ساعدوني احرجتني هالطالبة

[omhamodah]

السلام عليكم
اخواني واخواتي انا ادرس سادس هاالفصل واعطيتهم على مدار 4 حصص كل الحروف وطريقة نطق وكتابة كل حرف والمثال الموجود في الكتاب وقلت للبنات الحصة الجاية يابنات بنختبر في الحروف كلها مع الكلمات اللي معها قالتلي طالبة وشلون وانت ماعلمتينا كيف نكتب ونقرا !!!!!!!
الصراحة انا صار شكلي كذا صدددددمتني !!!! يعني انا هالحصص ماكنت اسوي شي ولا طريقتي كل هالمدة غلط !!!!!!!
باقولكم على طريقتي وياريت اصحاب الخبرة يفيدوني
انا لي معهم اربع حصص كل يوم كنت اجي واعطيهم الحروف اللي في الدرس ونطقها وطريقة كتابتها والمثال مع صورته واخليهو يرددون معي والحصة اللي بعدها اسمعهم شفوي واخلي كم بنت تكتب كم حرف على السبورة وبعدين ادخل في الحروف الجديدة وهكذا .يعني بعدين شسوي عشان اتاكد انهم ضبطوا الحروف والنطق يعني انتم شتسون في الحصة اللي بعد الحروف على طوووول وكم تقعدون في تعليمهم الحروف
ساعدوووووووووووووووووووون ي تكفون
جزاكم الله خييييييييييرا

[نسمة حب]

شوفي يا اختي طريقتك حلوة بس حاولي تراجعين معاهم بعدين اختبريهم

[حالم]

تقريبا معظمنا يستخدم نفس الطريقة لكن تحتاجين تكثفين الواجبات المنزلية وتسوي لهم في بداية كل حصة اختبار مبسط في طريقة كتابة الحروف

[Hope4Ever]

انا اعطي الارقام والحروف واقرأ معاهم الكلمات لين مايحفظوا الدرس كامل

بعدين ابدأ اكتب الدرس فوق السبورة الحروف والارقام وهم يكتبون في دفاترهم ممكن تخليهم يجيبوا دفاتر وممكن ملازم تسويها لهم على كيفك ..

والله انا اخليهم يكتبون بالدفاتر المسطرة حرف حرف رقم رقم من اول الصفحه لاخرها ونسخ شغالين

ماشاء الله عليهم حفظوا كل الحروف والارقام لفظاً وكتابة .. لازم ينسخوا عشان يحفظوا الارقام والحروف

لان في مهارات تعتمد على الكتابة فكيف راح يتقنوها وانتي ماعلمتيهم الكتابة !!

خذي لفة هنا

http://www.saudienglish.net/vb/showthread.php?t=58800

اي سوال حنا بالخدمة

[جولي]

غالتي..

أهم شي تركزين عليه في البداية مع سادس هو الأحرف

كيفية كتابتها بالكابتال والسمول

لازم يعرفون كيف يكتبونها

ويقرونها ويميزونها وخصوصا ً الأحرف السمول..( لأنها صعبة شوي عليهم )

والكلمات لا تجينها ولا تحاولين تعطينهم كلمات حتى يتقنون قراءة الأحرف

بعد كذا إبدئي عطيهم الكلمات اللي في الصور ( كلمات بسيطة ) يتهجونها ويقرونها

يعني ركزي على القراءة أكثر شي..بعدين فكري في الكتابة..

صحيح إنه راح ياخذ منك وقت..

أنا عملت نفس الطريقة هذا..وكنت أخذ حصص إضافية علشان أدربهم على القراءة

وفي الحصص الأساسية اشرح درسي واعمل التقييم

( وهذي تجربتي الخاصة )

[omhamodah]

كل من رد جزاكم الله خيرو برك لكم في حياتكم ماتقصروووون
اختي Hopeforeverوالله اني اخليهم يملون الصفحة كتابة ومع كذا احس اني ماسويت شي
اختي جولي جزاكي الله خيرا شكلي باسوي مثلك نخلص من القرآءة وبعدين الكتابة

[bigevil]

