والله محتــــــــــااااارة

**damdoom** · 18-05-2010, 09:19 PM

السلام عليكم و رحمة الله و بركاته

بصراحه يا بنات انا محتارة.. عندي طالبتين مدري كيف اقيمهم .. هو الفصل اصلا كله 4 طالبات بس ثنتين اعتذروا و بكذا صارو ثنتين.. المهم انه هالطالبتين وحده منهم عندها ظروف و تشوفينها بالفصل محتارة و مشغول فكرها و الثاني تواجه صعوبة بالمادة و تحاول لكنها تنسي كثير.. و هم مايذاكرون بالبيت ابدا و اذا قلتلهم ذاكروا عندكم تقييم يجون الحصه الجاية مو مذاكرين.. و بكذا صرت اعتمد علي تقييمهم في الحصة نفسها ... اشرحلهم و نكرر الكلمات بعدين اعطيهم اوراق العمل و الطالبة الي عندها ظروف تحل ممتاز اما الثانية الي تنسي اقعد ساعة اساعدها.. و الي صعب علي زيادة انهم يبون التقييم في 15-6 و مايمديني اصلا اخلص المنهج .. و صرت اضغطهم ياحرام.. وش رايكم وش احطلهم في التقييم و الله محتارة

ساعدوني جزاكم الله خير

Don’t Be Sad · 18-05-2010, 09:34 PM

مرحبا

الله يعينك حبيبتي...

ما فيها شي انك تساعدينهم ...وحاولي معاهم اكثر من مره ...

وبأذن الله بيمشون ...لو حلوا غلط عيدي لهم مره واثنين وثلاثه لحد ما يتقنوا ...والشي اللي يحلوه اخر شي اكتبيه فتقييمهم..

وبالنسبه للوقت اي وقت تلاقي فراغ اديهم حصه او تقييم...

يا حليلك ثنتين دوخوك انا ادرس فثلاث مدارس ودارساتي....عددهم 26

شكلي باخلص هذي السنه وبسيب الوظيفه ...

قلت اقولك مشكتي عشان تهون عليك مشكلتك..

موفقه ياقمر ...

**damdoom** · 18-05-2010, 09:54 PM

هلا حبيبتي ,,, مشكورة و تسلمين علي المرور... انا كمان منتدبة في مدرسة ثانية يعني مو هم لحالهم دارساتي .. و المشكله انه ماقدر اخذ حصص فراغ لانه ماجيهم الا يومين في السبوع