هلب مي ,تكفوون محتااجه رأيكم ومساعدتكم باسرع وقت

**نورة عبدالله** · 29-09-2009, 01:47 AM

السلام عليكم ورحمة الله وبركاته
انا قدمت على مدرسه اهليه وطلبوا مني اشرح درس للصف الخامس كتجربه

بصرااحه انا شلت هم لاني تعودت اشرح لطالبات متوسط وثانوي , وماعرف شي عن مناهج الابتدائي فياليت تساعدوني بفكره او تحضير والي سبق شرحت درس تجريبي تفيدني .
وش اكثر شي يركزون عليه وهل تشرحون الدرس كامل ؟دعواااتكم لي بالتوفيق ماعرف اشرح عند ثنتين او ثلاث

ياااارب فرج همي وهمهم ونفس كربتي وكربهم ويسر امورنا آميين

**نورة عبدالله** · 29-09-2009, 05:05 AM

تكفون ردو علي لاتطنشوني

مشاهدات فوق العشر ولا رد واحد
الي بترد لها دعوة في ظهر الغيب

**Lancaster** · 29-09-2009, 05:48 AM

وعليكم السلام ورحمة الله وبركاته

مابغيت أمر ولا أرد
ماسبق لي التجربة مع خامس
لكن درست سادس يمكن شهر
اللي أعرفه عن الأطفال يحبون النشاط
أعتقد الدروس ماتستاهل من يقسمها وأنا أقول لك كذا وأنا ماشفت المنهج لكن منهج سادس تافه كيف خامس !
وإذا قسمتي الدرس وهو مايستاهل مايحسون أنك معلمة كفؤ (وجهة نظر)
حاولي تبحثي عن نشيد خاص بالدرس
وسائل تلفت الانتباه يعني جذابة وملونة وملموسة مو عروض
الأطفال مايستوعبون التلقين كثير
خليك نشيطة وحيوية وصوتك عالي وبشوشه عشان مايخافون
لو حصل تجيبي لهم هدايا راح يفهمون الدرس غصصصصصصب ويشاركونك وكل شي يرضيهم لو حاجات من المقصف

وياملح الصغنونات كلللللللللللللهم

وربي يوفقك

**نورة عبدالله** · 30-09-2009, 02:18 AM

اهلا Lancaster

الله يوفقك ويسعدك على الرد
اخذت كتاب time for english --level 3 بس حسيت انه فوق مستوى الطالبات توقعته يكون اسهل--ياليت الي سبق شرحت منه درس تفيدني واكون شااكره لها ولها دعوة في ظهر الغيب --وابي مقدمه مره حلوه --
انتظر ردودكم يالغوالي

**Shahed Yuu** · 30-09-2009, 02:48 AM

وعليكم السلام ورحمة الله وبركاته

الله يوفقك في عملك
لانك حريصه على مشاعر طلاب فصلك الحلوين ^,^
الله يجزيك خير

انا اقترح عليك انك تقومي بشرح الدرس ((على الباور بنت))ليكون مسلي وفيه من النشاط
والحيويه
ومثل ما قالت اختي Lancaster
اذا تجيبي هدايا راح يفهمون غصب
او حلويات ^,^
الله يوفقك

**ORCHIDA** · 30-09-2009, 01:24 PM

و عليكم السلام و رحمة الله و بركاته

روحي لمنتدى الانجليزي من اولى الى خامس .. و ان شاء الله تستفيدين

http://www.saudienglish.net/vb/forumdisplay.php?f=138

**نورة عبدالله** · 01-10-2009, 09:21 AM

بارك الله فيك أختي Shahed Yuu
الله يسر امورك مثل ماتحبين تساعدين الاخرين ويوفقك دنيا واخره

كل الحبأشكرك على مرورك والله يجزيك خير الجزاء

الى الان محتارة اختار اي درس في الكتاب عندي unit-6- تتكلم عن at the week end
unit-7- عن taxis,bikes and cars
unit-17- عن what is his job
unit-13- عن what are you going to do today?
شرح الدرس راح يكون بدون طالبات يعني مشرفات فقط --الي عندها فكرة حلوة باحد دروس تفيدني

**Lancaster** · 01-10-2009, 05:21 PM

أرشح لك هذا

taxis,bikes and cars
اذا هو عن وسائل المواصلات فهو سهل مرررررررررررره ووسائله كثيرة

**Shahed Yuu** · 01-10-2009, 07:37 PM

انا اقترح انك تختاري الدرس
إلي تحسين انه مشوق ومسلي وفيه من المعلومات الكثيره والمفيده
وايضاء ..عندما تقومي بعمل الدرس على الباور بنت
ووضعتي بعض الصور ..لدرس على شرائح الباوربنت
راح يغنيك عن الوسائل التي راح تجيبينها علشان تشرحين الدرس