بالنسبه لى .. انا اكتب جميع الكلمات فى اوراق صغيره قصاصات . يعني مثلا
Kk key واعطي كل طالب ورقه واقوله اتهجاها .. واعطيهم 2 صامته وبعدها اخذهم بدالور كل واحد يقول كلمته ... اوقات اذا عندى فلاش كارد اخليه يستخدمه ..بدال القصاصه .. واى واحد القاه ما يعرف يقرأ اخليه يتهجأ اكثر من كلمه على السبوره .. وصراحه انا استلفت حصه زياده عشان اخليهم يتهجون ............................ وراح يتعدول احسن لما ياخذون الدرسين اللى بعدها ..
وكمان خليتهم يشترون دفتر كلمات صغير واخليهم يكتبون الكمات ومعانيها .. مع الحروف .. والحمد لله صاروا احسن .......
اى سؤال نحن فى الخدمه

[Nn2]

عزيزتي طريقتك جيدة لكن أعطيهم كم كلمة بالحروف اللي أخذوها و خليهم يقرؤنها بداية كل حصة

[Abu Lema]

بصراحة نفس الشئ حصل لي
على فكرة تعبت معاهم مررررررررررررررة لكن يعينا على هذه الوظيفة الصعبة

[aburagad]

you can use such work sheets like the attached or make different work sheet to practice reading and writing each letter, i hope this could be helpful:smile (40)::smile (40):

[نوووووت]

الله يعييييييييييييينك

[rose-princess]

مسآآءكم ورد ..~

عسآآكم على القوة يآآرب ..

انا تعاقد واعطي سادس انجلش ..~
بس للاسف يوم عن يوم يزيد احباطي..
لدرجة اني قررت قرار نهائي اذا انتهى تعاقدي ما راح اكمل مهنة التدريس
مهنة صعبةومملة كمان ..
طبعاآ المدرسة متهالكة جداً ومو متوفر فيها اي شئ يمكن يكون مساعد لك ..
عروض البوربوينت وكمان الفلاشات التعليمية مفيدة وتكون مساعده وكمان وسيلة يحبوها البنات عشان تغيري من الروتين بس تفاجأت بانو لا جهاز عرض ولا غرفة مصادر ومبنى متهآآآآآلكـ ..

طبعاً الاسبوع اللي فات عطيتهم اوراق ينسخوا الحروف فيها خمس مرات غير اللي في الدفتر وكتاب النشاط .. وقلت لهم امس راح اختبركم في الحروف ..
والصدمة كانت اليوم ..~ بجد بجد تعبت اعصاابي توكم ناسخينها القلة القليلة جدا اللي عرفوا وجاوبوا والباقي للاسف ؟؟..

دعوآآآتكم لي بتسهيل مهمتي هالسنة واداء امانتي على اكمل وجه .. ~

لكم ودي وبساتين محبتي ..~

[Miss~R]

^

like me

انـا بعد عقدي سنه

لكن بعد اللي شفت>> زين ان كملت هالترم

lesson1 اسبوع عليه

شريت بروجكتر واعرض لهم فلاشات وعروض واناشيد الحروف

اوزع عليهم اوراق الحروف يلونونها

للحيــن مااينفع معهم شي يكتبون لي البي دي

تعبت على الدفاتر على وحده وحده اسطرلها واكتب لها..و4 فصول
...ماادري يعني هل هو غباء تنسخ لي بالدفتر مضبوط

واذا طلعتها هالسبوره مااتكتبها ع الاسطر صح

طفشت منهم ومن التدريس كله اذا لقيتي حل نبيه

[شـوجـي]

احنى تخيلو من اول
ما بدينى الدراسه ما أخذنا الا حصتين انجلش

[احلى حلا]

انا بالنسبه لي اكتب الحروف حرف حرف وهم معاي يكتبون ويرددون ونكتب الكلمه ونتهجاها سوا

وكل مااخذنا حروف انسخها البنات واخليهم يعملون لي مازمه صغيره بالحروف اللي اخذناها ويبحثون لي عن كلمات تبدأبالحروف هذه من غير اللي في لكتاب ادري صعب في البدايه
بس صراحه استفادوا كثير صاروا يسألون ويجيبون كلمات جديدة ويتكلمون معاي شوي انجلش
بصراحه البنات فرحانين لأنهم يدرسون انجليزي عشان كذا لازم نستغل هذي النقطه

[saudi girl]

مساكم ورد
انا بالنسبة لي مع طالباتي طلبت منهم يحضرون الدرس فقط بالنظر للحروف و الأرقام و طلبت منهم انهم يجهزون الدفاتر من البيت يعني يسطرون بدري عشان ما تضيع الحصه. و الحمدلله ماشيين معي أول بأول
طبعا وضحت لهم قاعدة هامه عن كتابة الحروف و الأرقام في السطور بأنو جميع الأرقام في الثلاث السطور الأولى و زيها الحروف الكابيتل... وبيت لهم مع كل درس كتابة الحروف الأسمول بعضها في الثلاث السطور الأولى و بعضها بين السطرين الرمادية و الحروف اللي لها عصاية او ذيل لتحت تكتب في الثلاث السطور الأخيرة و مشاء الله مسكت في عقولهم
و بعدين وزعت لهم اورق يدبسونها في كتبهم للحروف الأسمول وين كتابتها في السطور عشان ما ينسو
وسلامتكم

