درس الالوان......

**ستريت33** · 10-05-2010, 11:03 PM

الله يخليكم بنات عندي درس الالوان وبتحضرلي المشرفة ابي تمهيد حلو للدرس ووسائل وتطبيق يكون حلو افكاركم الله يجزاكم خير

**j o r y** · 10-05-2010, 11:23 PM

كل شي موجود بالمنتدى راح ارفع لك الأفكار والوسائل

بالتوفييييييييق

**ستريت33** · 11-05-2010, 10:10 PM

بس الله يخليك ابغى تمهيد حلو ومميز للدرس

**ملكة بطيبتي** · 13-05-2010, 03:43 AM

ابشري ..انا حضرت لي المشرفه الاسبوع الماضي

ان شاءالله بعلمك وش سويت من البدايه الى النهايه

وخذي مايعجبك ,,وترى الفضل لله ثم لأعضاء هذا المنتدى الشامخ

**ملكة بطيبتي** · 13-05-2010, 04:23 AM

عدنا ...أولا ..أسأل الله أن يفتح عليك ..
بقول لك وش الوسائل اللي استخدمتها ..فلاش كارد ملونه+ عرض بوربوينت طبعاً اخذته من هنا
اخذت معي فواكه ملونه بلاستك طبعاً ..واخذت معي بالونات ..+ لوحتين سويتها ..
المهم / بديت في الدرس بعد حل الواجب للدرس السابق ..
وبديت بالدرس ..أخذت معي علبة ألوان خشبيه ..المهم سألت اش هاذي ؟؟ردوا عليه وقالوا الوان بالعربي
وقمت قلت بالعربي الوان لكن بالانجليزي نسميها ........الخ
بعد ذلك بينت لهم انا بناخذ 6 الوان ..
وبديت اعرض لهم الفواكه ..مثلا تفاحه ..وسألت اش هذي وش لونها............الخ الى ان توصلت للون
ونفس الشئ البالون الاحمر وبعد ذلك استخدم الفلاش كارد ثم العرض< البوربوينت> طبعا مثل ماقلت لك أخذته من هنا
..
طبعا بعد مااكتب الكلمه على السبوره ..
اعرض عليهم لوحه فيها 6 صور ..كل صور لون ..أسألهم وش الصوره التي تحمل اللون الاحمر ....وهكذا؟
مثلا يقولون الكتاب ..بعدها اطلع أي وحده وتكتب اللون تحت الصوره ..وهكذا لجميع الالوان الى نهايه الالوان 6
طبعا انا مسويه لوحه تعزيزيه..قسمتهم فريقين ..وكل ماجاوب فريق يأخذ علامه ..طبعا من بدايه الحصه الى النهايه ..الى ان فاز فريق وعطيتهم هدايا
وسويتها على اشكال ملونه طلعت جذابه ..
بعد ذلك ..سويت لهم تطبيقين ..وزعت الاول ..ويوم شفت باقي وقت ..عطيتهم الثاني ..
وبعده فتحت الكتاب وآخر شئ ذكرت الجانب الديني
ذكرت لهم آيات ذكرت في القرآن ذكر الله فيها الالوان } بقرة صفراء فاقع لونها تسر الناظرين { وقوله }ومن الجبال جدد بيضوحمر مختلف ألوانها وغرابيب سود{
وذكرت ان الله رزقنا بالعين لنبصر بها كل شئ ..نبصر بها الالوان والشمس والقمر والورود وغيرها فيجب ان لانستخدمها الا فيما يرضي الله عزوجل ..
بعدها كتبت الواجب على السبوررره ..وبس ..
لاكنت حاطه في بالي بسألهم عن لون لبسهم وش لونه كاللون اضافي يحفظونه ونسبت ولا سألت الا بعد خروج المشرفه
انا بصراااحه ماامدح اللي عندي شاطرين ماشاءالله ومتحمسين مره لان اغلبهم بنااااااااااااااااااات ,,وماعندي الا قليل كبيرات وان كانوا كبيرات ماشاءالله عليهم والله شاطرين

يالله ..ياقلبي..أسأل الله أن يوفقك ويفتح عليك ..واذا جاتك المشرفه علميني وش سويت ..

ان شاءالله بنزل لك رابط البوربوينت مع التطبيق والفلاش كارد

**ستريت33** · 13-05-2010, 10:10 PM

الله يوفقك ويشرح صدرك ماقصرتي عرض رائع لكن للاسف دائما كذا المشرفة توهقني خاصة اذا كان الدرس سهل خلاص اجلته يعني ماراح تجيني في هذا الدرس حسافة يله الحمدلله