تجمع معلمات محو الامية - النصف الدراسي الثاني - الجديـــد ~ حياكم !!

**قصيميه ميه ميه** · 15-02-2011, 07:54 PM

أهلين بنوتات ..

كيفكم أخباركم ؟

الله يعين على هالترم .. من جد صعب عليهم ..

أبي أسأل .. سمعت انه راح يدخل الانجلش على ثاني محو أمية .. تهئ تهئ :(

هل سمعتوا بهيك خبر؟؟

**الموقرة** · 16-02-2011, 12:06 AM

المشاركة الأصلية كتبت بواسطة قصيميه ميه ميه

أهلين بنوتات ..

كيفكم أخباركم ؟

الله يعين على هالترم .. من جد صعب عليهم ..

أبي أسأل .. سمعت انه راح يدخل الانجلش على ثاني محو أمية .. تهئ تهئ :(

هل سمعتوا بهيك خبر؟؟

لا ماسمعت بهيك خبر مين قال لكي

**Portugal** · 16-02-2011, 04:16 AM

ايه جديدة عليهم

he , she , it أتوقع ما تعرضنا لها كثير من قبل

you , I صح سبق تعرضنا لها في الاسئلة

**فوشيا روز** · 16-02-2011, 08:39 AM

رذاذ اللؤلؤ الله يتمم لك على خير وتقومي بالسلامه لا تشيلي هم
لانهم ينتدبون معلمه تجي مكانك الين ترجعينبالسلامه

**ليدي مي** · 16-02-2011, 07:30 PM

مشكورررين لكل اللي رد ..
الانجليزي يهون قدام المواد الثانيه على الاقل هو تخصصك المشكله خلوني امسك العلوم الدينيه لثالث
واجتماعيات ثاني .يالله والله ياني حست في التحضير بس مهوب ذنبي تخصصي انجلش ..
الله يعين بس مايكفي اني في ثلاث مراكز وزادو علي مواد ..

**رذاذ اللؤلؤ** · 17-02-2011, 01:59 AM

مشكورين على الرد والله يعيننا ان شاء الله مع تحياتي دونت بي ساد وفوشيا

**بنت دلوعة** · 17-02-2011, 02:40 AM

السلم عليكم بنات كيف حالكم كل عام وانتوا بخير مع بداية الفصل الدراسي الثاني
بنات جزاكم الله خير عندي كم طلب ادري مو وقته بس دفتري التحضير احس انه محيوس وانا توني جديدة ماعندي خبرة طويلة مثلكم وابي اذا ماعليكم امر ورقة تحضير تصير نموذج امشي عليه حست في المنتديات بس ماحصلت شيء عدل لازم يكون فيه نقص وبعد ابي الاهداف العامة لتعليم اللغة في المملكة والاهداف الخاصة في تعليم الكبيرات اذا فيه وبعد ايش تحطون في دفتر التحضير المراجع توزيع المنهج ماعندي الله يخليكم ابيهم بسرعة واللي بتساعدني لها دعوة بظهر الغيب ربي يحقق كل ماتتمنى لاتنسوني الله يخليكم احس وضعي في المدرسة مو شيء

**بنت دلوعة** · 18-02-2011, 01:44 AM

جزاك الله خير اختي دونت بي ساد

**لنا وكلي وفا** · 18-02-2011, 07:08 PM

فديتكم كلكم جميعا ربي يسعدكم الترم الاول رحت لمدرسة على نهاية الترم ولقيت عندهم ملزمة يكتبون فيها بدون دفاتر صور وحروف وكلمات تجنن
كان نفسي القى نسخة منها بدل مايكتبو بالدفاتر
ومعلمتهم الي قبلي ماقدرت اتواصل معاها ياليت لو عندكم ملزمة للترم هذا تنزلونها ربي يسعدكم
بدل الدفاتر يتعبون مايعرفون يكتبون زين
الله يوفقكم ويسعدكم