[april]

خليهم يكتبوا و بعدها يقروا..
طفشووووووني أوراق عمل في البداية و تطبيق ف النهاية تشجيع و تحفيز و هلكتهم ب استخدام كتاب التمارين ونعيد ونزيد و كل حصة اختبار ولا كأنك هنا..
تحسنوا البعض بس البعض يطففففش مااعرف شسوي معهم ناقشتهم طلعنا افكار بس ماعندك احد جيل ربي يعين عليه..
عموما يصبرني اني اقول لسا مو ف يوم يتعلموا النتايج نهاية الترم ممكن آخر يوم نلحظها..

[omhamodah]

السلام عليكم ورحمة الله وبركاته
شكرا لكل من رد والحمد لله فيه مثلي ولكن الله يسهل ويعين ويبارك

[بــريــق]

مرحبآ ..
أبدآ لا تُحبطوآ .. هذآ شي طبيعي والله
وأنا مجربة ..
أهم شي إنتم بالبدايـة لا تكثروا وسائل وتركزوا ع الفرعيات
والله هي اللي تهلككم وتتعبكم وغالبا في دروس الحروف
هم ما يحتاجون هالشي

أنا بأقلكم طريقتي .. أحسها مفيدة .. رغم إني
لما اختبرتهم ما أحد أخذ فل مارك . بس هذا طبيعي
شي جديد عليهم

الطريقة
1- جبت لهم سبورة مسطرة زي تسطير الدفتر
سويتها بالمكتبة علشان أعلمهم طريقة كتابة الحرف
2- عندي من الوزارة ( وسائل ) عبارة عن نفس صفحة الكتاب
بالضبط مكبرة .. أعلقها ع السبورة وأشرح عليها دايم
3- لما أبدأ أشرح أعلمهم إن السطور الثلاثة الأولى هي الأساس
اللي دايم نستخدمها في الحروف والكلمات الكابيتال .. والسمول
تختلف
4- أركز معهم ع النطق أكثر .. لأنه هو اللي بيفيدهم بحياتهم
5- في حصص مراجعة الحروف والكلمات .. أدربهم ع الكتابة
أخليها كلها كتابة لأنهم يكونوا تمرسوا خلاص ع النطق
6- أهم شي التركيز ع الحروف الصغيرة لأنها هي الأصعب عليهم
7- أهم شي توضحي لهم الحروف المتشابه بالنطق مثل ( s -c , f-v ...etc )
والحروف المتشابهة في الكتابة مثل ( m - n - w , a-e , h - n , l-i-t , q-p )

هذا بخصوص درس الحروف والكلمات
وبإذن الله يآرب تستفيدوآ من هالطريقة

[شروق الشمس2]

كل الكلمات الي ياخذونها اعطيهم عليها املاء اليوم الي بعده على طول ،، وترى المهارة الاولى هي معرفة الحروف وليس الكلمات عشان كذا لاتقيمينهم على الكلمات فيه مهارة ثانية لها بعدين يتقيمون فيها ،، بس ذحين ركزي على الحروف

[STS]

عزيزتي انا سويت لهم سبورات صغيرة مسطرة زي تسطير الدفتر و مغلفتها تغليف حراري ويكتبو عليها بقلم السبورة معايا حرف بحرف وحتى الكلمات نفس الشيء و الله انها مفيدة وحلوة

[وردة من الماس]

انا صراحة مسكتهم متأخرة لذا للان ما اختبرتهم بس هالاسبوع ان شاء الله

المهم بما اني مسكت سادس العام بعد فانا كنت مطبقة طريقة الاخ او الاخت بريق و هي الوحة الفلين الي عليها تسطيرة الدفتر الاربع سطور

و كل ما اخذنا حرف او رقم على طول اكتبة كم مرة و اطلع البنات يكتبونة قدامي و نكرر نطقا و اخليهم يكررون الحروف و الارقام بالدفتر بالبيت و ما طالبتهم بكتابة الكلمات بالدروس الاربع الاولى فقط الحروف و الارقام

