الاستثنائي والامومه!!!

[مشاعل]

السلاااااااااام عليكم ورحمة الله وبركاته


حبيت اسأل عن التعميم اللي يقول ان اللي في اجازة استثنائيه او امومه يكون
اداءها الوظيفي ( 60) هل هو مطبق في جميع المناطق

والله هالتعميم في ظلم للمعلمه انا داومت العوده وشهر شعبان الىالاسبوع الثالث من رمضان
وانا كان لي ثاني اسبوع داخله في التاسع هذا غير اني اداوم يوميا ثلاث ساعات رايحه وثلاث ساعات جايه وكانت ولادتي ثاني اسبوع في شوال....... المهم ....... المديره اعطتني في الاداء
(60 ) لان وافقت اجازتي وقت رفع الاستمارات على قولتها
طيب دوامي في الاشهر الماضيه وين راح000000000 انا كل اللي بااخذها اربعين يوم وراجعه ان شاء الله
والله العظيم احبطت وكل ماتذكرت الدرجه اصيح من قلبي

ياليت تقولون لي شو الحل ؟؟؟

[اروى]

اهلين عيوني ..

اول شي الحمدلله على سلامتك ..

ثاني شي اختي انا اتمنى انك ماتسكتي لازم تراجعي ادارة التعليم بأسرع وقت قبل رفع الاستمارات الى الوزاره ..

بس اللي انا اعرفه ..
المعلمه المنتدبه او في اجازه تحطلها المديره نفس ادائها الوظيفي حق العام السابق ..

بس ياريت تراجعي عشان تطمني ..
والمديره مو كل شي حبيبتي .. استفسري من جهه ادرايه اكبر يكون افضل ..

وربي يوفقك ..

[ORCHIDA]

و عليكم السلام اختي مشاعل

الحمد لله على سلامتك...وبالنسبه للأداء الوظيفي اللي من 60 في الإستثنائي او الأمومه فيمكن
تسألين مشرفتك او مديرتك عن صحته

اما عن انك بتآخذين الأربعين و ترجعين فمن وجهة نظري انك تمددينها و تريحي نفسك و بالك
لأنها ما راح تكفيك و الى الآن ما سمعت اي معلمة انجليزي( من منطقتنا يعني ) رجعت تداوم
بعد الأربعين تعرفين الإنجليزي وقفه طول الحصص و جهد مضاعف ..... وبعدين صحتك اغلى
ما عندك و ما فيه احد بيرحمك من المناوبه و الإحتياط .. و في الأخير التقدير 60 لييييييه
الله لا يردهم .... ماعليك ياحبيبتي ضحي السنه هذي بالتقدير و عوضيه السنه الجايه وزي
ما قلت صحتك ..صحتك و البيبي اللي ما كمل شهرين و الله حراااااام

في الأخير هذي وجهة نظر.... خذيها او رديها

[مشاعل]

اخواتي الغاليات
اروى
كل الحب

لكم جزيل الشكر على شعوركم الطيب حبيباتي
غاليتي كل الحب شكلي بسويها ومابرجع الا على الترم الثاني
لان ماورى التدريس غير الهم ..........الله يعين ويساعد يارب

وبالنسبه للتعميم وصلنا من السنه الماضيه
وفي اجتماع مدير التعليم قبل ثلاث اسابيع بالموجهات نبههم على هذا الشيء
بس انا ابي اعرف هو مطبق في جميع المناطق ؟؟؟

[أمير الحرف]

الأخت / مشاعل
السلام عليكم
استغرب وجود مثل هذا النظام الجائر !! او هذا التعميم بالاصح ولا اعلم هل هذا النظام في السعوديه !!!!!!!!!!! تنص لائحة موظفي الخدمة المدنيه على أن الموظف يعطى تقدير مرضي في وزارة الخدمة المدينه (( 60 )) في حالة عدم جديته في العمل ومثل هذا التعميم الذي ينص أن المعلمة التى في اجازه تعطى 60 هذا ظلم صريح مهما كان ولكن اذا كان المعلم او المعلمة (( مستهتر , كثير غياب , غير مطبق لائحة التقويم بالطريقة الصحيحة يعطى في التقويم (( 60 )) ماعدا ذلك لايمكن واذا كان يوجد لديك التعميم بهذا النص يمكنك تصويره وبعثه الى وزارة الخدمة او الوزارة او الى اى جريده لنشره لأن مستحيل يكون فيه تعميم بهذا النص !! حسب علمي مستحيل .

وفي حالة حصولك على تقدير غير مرضى ( أقل من 60 درجة ) يحق لك التظلم عن طريق أدارة التعليم او ديوان المظالم خلال ( 15 ) من تاريخ اشعارك بدرجة تقويم الاداء الوظيفي وفي هذه الحاله لابد من رفضك التام للتوقيع على استمارة التقويم لأن توقيعك على التقويم معناه موافقتك على الدرجة لأن حصولك على هذه الدرجة يحرمك من العلاوة السنوية لمدة عام قابلة للتجديد .
ولكن مع هذا مستحيل موظف يحصل على تقدير 60 الا في حالات نادره جداً جداً ويمكنك الاتصال على أدارة التعليم التى تتبيعها ( قسم تنفيذ الانظمة ) او شؤون الموظفين والاطلاع على لائحة تأديب الموظفين في وزارة الخدمة المدينه ومتى يحصل الموظف على تقدير ( مرضي , غير مرضي ) .
أخيراً / قد يكون كلامنا هذا عام ولكن لابد أن تراجعي نفسك قبل أجازة الامومة اذا كان لديك غياب وعدم اهتمام بالعمل واجازات مرضية كثيرة وعدم جدية في العمل فهذه يعني أنه لابد من التغيير وكذلك مراجعة درجة تقويم العام الماضي قد تكون قريبة من ذلك .
وفقك الله