**j o r y** · 18-02-2011, 07:45 PM

لنا وكلي وفا

شوفي الملزمه هاذي وعدلي فيها على كيفك واللي يناسبكـ

http://www.saudienglish.net/vb/showthread.php?t=87300

**سكرره** · 19-02-2011, 01:16 AM

كل عام وانتو بخير جميعا وعودا حميدا
مادخلت الى الان على الدارسات
والاسباب غياب وتأخير راحت علي حصتي
والاربعاء متحمسه متوقعه انهم بيجون وكنت ناويه اسوي لهم ويلكم باك تو سكووول
وزينت الفصل الا انهم غابوا كلهم وربي احبطت لكن قدر الله وماشاء فعل
باذن الله اعوضها واطبقها الاسبوع الجاي

قصيمية .....ماسمعنا عن هالخبرية بس انا سمعت السنة الجاية احتمال كبير يدرجون
الانجليزي بابتدائي من اولى ابتدائي مو بس سادس مثل ماتعودنا
ويارب يكون لنا نصيب في الوظيفة الرسمية يارب

رذاذ اللؤلؤ ..... الله يتمم لك على خير وان شاء الله يجوبون لك بديله
والا الله يعينك ع المنهج الله يسهل امورك

ليدي مي ... انا بمدرسة وحده وماسكه مع الانجليزي علوم دينية اولى
الى جانب القران بس عندنا معلمة ثالث على وشك ولادة وراح امسك مواد ثالث
كلها ماعدا الرياضيات رفضت امسكه ماعرف له وتبادلت مع معلمة اولى
لانها خبره برياضيات ثالث مدرسته لها سنين جزاها الله خير والا كنت ناوية اكلم
الموجهه مانيب مجبره ادررس مواد ماعرف لها
عني انا تعودت ادررس مواد ثانية وصارت عندي خبرة بتحضيرهم
وصرت انافسهم بعد ههههههه << ماشا ءالله علي هههه ثقه مو غرور

بنت دلوعة ...
عني في دفتري التحضير يكون فيه اذا مانسيت
توزيع المنهج
جدول الغياب
السي في تبعك
الاهداف العامه والخاصه
الهدف الديني بشكل عام
هذا اللي ببالي حاليا

**سكرره** · 19-02-2011, 01:25 AM

بنات بغيت اسالكم طلبوا منكم موجهاتكم فولدر خاص بانجازاتك
موجهتي جاتني بالترم الاول بعد ما غابوا الدارسات واطلعت على كل شيء
وطلبت مني فولدر الانجازات وجهزته علشان ماتجيني الا كل اموري اووكيه
طبعا تكتبين فيه كل انجازاتك خلال هالسنة هذي
الله يكون بالعون

**لنا وكلي وفا** · 19-02-2011, 12:32 PM

jory ربي يسعدك يالغلا وينور طريقك فديتك والله

**خجول الورد** · 20-02-2011, 12:26 AM

السلام عليكم ورحمه الله وبركاته

مرحبآ ومسهلا

بنات ياحبيلكم بسألكم عن الهوم وورك

انا واعوذ بالله من كلمه انا من بكرى إن شاءالله ببدأ معهم بدرس جديد حق i -u

وعادتي إذا خلصت الدرس اوزع عليهم ورقه عمل ونحلها مع بعض

لكن الهوم وورك

ماادري هل اكتب لهم شئ بالدفتر واخليهم يكررونه مثل الضمائر

اكتبها ويكررونها؟!

أو يُستغنى عن الدفتر؟!

وربي يسعدكم وويحقق مبتغآكم ~

**الحنش الذهبي** · 20-02-2011, 09:49 PM

سلام حبايبي انا كنت قبل اكتبلهم في الدفتر الحروف والارقام والحين ابغى استغنى عن الدفتر واكتفي بالكتاب ايش رايكم لانه احس ما فيه شي يكررونه غير الي في الكتاب
وشكرا
جولي

**me11** · 21-02-2011, 01:22 AM

وعليكم السلااام ورحمة الله فكرت الغي الدفتر بس حسيت انها صعبه نقدر نكتب فيه الملخصNew words
وفيه كثير كلمات لازم يكررونها........ colors ,my head,family members وبعد مايكرونها كاهووم وورك ........ اسوي لهم اليوم الثاني املاء فيها

Don’t Be Sad · 21-02-2011, 02:01 AM

المشاركة الأصلية كتبت بواسطة me11

وعليكم السلااام ورحمة الله فكرت الغي الدفتر بس حسيت انها صعبه نقدر نكتب فيه الملخصnew words
وفيه كثير كلمات لازم يكررونها........ Colors ,my head,family members وبعد مايكرونها كاهووم وورك ........ اسوي لهم اليوم الثاني املاء فيها

حبيباتي اتوقع الدفتر من المستلزمات الضروريه ما اتوقع تقدروا تستغنوا عنه...وكماان من الاشياء اللي تطلبها المشرفه لما تحضرلك...
وبالنسبه للاملاء لا يا قلبي لا تملينهم الا اذا كانوا صغاار وتبغين مستوااهم يتحسن..

