درسي النموذجي لوحدة الجامعات

**sosaso** · 16-03-2010, 11:09 PM

السلام عليكم اليوم أنا فرحانة ومبسوطة والأرض ماهي قادرة تشيلني
اليوم سويت درس نموذجي على مستوى المدرسة وكان رائع وأكثر من رائع ما أمدح نفسي لكن هذا كلام المديرة والمعلمات اللي حضروا الدرس تمنيت حضوركم يامعلمات سعودي انجلش بس ياللا خيرها في غيرها وعاد البنات ومستواهم ومشاركتهم كانت أكثر من رائع ولا الهدايا الحلوة كثرت كلام صح بس ياللا اعذروني لأني أول مرة أسوي درس نموذجي.
باااااااااااااااااااااااا ااااااااااااااااااااااااا اااي

**جولي** · 16-03-2010, 11:22 PM

الحمدلله...ألف مبروك تميزك في درسك النموذجي

بس ودي يالغالية تعطينا فكرة عن الدرس والوسائل وطريقة العرض

واش سويتي واش ما سويتي

ممكن نستفيد شوي من إبداعاتك

يعني نبي نكون حاضرين عن طريق وصفك..

لأنك شوقتينا لدرسك الرائع

يلله..أستناك تحكين بالتفصيل الممل

**علاء** · 16-03-2010, 11:23 PM

ماشاء الله
يسعد منتدى سعودي انجلش بنجاح اي عضو من اعضاءة ...
من تميز الى تميز
بالتوفيق يا اختي

**Prime Rose** · 17-03-2010, 07:28 AM

هناك الخلاص عزيزتي..

ومثل ما قالت جولي.. تشوقنا نشوف عرضك.. ونسمع عن كيفية شرحتي درسك..

بنستناك..

موفقين

**ابواصيل** · 17-03-2010, 08:46 AM

ماشاء الله الف مبرووك
وقدها وقدود

والحمدلله هذا مايهدف اليه منتدى سعودي انجلش الفائده للجميع

وفقك الله ورعاك

**r662r** · 17-03-2010, 11:00 AM

الف مبرووووووووووووووووك وبالتوفيق انشالله
وعقبالنا انشالله
بس ياليت تفيدينا
وش درسك
وش استخدمتي وسائل
وافكار جديده

**sosaso** · 17-03-2010, 08:17 PM

الدرس كان في غرفة المصادر قسمت البنات إلى مجموعات وسميت كل مجموعة بالإسم للي تحبه وكان درسي عن الجامعات وكان الطالبات لابسات لبس التخرج وعندهم على الطاولة وثيقة تخرج ولابسات أيضاً قبعات التخرج هذا ماأعطى الدرس حلاوة بعد كذا لبست الطالبات أوشحة كل وشاح يحمل اسم جامعة معينة خاص بهذه الطالبة عدد المجموعات ثلاث وعدد الطالبات في كل مجموعة عشر على عدد الجامعات يعني في كل مجموعة طالبة تحمل اسم جامعة الملك سعود والملك خالد وهكذا أما بالنسبة للعرض فكان هائل في معلم لغة انجليزية جارنا عطاني عرض بوربوينت عن الجامعات طريقة العرض مثلاً جامعة الملك سعود جاب الجامعة من الداخل وكأن نحن جالسين نتمشى فيها بعد كذا جاب مجموعة أبواب كل باب يحمل اسم تخصص معين وشفنا المدرجات والنخيل وغيرها هذا ماأبهر المديرة حقتنا الله يخليها لأنها في حصص الانجليزي لما تحضر شغلها كل كتابة ماتطالع في المدرسة وماتشوف مستوى الطالبا أبداً أما اليوم هذا فهي كانت منتبهه +للدرس وكأنها رايحة تسجل في الجامعة ماعلينا المهم نفس العرض مع بقية الجامعات صور مباني الجامعات من الداخل والخارج كان جميل جداً
بعد عرض الخمس الجامعات الأولى عطيت الطالبات ورقة عمل على هذا الجزء وبعد الخمس الجامعات الأخيرة عطيتهم ورقة عمل عليها بعد كذا عطيت الطالبات ثلاث أسئلة مميزة السؤال الأول جائزته خاتم ذهب +علبة جالكسي جواهر +50وردة على شكل باقة ورد وسؤالها تذكري لي عدد الجامعات كلها اللي في المملكة يعني تجيب لي 32 جامعة واستفدت من الأخت English garden يعني جيبت الفكرة من عندها والسؤال الثاني 100ريال +علبة جالكسي جواهر + 25وردة على شكل باقة وسؤالها تكتب الاختصارات حق الجامعات أما السؤال الثالث 50ريال + علبة جالكسي جواهر + 15وردة على شكل باقة
وما حبيت الطالبات الباقيات يطلعون من دون شيء فعطيتهم كيس صغير داخله جالكسي بعضهم سنكرس والبعض الاخر مارس وباوينتي كل طالبة وحظها الحلويات هذي اللي في حجم الاصبع ومعها حبة وردة وشموع ملونة وبس لاني تعبت وأنا أكتب هذا إللي كان مميز يعني وماعدا ذلك معلمات سعودي انجلش اشطر مني فيها أتمنى إن درسي عجبكم وشكراً
أختكم:sosaso

