تدرس في قريه [!] تعالـ/ ـي دقايق ~

**ايزابيلا** · 25-03-2010, 09:50 PM

السلام عليكم ورحمة الله ~

أحبابنا الأعضاء :

أنا مدرسه جديده وخبرتي تقتصر على سنة تدريس للصف الثاني ثانوي
السنه ذي مسكت ثالث ثانوي
وكم فصل متوسط
وسادس

المهم أنا أشوف مستويات البنات متدنيه حيييييييل
وحاولت بأكثر من طريقه إني أحببهم في الماده
بالفعل نجحت مع بنات المتوسط و سادس
وشفت التغير والحماس

>> بس لسى ما أمتحنتهم الله يستر

المشكله مو هنا المشكله في طالبات ثالث ثانوي
مستحييييل يرفعون يدينهم يشاركون
بس نايمين
وإذا مسكت الدفتر وصرت أستخدم الدرجات
يعطوني الإجابات وهم جالسين
اللي توصلت له أنهم عند كل المدرسات كذا
ما يشاركون
وإذا طلعت وحده تجاوب ألاقيها تعرف الإجابه

أما الإمتحان فـ مستواهم متدني إلا 3 طالبات من أصل 11
ودايم يطالبوني أحدد لهم مأدري وش السواة

أحس أنهم يحبطوني حيييييل

قلت نتشاور مع بعض إذا في أحد يعاني معاناتي
وتشيرون علي بـ أشياء أسويها تخليهم يتحمسون معاي

كمان بسأل [ أنا أحط الأسئلة في النهائي صح ؟]
يعني مو من الوزاره !!

اللهم أسعد قلوب من أطلوا هنا

~

**جولي** · 25-03-2010, 10:05 PM

الله يعينك يالغالية

المشكلة هذي موجودة في جميع المدارس..بس بدرجات متفاوته

أنا استخدم دفتر الدرجات في كل حصة..واذكرهم بالمعدل وبالنسبة وكل يوم ارصد للي تشارك ..

واللي ما تشارك أحط لها صفر قدام عينها ( واخليهاتشوف الدفتر والصفر باللون الأحمر بعد )

وبالنسبة للاسئله..إنتي اللي تعملينها لهم

وربي يعينك عليهم

**ايزابيلا** · 25-03-2010, 10:21 PM

آآمين يارب الله يعين عليهم تنحيييييييين مررره

الله يسعدك قلبي ^^

**BloumagrieT** · 26-03-2010, 01:06 AM

السلام عليكم ورحمة الله وبركاته

ايزابيلا

عزيزتي لا أعتقد أن المشكلة محصورة فقط على طالبات القرى

بالعكس الاهمال والتكاسل << أفضل تسميه لهذه المشكلة

موجود حتى في المدن

إحبااااااااط لا متناهي ومستويات لغوية متدنية

بالذات في الثانوي لأنه مبدأ التأثير والترغيب صعب تطبيقه معاهمـ

معلمات المواد الأخرى بيعانوا فما بالكـ بالإنجلش

لكن لا تيأسي ولا تحبطي فهذا أول طريق لزيادة المشكلة سوءاً

وضحي لهمـ من البداية أن كل طالبة حتنجح بمجهودها وما في تلخيص

أو تحديد أبداً .. لأنه غالباً هذه محاولات لإجباركـ على النزول عن رغبتهمـ

وجربي الهدايا و المسابقات وكمان لما تبغي تسألي أسأليهمـ بالدور

ومن غير ما يشاركوا فجأة وشوفي ايش حيحصل بعدين

بالتوفيـــــــــــــق يا قمر

**ايزابيلا** · 26-03-2010, 03:07 AM

صدقتي والله
كل هذا محاوله منهم لأني أحدد في الإختبارْ

تدري أحس إني أستسخف نفسي لو سويت لهم مسابقات
لأني جربتها معاهم ولا فاد بجد يقهرووووووون

يوم الإربعاء كـ تغيير أخذتهم لمعمل الحاسب وشغلت الشبكه على عرض بوربوينت
الكل كان يتابع
لاحظتهم متحمسين بس لمّا جيت أسأل نفس الحكايه

