النشاط الاصفي للانجليزي

**stylish teacher** · 29-03-2010, 01:39 AM

سلااااااام

كيفكم يااحلى معلمات ؟؟؟

لازم يكون لنا كمعلمات انجليزي بصمة في مدراسنا <<< قوية بصمة

ولازم نسوي نشااااط او نشارك في الحفلات وكذا ،،

فجات في بالي فكرة اننا نتناقش في الموضوع ونفكر وش نجيب نشاااط الافضل انه يكون النشاط باللغة الانجليزية ...

وووش رايكم وش ممكن نسوي ...؟؟؟؟؟

**راجيه رحمه الله** · 29-03-2010, 02:29 AM

اختي فكرة رائعة وافكر بنفس الشئ لكن للاسف لايحضرني اي شئ الان اتمنى دائما اقوم بها

**ليا11** · 29-03-2010, 03:39 AM

روعه الفكرررره

**فوشيا روز** · 29-03-2010, 03:37 PM

الفكره مرة حلوة بس انا سبقتكم
في اسبوع الجنادريه سويت مطويه عن الجنادريه
بس كلها انجلش في انجلش
عجبتهم وارسلوها الرئاسة
يلا فكروا في شي ثاني وانا معاكم لسا قدامنا وقت

**رورو2010** · 29-03-2010, 10:08 PM

سبحاااااان الله نفس تفكيري انا نفسي فيه شي يبقى ذكرى لي بالمدرسه....يااااليت نستفيد من بعض
ومشكورررره عالفكره اختي...

**Portugal** · 30-03-2010, 03:30 AM

بس المشكلة إن المدرسة الصباح يخربون كل اللوحات اللي نحطها العصر !! تخيلوا حتى لوحة الباب كاسرينها هههههه شئ عجيب !!
وأي شئ أنساه بالفصل خلاااص مستحيل أحصله !!

ودي أسوي مجهود و بصمة بس كيف نحميها من العابثين ؟

**بنت دلوعة** · 31-03-2010, 02:57 AM

انا المديرة لها فترة تقول لي عن هالنشاط تبي اسوي شيء مميز وانا توني جديدة مااعرف شيء وقالت لي عن وحدة مدرسة انجليزي راح تسوي نشاط في مدرستها زي الندوة يحضرها معلمات من خارج المدرسة وتشرح فيه طريقتها في الشرح والوسائل اللي تستخدمها لتسهيل الدروس وفهمها على الدارسات وانا تبيني اسوي شيء على هالنمط يعني بحيث يحضرون لي معلمات من خارج المدرسة ويكون النشاط مميز بس انا والله مااعرف في هالسوالف ياليت اللي عندها افكار تفيدنا

**albars** · 31-03-2010, 08:37 AM

السلام عليكم
السنه اللي فاتت كنت ادرس الصباح في قرية من القرى بصراحة انا كنت ادرس في مدارس حافلة بالنشاطات يعني مستحيل تمر مناسبة مانحتفل فيها. في تلك الفترة انتشرت مسالة الاعتداء على حبيبنا محمد صلى الله علية و سلم فاكتفت المدرسة بمحاضرة نايمين فيها البنات. فقررت اعمل شي بارز فعملت اعلام دينماركية و في حصص النشاط الممله طلبت من كل ثلاث طالبات ياخذون علم و يروحون يلصقونها على الارض و اقولهم هذي تكتب لكم حسنات. اول مادق الجرس و طلعوا الطالبات و المعلمات من فصولهم انبهروا من الفكرة وشكرتني المديرة . و صدقوني من بعد هذي الفكرة زاد الحماس و المنافسة.

**فوشيا روز** · 31-03-2010, 03:51 PM

الله يجزاك كل خير البارس ويكتب لك الحسناتفكرة فلته بصراحة

**albars** · 01-04-2010, 09:53 PM

المشاركة الأصلية كتبت بواسطة yam.3

الله يجزاك كل خير البارس ويكتب لك الحسناتفكرة فلته بصراحة

مشكورة حبيبتي Yam 3 ماعليكي زود. و ياريت تعطينا اللي عندك لاني متاكدة ان عندك المزيد

**نسمة حب** · 02-04-2010, 02:46 AM

طيب انا سويت للمدسرة بالعربي كيف عادي ولا لا؟

**stylish teacher** · 03-04-2010, 01:52 AM

اتوقع انه عادي اختي نسمة حب

بس بالانجليزي بيكون مميز اكثر << كمعلمات انجليزي

انا افكر اسوي شي انجليزي ومعه الترجمه عشان الكل يستفيد ....