**زهرة الاوركيد** · 17-03-2010, 08:34 PM

الله رووووووووووعه
ياليت حبيبتي تنزلين لنا البور بوينت حق جاركم نستفيد منه
بصراحه شي
بس احس الحصه بتخلص هل يكفي
بس بصراحه روووعه واكثر من روعه

**اميره العتيبي** · 17-03-2010, 09:37 PM

الف الف الف الف مبررررررررررررروكـ

**Endless Hope** · 18-03-2010, 01:52 AM

ألف ألف ألف مبروك

الله يوفقك

ويارب من تميز لتميز

بس عندي رجاء خاص انك تنزلي العرض

بعرضه للطالبات

**نوافي** · 18-03-2010, 02:05 AM

ما شاء الله افكار رائعة لمعلمة متميزة

جزاك الله خير نزلي العرض للجميع للاستفادة والاجر

**نادية7** · 18-03-2010, 03:27 AM

ماشاء الله عليك

شكل الحصةكانت رائعة والأروع لبس الطالبات يعطيهم دفعة والشعور ب التخرج

وفقك الله ف جميع امورك

بس ياليت تنزلي البوروينت للاستفادة

والله يحفظك يرعاك

**مهــا** · 18-03-2010, 10:57 PM

سوسو

ماشاء الله ..

الله يوفقك للقادم من حياتك ..

شكل درسك حلو ..

وماشاء الله هداياك وتشجيعك للبنات حلو ولسنهم أحلى بعد ..

الله يعطيك العافية ..

..

**English garden** · 18-03-2010, 11:24 PM

،
.

رائع جدًّا جدًّا!
وحدة الجامعات سهلة و مشوقة لجميع الطالبات،!

أتمنى أن نحصل على عرض الباوربوينت أستاذة سوسو :)

**rayoom33** · 19-03-2010, 03:31 PM

الله يعطيك الف عافيه
شكل الدرس كان رائع
ياليت تنزلين العرض نستفيد منه الله لا يحرمك الاجر

**sosaso** · 19-03-2010, 04:48 PM

والله ما أقدر السبب تعرفه أختي miss noor لأني محرجة أقولكم السبب بس ما أقدر أقول إلى أنا أسفة وسامحوني على التقصير صدقوني خارج عن إرادتي

هايدي** · 19-03-2010, 07:12 PM

خســـــــــــاره كان نفسنا نشوف العرض شكله مشوق

عموما بالتوفيق

**جولي** · 20-03-2010, 10:28 PM

المشاركة الأصلية كتبت بواسطة sosaso

والله ما أقدر السبب تعرفه أختي miss noor لأني محرجة أقولكم السبب بس ما أقدر أقول إلى أنا أسفة وسامحوني على التقصير صدقوني خارج عن إرادتي

دام الموضوع فيه إحراج لك..بلاش يالغالية..

بس كان ودنا نشوف العرض.. لكن قدر الله وما شاء فعل

الله يبارك فيك عزيزتي الغالية على الشرح

شكل الدرس كان جداً رائع وممتع.. والطريقة ممتعة

والهدايا كانت محفزة و((( من الوزن الثقيل )))

ربي يجعلها في ميزان حسناتك