/

الله يصبرني عليهم ><

**sosaso** · 26-03-2010, 02:39 PM

حبيبتي ترى عادي والله أنا أدرس ثالث ثانوي من سنتين المهم البنات إللي أدرسهم مايعرفون الحروف تخيلي البنت ماتعرف تكتب إسمها e ومع كذا أنا صابرة عليهم أسألهم في الدرس إللي يمضي ولا طالبة تكلف على نفسها وترفع يدها وكأنه مش من مستواها إنها ترفع يدها أقولهم أعطيكم صفر في المشاركة قالوا لي عاااااااااااااااااااااااا ااااااااااااادي أصلاً نحن نجي المدرسة نغير جو ونتعرف على بنات ونصاااااااااااااااااااااا ااااااااااااااااااااااااح ب بعض وبس والعياذ بالله لا وبعد نسوي ندوة عن الموت والصلاة علشان يتعضون قالوا لنا ترااااااااااااااااااااااا اااااكم إرهابيييييييييييييين مسوينها حركة إرهاب علينا
وبسسسسسسسسسسسسسس وكل ما خفي أعظم البنات عندنا رجال ماهم بنات فقدوا الجانب الأنثوي الله يعينهم على بلوتهم ويشفيهم رب العالمين موت زميلتهم ما أثر فيهم لك الحمد والشكر يارب وش بعد الموت "وكفى بالموت واعظا"

**ايزابيلا** · 26-03-2010, 02:46 PM

يؤ يؤ للدرجه ذي ><

فعلا أحس أنهم يشوفون مو من مستواهم يرفعون يدينهم
تعبت معهم وربي الله يصبرنا على ما بلانا
من جد ما ينفع فمثل حالتنا إلا إننا نقول اللهم أجرنا في مصيبتنا

بس ما رح أخليهم وراهم وراهم لين يتعدلون =)

يا أنا يا هم >> تحدي وعساني أقوى عليهم

**راجية الجنان** · 29-03-2010, 02:06 AM

أنا أدرس نفس مراحلكـ سادس ومتوسط وثالث ثانوي

إحبااااط مو طبيعي

حاولت أعدل فيهم ما قدرت والله ثالث ما يفرقون بين bوd تخيلوا

المشكله المنهج طويل والحصص ماتكفي يعني يبغالكـ ترجعين تدرسيهم الحروف من أول وجديد

محبطه منهم

**M.o_o.N** · 29-03-2010, 03:01 AM

بس حبيت أطل علشان تشملني الدعوة الحلوة ‏:‏)‏

ربي يجازيكم الجنة على كفاحكم وتعبكم وصبركم في تأدية الأمانة
الله لايضيع تعبكم

**English Ranger** · 29-03-2010, 10:24 AM

ايزابيلا

لا شك انك تختاجين الى المزيد من الخبرة و تلكدى ان كل يوك مديد بل كل حصة جديدة تضيف الى خبراتك و تنميها
حاولى ان تتقربى من طالباتك و اجعليهم يحبونك اولا مغ مراعاة ان تكون العلاقة واضحة لهم (معلمة ودودة و طلاب ودوديين) و اعلمى انهم اذا احبوك و تقبلوك سيبدأون بالتفاعل معك
غيرى دائما من طريق الشرح
اشركى الطالبات فى الاعداد و العرض
غيرى مكان الحصة ليس دائما فى الفصل
استخدمى و سائل مختلفة
استخدمى بعض المرح فى الحصة
ابداى الحصة باشياء تهم الطلاب لها علاقة بحياة الطالبات
و الاهم لا تقلقى و اعملى اللى عليك و حتما ستتغير النتائج
و دعواتى لك بالتوفيق
و نتواصل

**ايزابيلا** · 29-03-2010, 09:37 PM

الله يسعدكم =)

راجية الجنان / نفس الشي عندي D,b
مايفرقون بينهم ><

Renoa
هلافيك قلبي الله يسعدك على هالطله
و يخلف تعبنا جميع ^^

/

أنا كل مره أشرح بشكل
في لوحه مسويتها لفصول سادس / والمتوسط
فكرتها مثل لعبة X,O
والمجموعه اللي تفوز أكرمها كل اسبوع
والبنات متحمسين
صح مستواهم مو ذاك الزود بس أحسن من ثالث ثانوي
وأحيان آخذهم لمعمل الحاسب أو على حسب الدرس

أنا مشكلتي مع ثالث
والحمدلله بديت تنفرج ~

بأقولكم وش سويت :

- أول شي تكلمت معاهم عن مستواهم وعن النسب وأنه تراكمي
وذكرتهم أنهم محتاجين ربع الدرجه مو عاد 10 المشاركه

- طبعت كلمة safty Cardعلى بطاقه خضراء
الفصل مقسم لـ 3 مجموعات
وزعت عليهم البطاقات
وفهمتهم الطريقه

