اولا الله يكون فى عونك على ال 200 كيلو ... انا اروح 40 كيلو هذا وانا رجال وبسيارتي واوصل مالى نفس بالدوام اجل كيف 200 كيلو ... المهم الله بيفرجها ان شاء الله ..
بالنسبه للدرس .. الدرس لطيف وبسيط جدا هو عباراه عن مفردات وتركيبه جمله this is my .....
انا بديت الدرس بسؤال 3 طلاب بالعربي فى البدايه .. كم عدد افراد عائلتك وكل طالب جاوبني وطبعا طلبته يفصلها كم اخ واخت واب وام .... وطبعا الشغله تاخذ 2 دقيقتين مو اكثر .. وبعدين قلت للطلاب يالله اللي قلناه بالعربي نتعلمه بالانجليزي .. انا طبعا عندى سي دي حق المرحله الابتدائيه شغلته واستمعوا الطلاب .. وبعدين قلت يالله نطلع الكلمات اللي فى الدرس . وبدأنا نطلعها كلمه كمله وانا اكتبها على السبوره .. وبعد ما كتبنا الخمس الكلمات على السبوره
father .. mother . brother..sister ..family وطبعا انطق انا الكلمه واخلي الطلاب ينطقون وراى بإستخدام العباراه الانجليزيه repeat after me ... وبعدين قلت للطلاب طيب فى جمله ينطقونها فى العرض وشهي .... وبعدين طلعوا الطلاب This is my وبعدين ركبنا الخمس الجمل .. وبعدين طلعت اكبر عدد ممكن من الطلاب عند السبوره يأشر على الصوره ويقول الخمس الجمل اللي هي
This is my father وهلم جرا حتى ينتهي من الخمس الجمل .. وانا اساعدهم فى النطق اذا غلطوا ... ولما بقى 8 دقائق على النهايه .. انا كنت محضر ورقه عمل للطلاب عباره عن اسطر عندى اكتب فيها بخط يدي جمله This is my family وهم يرجعون ينسخون وراى لمده 5 اسطر او اكثر وطبعا احط فيها صور يميزونها الطلاب ... وهم يكتبون انا ادور عليهم داخل الفصل واشوف كتابتهم واصلح للى غلطان .. الين تدق الحصه ..
واى استفسار انا بالخدمه
au revoir
المفضلات