بديت الوم نفسي

[نور]

السلام عليكم

انا لاول مره ادرس سادس ودوب المشرفة تجيني الاسبوع الماضي
تخيلوا اعتمدت على زميلات من هنا وهناك حتى مشت اموري
اللي الوم نفسي عليه اني درست البنات وكاني ادرس ثانوي
لاني بالاصل معلمة ثانوي ومنتدبة ابتدائي

احس البنات ما تمكنوا زيييين بالحروووف مع اني اجيب وسائل وصور وهدايا وبطاقات تشجيعيه يعني كلووووووووووو
تخيلوا عندي بنتين ما يعرفون الحروووف ابد....... اما الباقي يطقطقون هنا وهناك
ادربهم واعطيهم اوراق عمل واجي اختبرهم الاقي البنت ناسيه وش اسم الحرف اصلا ولا تعرف تكتبه !!!!!!!!!
وش الحل معاااهم

الان انا واصلة درس 15 خلاص عطيتهم اياه (انا اعطيهم حصتين باليوم لكل فصل لاني اجيهم يوم واحد بس بالاسبوع )
احس البنات تايهين وانا متاخره
هل المهم يحفظون الايام والالوان وبقية المعلومات والا اركز معاهم عالحروف كتابة ونطق افضل ؟؟؟؟؟؟؟؟
اخيرا عندي دورة هالاسبوع يعني بيضيع علي درسين يعني ماباخلص معاهم الا الاسبوع الاول من الاختبارات وش رايكم اطنش الدورة؟؟؟



بنات الابتدائي شككوني بنفسي خاااصة ان بناتي بالثانوي شطااار وجهدي اثمر معاهم

[bigevil]

هذي انظمه الوزاره عندنا تتفنن فى تشتيت جهد المعلمين وتشتيت الطلاب ...

انا دائما المدارس اللى اكمل فيها القى فيها مشاكل مثل ذي ..بسبب قله الحصص وضيق الدوام وتباعد الحصص ...يعني فى مدرستي الاساسيه انا قدام الطلاب 3 او 4 ايام واقدر اركز على بعض الطلاب اللى عندهم مشاكل او اطلب منهم يجون يسمعون فى غرفه المدرسين او استدعيهم بالفسحه وبعد الصلاه .. يعني القى وقت ادربهم .... بس المدرسه اللى اكمل فيها يا انى اجيهم حصتين او 3 باليوم وامشي لان عندى مدرسه غيرها .. يعني السنه ذي مثلا اكمل فى ابتدائيه يوم الاربعاء فقط واعطيهم حصتين متتاليتين .. يعني درسين ورا بعض .. تخيلي .. وين بيفهمون الطلاب ويحفظون وانا اجيهم يوم بس بالاسبوع .. هم ينسون شكلى انا فما بالك بالمنهج ..
بس الوسيله الوحيده لك كثريلهم من الواجبات والتمارين واوراق العمل .. وامرك لله ..

[نور]

يعطيك العافية اخوي
بصراحة لاحظت لما اعطيهم واجبات اجي الحصة اللي بعدها الاقي غياب لا وغياب مين غياب اللي انا مسوية الواجب عشااانهم
عندي طالبة ما تعرف الحروف ابد وحصه تجي وثنتين تغيب يعني يمكن ما اشوفها بالشهر الا مرره
مرة عطيتها الحروف وقلت لها شدي حيلك طول الاسبوع واكتبي الحرف كذا مرره ولما جت الحصة لقيتها غايبة بالله كيف اتابعها ذي ؟؟؟ وش ذنب الممتازات؟؟؟
لكن انا باطنش الدورة لاني متاكده اني ما باستفيد شي منها وارجع اركز مع بناتي افضل

الله يكتب اجرنا مع هالتعب لاااااااا ومحسودين بعد !!!!

[Portugal]

تحصل كثييييييييير ... واللوم على الوزارة و الديوان اللي ما يبي يوظف أحد !!

[كل الحنان]

عزيزتي

ركزي لهم على الحروف اكثر لأنها الاساس وبعدها سوي لهم مسابقه لحفظ الكلمات


اوعديهم بجوائز وشهادات الصغار يتشجعون بالجوائز اكثر شيء

الله ييسر امورك

[shy-rose]

عزيزتي حفظ الحروف مهارة اساسية ....

لكن لا تعطيها من الحصص الكثير .... فما زال امامك منهج انتي مطالبة به ....

كنت أواجه نفس مشكلتك هذه العام الماضي ..... و نصف الترم مضى و انا مازلت في الاحرف ..

فتركتها و أتجهت الى باقي الدروس و من خلالها كنت أعزز مهارة حفظ الحروف

بداية كل حصة اجعل الطالبات يرددون الحروف corally ثم اختار طالبتين او ثلاثة للترديد individually

اذا درسك عن my family .... اعرض للطالبات فلاش كاردز للكلمات الجديدة و اطلب منهم تهجئة الكلمة ثم تهجئتها دون النظر الى الفلاش كاردز و هكذا .....

و بنهاية الترم وجدت ان اغلب الطالبات قد أتقنوا المهارة و لله الحمد