عندي أسئله لكل سؤال درجه 4 , 2 , 10 , حسب صعوبة السؤال
وترسمين على السبوره أو في لوحه أو عرض بوربوينت جبل أو أي مربعات طوليه
بحيث كل مجموعه تجاوب تطلع درجه وتختار وحده من المجموعتين و تنزّلهم درجه >> لزيادة الحماس والتنافس
كل مجموعه معها بطاقة أمان
تقدر تستخدمها مره وحده فقط
إما بتغيير السؤال / أو إذا جت المجموعه الفائزه تنزلهم درجه يستخدمونها بأنهم يبقون في مكانهم

[طبعا الفكره منقوله ]

وفعلا شفت تغير ^^

**أستاذة انجليزي** · 30-03-2010, 12:01 AM

والله ياحبيبتي البنات كلهم صاروا كذا سواء بمدن او بقرى
والواقع انهم جايات يلعبون ويتونسون ويكشخون
اما الدراسه الله يعوض اهلهم خير
وهم معترفين بهالشئ
الله يرحمنا برحمته والله احيان اخاف اظلمهم وازيدهم فوق حقهم
واحيان اقول لازم ينقصون بس ماودي اسقط احد عندي والله حنا شايلين همهم اكثر من انفسهم
شنسوي جاهلات والجاهل عدو نفسه
الله يكون بعون الجميع

**hsredrose** · 30-03-2010, 11:35 PM

انا زيك ادرس في قرية ... ومستوى البنات ضعيف جدا ... و معودينهم المعلمات اللي قبلي على التاشير لدرجة انه المعلمه تقولهم مثلا ايش التعبير اللي حيجي في الإختبار ...
الله يعين عليهم ...

**Endless Hope** · 30-03-2010, 11:56 PM

ما شاء الله ايزابيلا
الحمد لله انهم تغيروا

بدأ التحسن نعمة من الله

تابعي اختي ووفقك الله

**مهــا** · 31-03-2010, 12:02 AM

الله يعطيكم العافية جميعاً

تبادل خبرات رائعة جداً

والله يوفق الجميع لما يحبه ويرضاه

..

**ايزابيلا** · 31-03-2010, 12:29 AM

أستاذة أنجليزي :

فعلا يجهلون مصلحة نفسهم بس وش نسوي لازم
نظل وراهم أمانه وصارت بإيدينا

hesrdose
وأنا عانيت من هالشي يعودونهم ع التحديد وبالأخير مستويات متدنيه
بس تبقى الطالبه مثل العجينه نشكلها بإيدنا
واللي فهمته إن المسأله تحتاج صبر !

مس نور
هلا بك يالغلا
والله ما تتخيلي فرحتي
أنهم بدوا يتفاعلون وحسيت في اهتمام

دعواتكم أشتهيها ^^

مها ~
حي هالطله =)

**نوافي** · 01-04-2010, 10:17 PM

كان الله في عون الجميع

**itisover** · 19-02-2013, 01:31 AM

المشاركة الأصلية كتبت بواسطة hsredrose

انا زيك ادرس في قرية ... ومستوى البنات ضعيف جدا ... و معودينهم المعلمات اللي قبلي على التاشير لدرجة انه المعلمه تقولهم مثلا ايش التعبير اللي حيجي في الإختبار ...
الله يعين عليهم ...

ربك يعين نفس الوضع معاي المستوى متدني جدا وياليت البنات مؤدبات كان يمشي الحال
لكن لاأدب ولامستوى رغم أني أدرس ثالث ثانوي ومنهجهم مره حلوووو لكن ايش الفايدة والبنات مايفرقون بين الحروووووف
حاولت الترم الأول أرفع من مستواهم ولاقدرت أماهالترم فأشعر أنه مافيه أمل بالتغيير مطلقا

***عذوب*** · 22-02-2013, 06:38 PM

حتى انا نفس حالتكم ..

أنا أدرس ثاني متوسط واول ثانوي وثالث ثانوي..

ثاني متوسط ياحليلهم يهونون عن الباقي ..

أما أول ثانوي يقولون لي : استاذه ترا حنا مانعرف لانقرأ ولانكتب يعني لاتحرجينا..!!!!!! << احبااااط

ثالث ثانوي لاحياة لمن تنادي لو ايش نسوي معاهم ولو تنقصين من درجاتهم مو هامهم..

الله يعييييييييينا عليهم .. راحوا الطيبين.. كما نخاف ننقص ربع درجه .. هذولي ولاهااامهم ..