Don’t Be Sad · 21-02-2011, 02:08 AM

المشاركة الأصلية كتبت بواسطة الحنش الذهبي

سلام حبايبي انا كنت قبل اكتبلهم في الدفتر الحروف والارقام والحين ابغى استغنى عن الدفتر واكتفي بالكتاب ايش رايكم لانه احس ما فيه شي يكررونه غير الي في الكتاب
وشكرا
جولي

وعليكم السلام يالغلا..

اتوقع الدفتر ضروري..

الشي اللي تأخذوه خليهم يكتبونه...

وخلي ورقة العمل بسيطه عشان ما يطولوا في الحل ويكون فيه وقت للكتابه في الدفتر..

Don’t Be Sad · 21-02-2011, 02:13 AM

المشاركة الأصلية كتبت بواسطة خجول الورد

السلام عليكم ورحمه الله وبركاته
مرحبآ ومسهلا
بنات ياحبيلكم بسألكم عن الهوم وورك
انا واعوذ بالله من كلمه انا من بكرى إن شاءالله ببدأ معهم بدرس جديد حق i -u
وعادتي إذا خلصت الدرس اوزع عليهم ورقه عمل ونحلها مع بعض
لكن الهوم وورك
ماادري هل اكتب لهم شئ بالدفتر واخليهم يكررونه مثل الضمائر
اكتبها ويكررونها؟!
أو يُستغنى عن الدفتر؟!
وربي يسعدكم وويحقق مبتغآكم ~

وعليكم السلام ورحمة الله وبركاته..

اكتبوا في الدفتر اللي تاخذوه في الحصه والواجب ممكن يكون تكرار للكلمات وممكن يكون من الكتاب وممكن تريحيهم من الواجب بس تطلبي منهم يذاكروا الدرس والاهم تكتبي الواجب عالسبوره..

بالتوفيق للجميع والله ييسر امورنا جميعاً..

**Portugal** · 21-02-2011, 05:29 AM

السلام عليكم

الحمدلله درس I am + you are مشى حاله بس الله يعين على النسيان :(

اتوقع الدرس الجاي راح يكون اصعب عليهم *_*

**الارجوان** · 21-02-2011, 02:11 PM

مساء الخير للجميع

بنات بليز ابي ورقة المهارات حقت الترم الثاني

الله يسعدكم

Don’t Be Sad · 21-02-2011, 02:29 PM

مساء النور

شوفي هالرابط..

http://www.saudienglish.net/vb/showthread.php?t=86131

**فوشيا روز** · 22-02-2011, 08:40 AM

انا بصراحة درس I +you
عجبهم بالحيييييييييييييييييييل وان شاء الله تكون فاتحة خير للترم التاني

**تندربس** · 23-02-2011, 12:00 AM

السلام عليكم ورحمة الله وبركاته
كيفكم صبايا؟ ان شاء الله طيبات----
عندي استفسار صغير بالنسبه للى عندهم انتداب ل3 مدارس هل تعطيهم 3 حصص مثل المدرسه الاساسيه او لا --- لاانى انتدبونى للمدرسه ال3 واليوم اعطيتهم3 حصص ورا بعض----

Don’t Be Sad · 23-02-2011, 12:31 AM

وعليكم السلام ورحمة الله وبركاته..

بخير ..كيفك يا عسل؟؟

يا قلبي الله يعينك..

على حسب الاشراف كيف يعملوا لك جدولك...

انا رفضت المشرفه اني اعطيهم ثلاث حصص ورا بعض.

وصرت في يوم اروح لمدرستين ورا بعض واعطي كل مدرسه حصه..

والحمدلله على كل حال