هل هذي الطريقة صحيحة لكي اجتاز التوفل ؟ ! !

**عبود الرياض1** · 13-11-2009, 07:05 PM

السلام عليكم ورحمة الله وبركاتة

طبعاً انا الله ما وفقني في الابتعاث واقول خيرها في غيرها ان شاء الله
فلازم احضر لتوفل عشان اكمل دراستي واقدم ويقبلوني فيها المهم

انا قــدامي 9 اشهـر فقط لتحضـير والدرجة المطلوبة لتوفل هي 500

ومستواي يعني لابأس ،،

انا بقولكم الطريقة اللي جالس اسويها عشان اكون جاهز لإختبار التوفيل طبعاً عندي معلومات كافية عن هالاختبار .

الطريقة هي :

- سجلت في معهد وعطاني كورسات وكتب كامبرج اذا كنتو تعرفونها طبعاً هي 10 مستويات بس قالي انت اذا تبي تتهئ لتوفل خذ الين المستوى الثامن وبعدها بندرسك
كتاب يعدك لتوفل . طبعا اجلس عندهم كل يوم ساعة ماعدا الخميس والجمعة والمدرس بريطاني بس ابي اغيره امريكي من المستوى الخامس . طبعاً انا الحين خلصت المستوى الرابع .
- طبعاً في كل اسبوعين اخذ مقال بالانجلش من موقع مع الصوت يعني واحد يقرأ هذا المقال
المقال هذا اتدرب على فهمه بالاستماع وكتابتة اكثر من مره واتقان قراءته واتعلم منه كلمات جديدة قليلة ما اقدر اخذ كل الكلمات عشان ما الخبط مع كلمات الدورة يعني اهم شيء
كتابته قراءته والاستماع ، طبعاً المقالات من هذا الموقع اخذها :
http://www.voanews.com/specialenglis...cs_summary.cfm
** المشاكل اللي تواجهني :
- المحادثة ما عندي احد اتكلم معاه زين دخلت شاتات صوتية امريكية بس ما يتكلمون معي لان يمكن اجلس افكر شوي وياخذ وقتي كثير الين ما القي واحد يعطيني وجه وتركتة
ما ادري وش الحل ؟

انا صراحة ابيكم تقرون اللي كتبته زين وتعلموني وتوجهوني وتنصحوني
هل اللي جالس انا اسويه هذا هو بالطريق الصحيح والا فيه اشياء ممكن تنبهوني عليهاوداعيلكم قبل لا اكون شاكر لكم

والله يوفقكم ويقويكم

تحياتي

**فـيصـل** · 13-11-2009, 07:13 PM

هلا..بك عبود..

انا والله ما اخذت التوفل...ولا عندي معلومات كافيه...عنه

لكن انا قرأت موضوعك وأعجبتني طريقتك..

واذا كان من شان الممارسه..انت تستمع اهم شي

وتخيل لمن تستمع..انهم يخاطبونك..علشان تعيش الجو

ومواقع الاستماع واجد وكثيره وما تخفى عليك..مثل

BBC
CCN
Voa

واذا حاب اعطيك ايميل شخص امريكي...تقاعد وهو الان جالس يعلم الناس انقلش..انسان رائع بكل ما تحمله الكلمه من معنى..وهو يدخل في الغالب العصر بتوقيت السعوديه

اذا حاب اعطيك ايميله وتقوله...اني من طرف فيصل
وودي اسولف معك..وكذا

انساان جدا جدا رائع..وعلى فكره ترى عمره فوق ال 75

والله يوفقك

**فـيصـل** · 13-11-2009, 07:25 PM

شوف يا عبادي...هذا المقطع تعليمي...اللي مسويه

الامريكي وانا رفعته
تفرج عليه...

http://www.4shared.com/file/75024582...933/Movie.html

راح تلاقي في نهاية المقطع عن الامريكي معلومات عنه وراح تقدر تتواصل معه..

ربي يوفقك...يا اخوي

**عبود الرياض1** · 13-11-2009, 07:41 PM

اخوي فيصل جزاك الله خير والله يوفقك

واذا حاب اعطيك ايميل شخص امريكي...تقاعد وهو الان جالس يعلم الناس انقلش..انسان رائع بكل ما تحمله

انا سبق وان تعرفت على شخص امريكي بس احس انه مشغول وما ابي يعني ازعجه
وانا افضل يكون مجموعه كذا اتكلم معاهم بس مدام قلت انه يعلم الناس وطيب اتمنى تزودني يإيميله

شوف يا عبادي...هذا المقطع تعليمي...اللي مسويه

الامريكي وانا رفعته
تفرج عليه...

اول شيء اشكرك على الرفع بس بعد ما ضغط على الرابط طلع لي
ارتباط الملف الذي طلبته غير صالح.

تمنياتي لك بالتوفيق

**فـيصـل** · 13-11-2009, 08:24 PM

المشاركة الأصلية كتبت بواسطة عبود الرياض1

اخوي فيصل جزاك الله خير والله يوفقك

انا سبق وان تعرفت على شخص امريكي بس احس انه مشغول وما ابي يعني ازعجه
وانا افضل يكون مجموعه كذا اتكلم معاهم بس مدام قلت انه يعلم الناس وطيب اتمنى تزودني يإيميله

اول شيء اشكرك على الرفع بس بعد ما ضغط على الرابط طلع لي
ارتباط الملف الذي طلبته غير صالح.

تمنياتي لك بالتوفيق

هلا عباادي..

شوف الرابط هذا
http://www.4shared.com/file/75024582...ified=5c369531

ان شاء الله شغال..وبعدين كل شيء عن الرجال راح تلاقيه بنهاية المقطع

ربي يوفقك

**عبود الرياض1** · 13-11-2009, 08:41 PM

اخوي فيصل

اتعبتك معي صراحة

نفس المشكلة
ارتباط الملف الذي طلبته غير صالح

اقترح عليك انك تحط الرابط عن طريق ارتباط تشعبي

يعني مثلا تكتب " اضغط هنا " وتروح من ايقونات الرد المتقدم وتضلل الجملة وتختار اضافة رابط

شاكر لك