يووووووه وش أسوي مع هالطالبات؟؟

**غدير المحبه** · 20-03-2010, 08:51 PM

السلام عليكم\\

تعبت وملييييييييت من طالباتي اللي عددهن 3 بس إلى الآن ماحفظن الأحرف وش السواااااااااااة؟

جابن لي المرض والتعب والزهق

أنا كنت ماسكتهم من بداية الترم الاول21/10 إلى 1/12 يعني تقريباً شهر وأيام بس لأني ولدت وصرت بإجازة وماداومت إلا ببداية الترم الثاني ,

وصرااحة مستواهم زفت
وتدرون وش سويت والله بديت آخذهم يومياً مع إنه المفروض بس يومين وبديت أراجع لهم الاحرف بس بدوووووووووووووووون فايدة

تكفون وش اسوي معهن وشلون أخليهن يحفظنهن زي أسامهيهن وش أسوي بالله وانتم وش سويتوا معهم

**غدير المحبه** · 20-03-2010, 11:56 PM

ياكافي ولا رد

**غنام** · 21-03-2010, 12:20 AM

انا من رأيي
كثفي الواجبات
يعني يكتبون الحروف ثلاث اربع خمس مرات
لان اذا حفظوا شكل الحروف وطريقة كتابتها سهل بعدين يحفظونها مع ان المشكلة عامه
بس 3 طالبات ولا احد يحفظ مشكلة
لو 30 طالبه و 10 ما حفظوا طبيعي

**rere** · 21-03-2010, 01:20 AM

الله يعينك انا يوميا كل حصة اكرر عليهم الاحرف وكل الطالبات الحمدلله حفظوها
عموما سمعيهم النشيد الي من طيور الجنة يحفظوها جيبي الاب توب معاك وخليك حاطه فيه نشيد الاحرف ولا تملي والله معاك

**bigevil** · 21-03-2010, 02:12 AM

لا تعصبين تجيك عاهات كثيره مثل ذي

انا عندى طالب ما يعرف يكتب اسمه بالعربي بهذلنى كل ما اعطيه ورفة عمل اقول اكتب اسمك يكتبلك شي لا يمكن ان يقرأ

على العموم مالك الا تكررين عليهم وتنادين اهلهم

الله يعينك

**alhusam** · 21-03-2010, 11:26 AM

نصيحتي لك
عليكي بالكتابه و التكرار
خليهم يكتبو الحروف في كل حصة و يكررو كتابتها اكثر من مرة
بالكتابة راح يكون الحفظ اسهل بإذن الله
والله يوفقك و يسهل لك

**حديقة الجوري** · 27-03-2010, 11:56 PM

شوفي وانا اختك

انا عندي 36 طالبة محشورين في فصل 5 في 6 متر

يمكن ماتصدقيني لكن والله اني ما اطلع الا قد مسحت السبورة بظهري من كثر ماهم متحاشرين لحد السبورة

المووووووهيم اني عانيت معاناتك معهم والسبب كثرتهم وصعوبة متابعتهم

لكن مانفعني بعد الله الا شي واحد

الجزاء اللي هو انك تخلين البنت تكتب الحرف اللي ماتعرفه في دفتر كشكول عشرين مرة واذا ما حفظت تخلينه دبل يصير اربعين مرة

الحين البنات كلهم يموتون خووف اذا قلت تسميع كلمات او حروف او ارقام فصايرين حافظينه بشكل راااائع

حتى الكلمات يكتبونها غيب عالسبورة

لانهم مع تكرار الجزاء بيحفظون غصب

وسلامتك

وبالنسبه للثلاث طالبات اللي عندك انا اشوف لو تقسمونهم في فصلين احسن يمكن مخربين على بعض

**[~ مجهول** · 01-04-2010, 11:07 PM

ياأختي مالك حل إلا انك تعملين لهن تحدي
اي وحدة تحفظ الحروف والارقام قبل زميلتها
تعطينها جوائز مو جائزة وحده بس

وبكذا يتنافسن من هي اللي تحفظ قبل الثانية

...........الله ياأجرك على عملك..

لاتنسين ان أهم شي لتحفيزهن وحب المادة تقديم الهدايا لهن

**shy-rose** · 02-04-2010, 01:14 AM

الله يكون بعونك عزيزتي ......

