فضييييييع يعني ما تقدر الواحده فينا تتصرف براحتها

عموما في النهاية تعليم فاشل وطلاب مو بس فاشلين ( ما كأنهم تعلموا )

تحيــــــــــــــــــــــ ــــــاتي لكم ,,,,,,

**ام طوطه** · 19-05-2009, 06:18 PM

صح لسانك big evil الي حاط المهارات ماعنده ماعند جدتي لا يمكن لو جدتي حطتها كان احسن ومن زمان مدرسين الانجليزي تعبانين يكفي هالندب الي كل يوم فيه سبت هم عندهم سبت واحد وحنا عندنا 3 سبتات والله ملينا لا وساكتين لا حقوق ولا تعويض على هالندب الخايس

**ام طوطه** · 19-05-2009, 06:21 PM

الامراض ظهرت مع ظهور هالمهارات المشفره والشاطر الي يحل الشفره

**ماجد711** · 21-05-2009, 02:21 PM

خخخخخخخخخخخخخخخخخخخخخ

شكلكم يكسر الخاطر بس معكم حق اعزائي الكرام :::: ماني بحسن منكم

**miracle** · 23-05-2009, 06:09 PM

عاد تصدقوا اني كل يوم جمعه ادعي على الي حط التقويم الفاشل ذا . ما نقول الا الله يخارجنا وابشركم الزياده والتحسين خرج كله في الادويه والورق حق التصوير .

**2uonly** · 26-05-2009, 07:01 PM

صـــح لســااااانكــمـ جميعــاً

لكن قبل هذا كله يجب ان نراعي الله
في الامانة التي نحملها الا وهي التعليم

وشوكـــرن

**دنيا غرابه** · 12-02-2010, 10:44 PM

المشاركة الأصلية كتبت بواسطة برنسيز

معليش ممكن اتدخل ؟

يمكن ما انتبهت للصورة ,

المهم خلاص والله انك جبتها !!!!!!!!

بصراحه معاك حق في هالمهارات اللي اصلا المشرفين والمشرفات مو فاهمين فيها شي !!!!!

وعلى قولك تكون اعصابك في الثلاجه لكن المشرفات عندنا يطلعونها من الثلاجه !!!

يمكن انتو الرجال عادي عندكم تطنشون لكن تعال شوف شغلات الحريم مع احترامي للكل وانا منهم لكن يتقيدون بالتعليمات والأوامر بالحرف بشكل فضييييييع يعني ما تقدر الواحده فينا تتصرف براحتها

عموما في النهاية تعليم فاشل وطلاب مو بس فاشلين ( ما كأنهم تعلموا )

تحيــــــــــــــــــــــ ــــــاتي لكم ,,,,,,

هههههههههههههههههههه

أنااا أدرس ساادس........عندي بناااااااااااااااااات ........مدري كيف وصلوووا لسااادس......بس واللله مشيتهم على الصراااااااااااااااط المستقيم..........وكرفتهم كرررررف...