وايضاء انا لا اممانع يا اختي بان اساعدك في تحظير الدرس على الباور بنت

والله يوفقك دوما ويسهل عليك شرح الدرس

**vanish** · 01-10-2009, 10:07 PM

ريحي نفسك واسلكي اقصر الطرق واجعلي درسك word study واجعليه كلمة وصورة واستخدمي الفلاش كارد والرسم البسيط على السبورة ان قدرتي مع احضار بعض الحلوى بالاضافة الى لعبة تعليمية ان امكن ذلك واحب ان الفت انتباهك لشيء مهم وهو الثقة في اتلنفس وعدم التوتر لأن مافيه شيء يدعو الى التوتر فالامر عادي جدا حتى لو ما اعجبهم شرحك ممكن تقولي لهم ان الشرح في الفصل يختلف من معلمة الى معلمة بماتراه مناسب وهذا اجتهاد وانشاءالله مكنم نستفيد
واحب اذكرك ترى يمكن انتي تعرفين تشرحين احسن منهم اهم شيء تركزين علي تحضير الدرس كتابيا

**نورة عبدالله** · 02-10-2009, 06:18 AM

Lancaster Shahed Yuu Vanish
شاكره مروركم وتجاوبكم الله يوفقكم ويحقق امانيكم يارب

أختي Shahed Yuu اذا تقدرين تساعديني بمقطع فيديو عن وسائل المواصلات اهم شي فيها التاكسي ,car و bus لاني كل الي حصلتهم يكون فيها music

**Shahed Yuu** · 02-10-2009, 06:23 PM

نعم يا اختي
استطيع مساعدتك وبكل سرور

باليت انتي تختاري المقطع علشان تحسي بسهوله ويميل إلى اسلوبك بالشرح

ياليت تختاري المقاطع إلى تبغينه وانا راح ازيل صوت الموسيقه من المقطع

في امان الله ^,^

**نورة عبدالله** · 03-10-2009, 05:18 AM

أختي shahed yuu هذا هو المقطع ولك مني خالص الدعوات
http://www.youtube.com/watch?v=Wq5U0...eature=related

**سماهاي** · 03-10-2009, 07:35 AM

السلام عليكم اختي..

اعتذر عن ردي المتأخر لأني توني شفت الموضوع..

أنا لو مكانك أختار المهن..

و أجيب ألعاب تمثل أدوات كل مهنة.. بحيث أني استخدمها لتقديم المفردات الجديدة ..

و من ثم يستخمها الطالبات في التطبيق..على شكل لعبة guess!!

الله يوفقك و ييسر أمورك

**Shahed Yuu** · 03-10-2009, 02:51 PM

ان شاء لله ما اتأخر عليك في تلبيه طلبك

^,^

**ماريا فليد** · 03-10-2009, 07:18 PM

اختاري اي درس او موضوع

ودوري بالنت عن صوووور له

وحطيهم بالوورد وتحتهم الكلمه

واطبعيهم

او عن الألوان .. جيبي ورق ملوق وقصيه

وفواكه مثلا او اي شي ملموس

وقولي ان الأحمر تفاحه

والأصفر ليمون وكذاا

بعدين سوي كأنك تطبقين معاهم

والله يوفقك ياااااارب

**Shahed Yuu** · 03-10-2009, 07:49 PM

اهلين اختي

(((نوره عبدالله))...كيف حالك ان شاء الله بخير

ان شاء الله ما اكون تاخرت عليك

هذا هوا المقطع إلي بغيتيه من غير صوت ولا موسيقه
http://www.mediafire.com/download.php?0nmjojbndrt

واذا تبغي اساعدك في شي ((تصميم درس انا حاااظر))
ّ(^,^)ّ

**نورة عبدالله** · 04-10-2009, 01:55 AM

مشكورين اخواتي على الردود والله يجزاكم خير الجزاء

Shahed yuu تعجز الكلمات ان توفيك حقك فلك مني جزيل الشكر والثناء
ملاحظه : هل باستطاعتك ازالة الموسيقى من غير ازالة الصوت باكمله؟

**Shahed Yuu** · 04-10-2009, 04:41 AM

المشاركة الأصلية كتبت بواسطة نورة عبدالله

Shahed yuu تعجز الكلمات ان توفيك حقك فلك مني جزيل الشكر والثناء
ملاحظه : هل باستطاعتك ازالة الموسيقى من غير ازالة الصوت باكمله؟

لا تشكريني هذا واجبي... ولا كن لا اريد منك إلا الدعاء

اما بمناسبه ..فصل الصوت عن الموسيقه جربت^ كثير من البرامج^ ولاكن لا فائده
يقوم بتضخيم الصوت وجعله غير مفهوم او لايستجيب للاوامر
(((للاسف على ما اعتقد باني لا استطيع المساعده

)))

في التوفيق يا اختي وان شاء الله تقدمي الدرس الافضل والاروع
الله يوفق ويعينك