حاولي معهم بأسلوب الترغيب و اذا ما نفع فاستخدمي اسلوب الترهيب

**diamond22** · 02-04-2010, 07:29 PM

الله يعينك
واسلوب الجزاء انا ناويه اجربه قالت لي عليه ام لطالبة في الصف السادس
راح اجرب واشوف

**اعدام ميت** · 02-04-2010, 10:49 PM

لو ناديت لاسمعت حيا ولكن لاحياة لمن تنادي

انا عندي يمكن 10 اللي جننوني

8 منهم حافظين عن ظهر قلب ولكن وقت الكتابه يضيعون

وباقي 2 الى الان مانفعع معهم اي شي لاترغيب ولاترهيب

اقسم بالله كل الطرق اللي قلتوها سويتها ولانفع

لان اهلهم اكتشفت ان مافي اي متابعه او اهتمام منهم

تخيلوا اعطيهم اوراق الاختبارات فيه ناس منهم جايبين صفر و1 و2 و3

اعطيهم الاوارق حتى يشوف ولي الامر مستوى ابنه ويوقع ويكتب ملاحظاته

تخيلوا يوقع ويكتب جزاك الله خير او نشكر اهتمامك

يعني ماني قادر استوعب هل الخطا مني او منهم

مع العلم ان عندي يمكن 7 يجارون طلاب الثانوي بالماده

اقسم بالله احترت انا ماني داري هل القاها من طلاب الثانوي او الابتدائي

طلاب الثانوي يقولون استاذ ليش تشرح وتتعب نفسك انجليزي مانفهم

خسرت مبالغ ماليه عشان اطور من مستواهم من ناحيه هدايا ومراجع وقواميس وملخصات

بالنهايه ماطلعت بأي شي ولا حتى 1 %

بالحاله هاذي تكونين استاذه غدير تحمدين ربك على نعمة 3 طالبات

مقارنه معي انا وطلاب الابتدائي والثانوي

**miss. English** · 06-04-2010, 02:03 PM

بس ثلاثه؟ انا لو مكانك اصلي شكر
انا معلمه فقريه كل طالباتي خمس كلهم
مافيه امل يعيدون الكلمه وراي وهي وراي وفلحظتها صح

**فيض الحنين** · 06-04-2010, 02:41 PM

احسن حل تتفاهم المديرة معهم

وتستدعي اولياء الامور وحوليهم للمرشدة ولا تعصبين عشانهم

وربي يعينك

**برتقاله** · 06-04-2010, 04:11 PM

طيب يا عسوله نفس المشكله عندي انا

عندي تقريبا من اصل 99 طالبه ف سادس 7 تقريبا مو حافظين او انهم 8 طالبات وعطيتهم الجزاء ذا والظاهر كتبوه مع الجيران والاصدقاء يعني بفزعه من الحبايب لاني يوم اسالهم يقرون او امليهم ما يفقهون وش اسوي يعني المشكله يجاوبون على اي سؤال لكن بلاهم هذا الحرووف
بس حلوه فكرة الجوايز للي تحفظ قبل الثانيه

**الزمن صعب** · 06-04-2010, 10:49 PM

الله يعينك عندك وعندنا خير

انا شسويت اخذت كل طالبه على حدى وفهمتها انا الحروف وحفظتها الحروف 3 في كل يوم
في الحصه الأولى مثلا تعطى الحرف في الحصه الرابعة تراجع في الحرف في الحصه الأخيره تعطى ورقة عمل عن الحروف طبعا انا اللي ساعدني قلة الطالبات وقلة عدد الحصص عندي وكان هذا في الأيام الأخيره للفصل الدراسي الأول وعلى هذا ةالموال كل يوم مع كل الطالات ويتفاوت العدد على حسب استيعاب الطالبه وطبعا لاتعبي نفسش مع الأهل لأنهم لو كانو مهتمين كان اهتمو من البداية

**قلبي565** · 09-04-2010, 03:39 PM

عزيزتي...
الموضوع يبيله صبر والله يعيننا ويعينك....
انا أرى إن التركيز على الكتابة والتكرار.....هما افضل وسيلتان لحفظ الحروف.....
أيضا...لو يتم تعليق الحروف أمامهم في الفصل في مكان واضح ومواجه لهم....بتكون طريقه تسهل لهم تذكرها....هذا غير سماع الكاسيت.....وتكثيف الواجبات...وأوراق العمل.... وبالتوفيق الدائم

**flowery** · 27-04-2010, 12:26 AM

السلام عليكم عالبركه المولود الله يجعله من الصالحين بالنسبه للبنات تقدري تجربي طريقة حفظ الأحرف بالأناشيد وكتابتها بطرق اخرى مثل مظله تحمل الحرف او حرف ال b له عيون وبطن كبير اذا كان للصف الأول الابتدائي وهكذا وبالتوفيق

**lOOkin4hope** · 27-04-2010, 01:07 AM

ثلاث طالبات

اجل ايش تسوين لو كنتي مثلي

ثاني وثالث ثانوي

اربعه فصول كل فصل فيه 30 طالب

واكثر من النصف ما يعرفون عن الانجليزي غير انه

لغة اليهود
^^^
طبعا هذا كلامهم

للامانه فيهم طلاب جدا متميزين

لكن البقيه

حاولت معاهم لين استسلمت

لانهم باختصار ما عندك احد

و ما اقول غير

الله المستعان