**فوشيا روز** · 03-04-2010, 12:53 PM

اش المناسبة اللي حتكون في الايام القادمة ان شاء الله
احد يعرف مثلا اسبوع المعلم او اي شي زي كذا اللي عندها اي خبر تقلنا عشان نعرف وش نبتكر

**stylish teacher** · 05-04-2010, 04:12 AM

uuuuuppppp

**asdasd212** · 05-04-2010, 06:53 AM

جزاك الله خير على هذا الجهد الرائع
May Allah reward you

(((لا يزال لسانك رطب بذكر الله)))
(((سبحان الله و بحمده سبحان الله العظيم)))
.................................................. ................................................................ ...............................................
(((Subhan Allah wa behamdeh subhan Allah AlAdeem)))

**سكرره** · 05-04-2010, 09:20 AM

انا العام الماضي سوويت بحفل التخرج شكل قبعة التخرج
وكتبت اذكار بالانجليزي وترجمتها بالعربي محصلتها من النت
للاسف ياليتني مصورتها كان وريتكم اياها مثل ماقلتوا
تركت بصمه واثبت وجود الانجليزي واستانست عليها المديره
وانهبلت عليها الموجهه اللي حضرت الحفل
وبرضوا سويت تعليقة موبايل فيها عبارات عن الاميه من تاليفي

والسنه هذي فرغتني المديره من بقية المواد ماعدا مادة القراءه
لسنه ثالث مع الانجليزي طبعا لاني بمدرسه وحده بس
وخلتني المسؤوله عن النشاط بالمدرسه
ماشاء الله لاحول ولاقوة الا بالله .. راح اكتب لكم شنو سويت
يعلم الله ماهو استعلاء فقط للفائده يمكن تستفيدون
وان شاء الله تلحقون باقي شهرين تقريبا على نهاية السنه

سوويت مجلة حائطيه رووعه وانهبلوا عليها بالعربي طبعا
هذي صورتها ان شاء الله انزلها لكم
وسويت مسابقه ثقافيه
والانشطه الخاصه بالاداره انا اللي اسويها واضبطها
بالمشاركه مع بقية المعلمات
وسوويت مجله ورقيه وغلفتها بالكامل وارفقت معها
سي دي للمجله بالصوت والصوره بالفيديو ميكر وارسلتها المديره للرئاسه
هذي صورتها ان قدرت نزلتها بـ لاب توبي ونزلتها لكم تشوفونها
وسويت عمل فني بمناسبة رجوع سلطان الخير بالسلامه
هذا انهبلت عليه مديرة محو الاميه راقي وشيك لان المديره ارسلته للرئاسه
طبعا سوينا مع المعلمات عن الجنادريه وارسلنا للرئاسه وكانت مشاركتي فيه
بروشات عن الجنادريه بالاضافه لتنسيق الغلاف والملف كله
والحين جالسين نجهز لبرنامج صحتي في ابتسامتي
مابعد رتبنا البرنامج وقلنا راح نستدعي ممرضه من المركز الصحي
القريب من عندنا
لكن ودي اسووي شي بالانجليزي بس مو عارفه الى الان وشو
شرايكم بلوحات ارشاديه بالممرات انجليزي ومترجمه عربي ؟؟؟
لان مدرستنا مافيها لوحات بالانجليزي شكلي بنفذها واتوكل على الله

شكرا لصاحبة الموضوع حلو نتبادل الافكار مع بعض

**فوشيا روز** · 05-04-2010, 04:08 PM

الله يزيدك يارب ومن تقدم لتقدم

**سكرره** · 05-04-2010, 07:15 PM

تسلمين يام
جزاك الله خير

**stylish teacher** · 05-04-2010, 10:07 PM

اثناء بحثي في المواقع وجدت هذه المطوية

ان شاء الله تعجبكم ،،،،

**stylish teacher** · 05-04-2010, 10:09 PM

http://www.saudienglish.net/vb/uploa...1270490644.doc

**كريزما** · 06-04-2010, 11:43 PM

الفكرة حلو بس كيف نطبقها ونخلي لنا بصمة وبالنسبة للارشادات بالانجلش او الادعية انا كنت بسويها السنة اللي طافت وحطها بالممرات بس الادارة الصباحي رفضوا نستخدم الممرات فياليت تجبونا فكرة تكون حلوة في غرفتنا يامحو الاميةلانها الشي الوحيد اللي اقدر استخدمة