يامعلمات ممكن شوي من وقتكم

[stray]

انا مستجده ,,, واحس نفسي مو معلمه ناجحه في الماده ,,,مع اني من الاوائل,, وممتازه في الماده العلميه,,, لكن ينقصني الثقه بالنفس,,, وينقصني الوسائل الحلوه لعرض الدرس,,, طالباتي يفهمون علي ,,, لاني للاسف اضطر للكلام باللغة العربيه,,, وهذا نقد المشرفه لي :
1)الوسائل(مشكلتي مالي خلق,,, يكفيني ضروفي الصعبه بحياتي وبغربتي,,,
2)استخدام اللغه العربيه,,,




والي يزيد الطين بله اني ادرس ثالث,,, منهج معقد ,,,جدا"",,,,, الي يرد علي اسأل الله له الفردوس الاعلى ,,,, ويرزقه من حيث لا يحتسب,,,,, واذا محد رد علي عادي جدا" ماراح ازعل,,,<جت على هذي

[stray]

غريبه 7مشاهدات ولا وحده ردت,,,, انا عضوه جديده,,, اشوف الناس تشكر بعض قلت انظم لهم شكلهم يحبون التعاون,,

[أسرار الكون]

اهلين أختي Stray أحس وأنا جالسه اقرأ كلامك كأني أنا اللي كاتبته . انتي نفس حالتي..وهذا شي مضايقني ...

[moOo14oOon]

حبايبي نفس الشي اللي مريته قبل كم سنه حتى انا احس منهج ثالث معقد جدا ماينفهم
بس انتي حاولي معهم بسطي المنهج
واي خدمه احنا موجودين
اما بالنسبة للغه العربية علميهم يستخدمون القاموووووووووووووووووووس

[omomar]

الاخت stray والاخت اسرار الكون . المشكله اللى تعانوا منها مشكله عانى منها معظم المعلمات فى البدايه وحلها يحتاج بعض الخطوات : اولا لازم ممارسه اللغه مع اشخاص يتحدثوها بطلاقه مثل المعلمات الاجنبيات . ثانيا حاولو ا تستعينوا بكتاب المعلم والتعليمات موجوده فيه بالانجليزى واجلسى مع نفسك ورددى التعليمات مرات ومرات كانك تسمعين لنفسك . ثالثا اكسرى حاجز اللغه وجربى نفسك : فى الاول هتسوى اخطاء لكن بعد عدة مرات ستتقنىن وبجداره .وقبل كل شىء وقبل كل الخطوات السابقه استعينوا بالله فى كل شىء ودائما اذا صادفتكم اى صعوبه ادعوا: اللهم اجعل الصعب سهلا ، فانك تجعل الحزن اذا شئت سهلا . رابعا : اكثروا من مشاهدة البرامج الحواريه باللغه الانجليزيه مثل النشرات و برنامج د . فيل و برنامج اوبرا وينفرى وغيرها. وفقكن الله ووفقنا جميعا فى توصيل رسالتنا على خير وجه .ودائما احتسبى كل عمل تعمليه انت والاخت فى سبيل الله .( ومن يتق الله يجعل له مخرجا) صدق اله العظيم جزاك الله كل خير وبارك الله فيك

[الشامخ 9]

الله يعطيكم العافيه جميع -بالنسبه للمنهج حق 3 معروف بصعوبته وهو على مستوى اعلى من مستوى طلابنا لكن -الله يعين المعلم /ه الناجح اللى يتمكن من ايصال المعلومه الى الطلاب وبعدين -لا تتشتت وتشتت الطلاب معك اعطهم القواعد والكلمات الجديده والامثله والاختبارت سهلوها
تقبلو تحياتي

[fofobat]

السلام عليكم ورحمه الله وبركاته
كيفيك اختي
ترى احساسك طبيييعي جداا بنسبه لاي معلمه مبتدئه انا حسيت فيه واي شخص تساليه راح يقول لك نفس اكلام
هذي ثاني سنه لي في التدريس وبنسبه لي منهج ثالث منهج جديد علي
بنسبه للغه العربيه السنه الي راحت انا كنت استخدمها بس السنه هذي انا قررت اني ما استخدمها نهئيا
وبنسبه للموجهه سوي الشي الي يريحك ويريح طالباتك في الحصه اهم شي ان ابنات يفهمو عليك ويقدرو يحلو في الاختبار
والوسائل التعليميه جدااااا سهله
طابعه واقرب كمبيوتر وكل درس طلعي منه كلمتين ثلاث واطبعيها على ورقه واعرضيها على البورد
أسأل الله العظيم ان يعيننا على رفع مستوى الطالبات ويعيننا على اننا نقوم بلامانه الي حنا مسؤلات عنها
تقبلي مروري الخجوول ياعسل
هونيها وتهون

[سماء زرقاء]

الوسائل حلها سهل ممكن الكلمات الجديدة فالدرس تطبيعها وتكون على شكل فلاش كارد وهيا متواجده هنا فالمنتدى فالقسم هنا بشكل كبير بس حملي الملف و اطبعيها ...
ممكن دروس الفونكس التمرين الاخير تسويه على لوحة مكبرة الصورة وامامها الثلاث الكلمات وتسأليهم ( What is this ) ولما يتعرفوا ع الصورة تجي الطالبة وتعمل سيركل حول الكلمة الصحيحة ... ممكن تحملي عروض البوربوينت ... وأيضا أوراق العمل ممكن توزعي ع البنات كلهم أو تخلي كل اربع طالبات فورقة وبكذا تكوني حققتي استراتيجية العمل الجماعي ...
وفي افكار كثيرة واذا حبيتي اساعدك ففكرة معينة لدرس محدد راسليني ع الخاص وبإذن الله أساعدك ...

والله يوفقنا لما يحب ويرضى ........

[toti999]

الله يعينك بس المنهج صعب و يحتاج خبرة و جراة

[stray]

جزاكم الله خير,,,وادعو الله أن يغفر لكم ويحفظكم,,,, وييسر لكم اموركم,,,,,

[ريمي...]

وفقكم الله لما يحبه ويرضاه

[كاسبر2008]

من جد اختي ,,انا نفسك اول سنة تدرييييس و احس ان منهج ثااالث غثيييييييييث مرة وفوق مستوى الطالبات بكثييير,,

صراحة,,احس لو درسناهم منهج اول ثانوي راح يبدعوااا فيه ويستفيدوا منه كثييييير,,,,دبرت الحل

يارب ارزقنا الاخلاص في القول و العمل,,والقدرة على الابدااااع

[غيروك الناس]

بالعكس منهج ثالث متوسط مره حلو ما حبيت الانجليزي الا بثالث

لكن يعتمد ع المعلمة واسلوبها في الشرح ..

الي فهمت منك انو مشكلتك تشرحين لهم بالعربي عشان يفهمون

طيب قولي لهم كلمة بالانجلش ومعناها بكلمات ابسط منها بالانجلش

تصير مرت عليهم من قبل فيفهمونها

وحاولي تمثلين لهم او تورينهم صور لان كذا تثبت المعلومهـ اكثر

من انك تقولينها بالعربي ويكون عندهم طلاقه باللغه اكثر

لان مشكلة ناس كثير .. يفهمون الي قدامهم ايش جالس يقول لكن ما يعرفون يردون عليهـ

وعروض البوربينت حلووهـ مره وتعطي جو

لكن حاولي تتجنبينها بالقرمر

خليها ع الفوكبلري بس يعني لسن ون من كل يونت

وبالتوفيق :)

[stray]

اشكركم على اهتمامكم,,