اهليييين اختي الغالية
والله كلنا ضايعين بالنظام التقويم السيء هذا لكن راح احاول اساعدك على قد معلوماتي و ان شاء الله البقية ما راح يقصرون
شوفي اختي اولا انا اول مرة اسمع بمهارات مباشرة و تراكمية
احنا عندنا مهارة اساسية و غيرة اساسية و الاساسية يكون عندها * بسجل التقويم الي تعطيك اياه الموجه او تقدرين تنزلينة من هني و الغير اساسية ما عندها نجمة
الاساسية لازم البنت تتقنها ولا راح ترسب و تاخذ 4 فيها اما غير الاساسية حتى لوا ما اتقنتها ما ترسب اوكي
اما طريقة التقويم انا عن نفسي ما امسك المهارات وحدة وحدة انا امشي عالدروس بمعنى يعين الحين بما اني متأخرة و توني مسكتهم خلصت الدرس الثاني و راح ابدأ بالثالث فسويت اختبار او ورقة عمل بالدرسين الاول و الثاني و هكذا يعني بعد كم درس 2 او 3 سوي اختبار و بعدين ارجعي للدروس القديمة و سوي لها اختبار من جديد و كذا عشان البنت يرسخ بمخها الدروس مو اختبار مرة وحدة و خلاص حتى لو انها اتقنت من اول مرة فانا الدرس الواحد اختبرهم فية حوالي 3 مرات من بعد المرة الثالثة اشوف مين البنات الي معصلجين و مو متقنين فاركز عليهم هم و اجيب لهم اوراق عمل بالدروس الي ما اتقنوها و اكرر الاختبارات ليما يتقنون ( بمعنى انشبي بحلوقهن ههههه )
انا العام كنت احط درجات و كذا بس احس لخبطت البنات يعني تكون جابت 8 من 10 تفرح فيها و تحسب انها اتقنت لكن تكون في كم مهارة بالورقة ما اتقنتها فصرت اسوي اتقنت و لم تتقن اسهل لي و ساعات ادمج بورقة عمل وحدة كم مهارة لاني منتدبة يعني اجيهم بس يومين فضغط علي اني امسك مهارة مهارة لوحدها اخلي هالشي للطالبات الضعيفات
اما بالنسبة للاغلاط لا وسعي صدرك يعني مستحيل بنت الا الممتازات انهم يجيبون لك تمااام مافي اخطاء يعني خطأ بحرف عادي طوفي و اذا حلت كلة صح بس نقطة غلط نفس الشي عدي لها بس مو اكثر من واحد او اثنين غيرها تعتبر ما اتقنت اوكي
اهم شي اختي ركزي جدا عالطالبات بالمذاكرة اليومية و حاولي تحفزينهم بالهدايا و كذا اسأليني انا مجربتها يجتهدون جدا عشانها لو تكون اشياء بسيطة لا تتعبين نفسك مثل حلويات او غيرها و اتعبي عليهم بالتأسيس و خصوصا الفصل الاول من ناحية الخط و التشبيك و النطق و القرائة صدقيني راح ترتاحين معاهم بالفصل الثاني و راح يصيرون معاك مثل الوردة
اتمنى يارب اني قدرت اساعدك
و ربي يسهل عليك و يوفقك
سلااااااااام
المفضلات