و ركزي عليهم بالاختبارات و كثري منها و خوذي مني بما اني كم سنة ماسكة سادس اول شهر او شهرين قمة التعب و الاحباط لكن خليك مثابرة و مصرة و مستمرة باختبارات و التقويم

ابدا لا تتوقعين انها تكون سهلة هاذي مادة جديدة كليا عليهم و مو متعودين عليها ولا على اسلوب الاختبارات المكثفة فيها فراح يتعفرتون و يحاولون يحبطونك فلا تتأثرين و بعدها خلاص هم راح يتكيفون على ريتم الانجليزي و يحبونة العام امن كثر الاختبارات الي اعطيهم كانت لما تمر حصة بدون اختبار يزعلون البنات يقولون نبي اختبار بس لية هالاهتمام لاني كنت البنات الي يحلون زين بالورةق و مهتمين حتى لو كانت كسلانة بس شدت حيلها لو شوي على طول تكريم بالطابورة و هدايا قدام المدرسة كلها فكانوا ينهبلوووون عليها

فشجعيهم و اعملي لهم مجموعات و تنافس بينهم راح يحبونها جدااااااا

اهم شي وسعي صدرك سادس تعب لكن راح تطلع ثمارة عالبنات بعدين قد ما تتعبين على قد ما راح يبدعون فيه

[rose-princess]

بنوتآآت ..
ابي اسألكم سؤال ..~

رأس السؤال تترجميه للبنات في ورقة المهارات ؟؟..
لانو البنات اشتكوا يقولوا ما ندري وش نسوي ما تترجم الاسئلة ..~ :"(

[بــريــق]

أميرة الورد .. أنا عني قبل ما اختبرهم
أوضح لهم طريقة الأسئلة من قبل ..
ووقت ماتوصلهم الورقة أقرأ السؤال بالانجليزي
ويكونوا هم عارفين الطريقـة أصلاً ..

بالتوفيق لكِ

[طرفه 5]

بالنسبه لبناتي حضرتهم للماده ككل قلت عندكم العربي الحروف لما ادربتم عليها بالاسطر الاربعه الاحرف صارت منها عالسطر ومنها نزلت عن السطر ومنها استقامت فوق والحين تكتبون بلا دفتر خط والكتابه كأنها مسطره فقلت الانجليزي نفس الشي تشوفن لما اكتب ما احتاج اسطر لاني عارفه الاحرف اللي ظلت عالسطر واللي نزلت واللي ظلت واقفه وبعد شبهت الحروف الكبيره على انها مرفوعه دائما وكلها ترفع على 3 اسطر الاولى اما الصغيره قلت منهن ظلت مرفوعه ومنها منصوبه(بالنص) ومنها مجروره بتغير بسيط بالشكل ولما قسمت الاحرف قلت بالعربي يشكلن بالضمه والفتحه والكسره لكن الانجلش بس شكلين واحد ثابت كلهن مرفوعات وكل يوم اقو الكابتل على 3 اسطر ومنهي منه هذا اما السمول رفع-نصب-جر وهكذا وجيت بكتاب الطالبه صفحه9 وشرحت عالاحرف *تكتب الحروف الكبيره منaالىz ع3اسطر الاولى *تكتب الحروف الصغيره ب3 طرق:-*ط س2(مابين السطرين بالنص) *ط1س3 (نبدأبالسطر الاول وننتهي بالثالث) *ط2س4 (بندأبالسطر الثاني وننتهي بالرابع) وبعدين وزعنا الطرق عالسمول بالكتاب اجي الحرف واقول وين يكتب والحمدلله الكل يقول رقم الطريقه صح خليتها عربي ورياضيات وكل مره نمر ونأكد وطبقناها بالواجب بالدفتر ومريت الكل وشفت ونبهت واللي عادت واللي اتذكرت ولله الحمد بس نظل نعيد وترى الدروس الجايه بترتاحين لان كثر التهجئه تحفظ بعد واميز الحروف المتشابهه بالنطق واحطها عالسبوره للملاحظه عشان ما يخطن وانبه بالتهجئه ان الحرف مو نفس نطقه بالكلمه *c-s/v-f/h وهكذا والله يكون في عون الجميع وبالنسبه للي تقول عن انها مراح تكمل بالعقد اصبري صبرا جميل والله المستعان الكل يشكش ان كان عربي ان كانe ان كان رياضيات لكل مهنه مساوىء ولا ننسى المميزات وفقكن الله (ادعن لي بالشفاء) طلعت معي نتوءات بالاحبال الصوتيه من كثر ما اردد اعيد وازيد والله يعوضني خير يارب.