السلام عليكم ورحمة الل وبركاته
معليش اختي ع التاخير في الرد
بس لو راحت عليك يستفيد الغير ان شاء الله
انا عملت درس مرة طلع حلو وانبسطو منو البنات لدا الليسون
ممكن ياغالية اول شي تعملي
طبعا انا كيف بدات الدرس قلتلهم
انو احنا اتكلمنا في الليسون الي راح عن التي طيب بعدين مين تقلي كم نوع للشاهيي عندنا
loose و bags
طيب بعد ماحصلنا على الشاهي وصار موجود ببيوتنا مين عندها فكرة كيف ممكن نعمل الشاهي كيف نطبخو كيف نعد الشاهي في المنزل
وانا اعطيهم الكلمات الجديدة عليهم اعملها فلاش كاردز وافهمم معناها
واخليهم يصيغو لي جمل باستخدام الكلمات الجديدة الين ماتتكون عندنا طريقة كاملة لصنع الشاهيز
بعد كدا انا جبت معايا لوحتي وكتبت فيها الطريقة وبعد مااعطوني الطريقة صح عرضت لهم اللوحة الي هيا الرايتينج
بعد كدا قسمت الفصل لقسمين جروبين وجبت معايا ورقتين زبدة لونهم ابيض ولصقت وحدة على اليمين في السبورة والتانية على اليسار في السبورة
وجبت معايا الوان فرشة وعشرة فرش
وطلبت يقومو اربعة بنات او خمس لكل جروب اول جروب الي على اليمين راح يرسملي طريقة اعداد الشاهي
والقروب الي على اليمين خمس بنات يرسمولي طريقة اعداد القهوة
يرسمولي شكل موية مغلية - قطع سكر - ملعقة - كوب الشاهي - براد الشاهي واخر شي كيف يطلع الكوب مرتب في المنظر
وطبعا قبل مايبداو خليت قروب رسم الشاهي يرسملي فوق في اعلى الورقة ورقتين خضرا عشان نعرف انهم قروب الشاهي
وقروب القهوة خليتهم يرسمولي بالبني حبوب بنية عشان نعرف انهم قروب القهوة
وباقي البنات الي مارسمو يجتمع كل قروب ويكتبلي الطريقة في ورقة وبكدا كتبو وعرفو لطريقة الرايتينج واستمتعو بالدرس
ان شاء الله الدرس يعجبكم وتستفيدو منو يارب
المفضلات