وصلنا الدليل الأرشادي 1431 بس فيه أخطاء

**لن أنساك ياأبي** · 23-05-2010, 04:52 PM

مرحبا باأنجليزيين والأنجليزيات
مسااااااااااااكم فل
وصلنا اليوم من إدارة التعليم بالقصيم جدول المواصفات وتحليل المحتوى حق كل سنه مكككككككككرر
بس اللي أختلف هو الدليل الأرشادي 2ث و 3ث
أختلف ترتيب الأسئله
وتوزيع الدرجات فيه أخطاء وااااضحه
يعني صار السؤال الأخير قواعد والثاني مهارات الكتابة والأول تعبير المهم حااااايسين الدنيا على بعضه .... أنا عن نفسي بعد مشاورة مشرفتي أبكتب الأختبار زي الترتيب السابق ونفس التوزيع
سؤالي
مدري هل كل الأدارات مثلنا أم لا ؟
اللي عنه خبر يردلنا مع فائق الشكر

**ام مشمشة** · 23-05-2010, 06:58 PM

نفس اللي وصلنا بالضبط

ماعجبني حاااااااااايس بالمررررررررة

عادي امشي ع نفس التوزيع بس اغير ترتيب الاسئلة يعني امشي ع ترتيب العام؟؟

**ta3ziz** · 23-05-2010, 07:08 PM

طيب ممكن الله يجزاكم خير تنزلون النموذج اللي وصلكم بالمنتدى لان مدرستي لسى ماوصلها
النموذج الجديد وعلى بال مايوصل يبي له وقت
لاتبخلون علينا الله يسعدكم

**غُـربــ وطن ـة** · 23-05-2010, 07:10 PM

إحنا كمان نفس الشىء !!

و أناااااا مقرررره من الأول أمشي على النموذج الإرشااادي تبع السنه الماضيه ...

حلو و تنظيمه صح ,

و حتى لو لا حظت سؤاال الكتابه مختصر جدا ،، وكل فقره نصف درجه ,, بينما العام الماضي

كان 3 فقرااااااااااااات ...

و زاد الطين بلهـ إنو ما عندنا مشرفه ....

بس زي ما قلت لك نموذج السنه الماضيه أعديت الأسلئه تبعاً له .....

~~ حبي و إحترامي ~~

**كلي غير** · 23-05-2010, 10:59 PM

السلام عليكم ورحمه اللة انا نفسكم وصلني ممكن الايجابية الوحيده هي القرامر بالاخير علشان تخلص الطالبه من تدوين ما حفضت من كلمات والكتابة والتعبير بعدها تفضى للتفكير لكن التوزيع مررره حايس وبصراحه حق العام رووعة التنضيم بتوزيع الدرجات وعدد الفقرات معقوله لكن ذا الجديد كثيير مرة لكن اذا مشيت على نضام العام يضرني ولا لأ؟

**Prime Rose** · 23-05-2010, 11:21 PM

هلا فيكم..

النموذج الإرشادي يختلف هذا العام عن الأعوام السابقة من حيث ترتيب الأسئلة.. وبعض توزيع الدرجات..

وهو مشابه لما كان متبع سابقاً عند البنين..

لكنه لا يحتاج كل هذا التذمر..

فمثل ماتعودنا على القديم..

سنعتاد الجديد .. ونألفه!

:)

هذا رابط الجدول الجديد..

http://www.saudienglish.net/vb/showthread.php?t=72232

هدو أنفسكم..

وحاولوا تتقبلوا الجديد..

موفقين

**درر شاعر** · 24-05-2010, 02:13 AM

وصلتنا رساله من الموجهة تقول فيها انا نكتب الاسئله على حسب التوزيع القديم لان الجديد فيه اخطاء

**Cinderella** · 24-05-2010, 09:53 PM

القديم نحن نتبعه وتبعته المعلمات من قبلنا
الجديد اعجبني من ناحيه توزيع الدرجات
خاصه تقليل درجات التعبير
وزياده درجات القرامر والوورد ستدي

**Miss_Noura** · 24-05-2010, 09:59 PM

بسبب كثرت الاخطاء اللي فيه .. تم الغاء الجديد و راح نمشي ع السابق >>>> هذي اوامر موجهتي :)

**ليالي 44** · 25-05-2010, 12:00 PM

وصلنا .. توزيع الدرجات عجبني .. بس الترتيب مو اوكى ,,, يمكن لان ماتعودنا عليه ..ومن ناحية المشرفه ماابي اتصل فيها واسئلها .. اخااف تجي وتوريني خشتها وتطلع الاول والتاالي ...

**قلب انثى** · 25-05-2010, 09:06 PM

مشرفتي طلبت امشي ع النظام القديم ... لانه الجديد كله اخطاء

**همسات** · 25-05-2010, 09:54 PM

هل نقد النماذج الإرشادية مهمة المعلمات والا المشرفات؟
مشرفتنا اتصلت وقالت شوفي النموذج واي نقد قوليلي عليه

من يوم بدأت حكاية النماذج مااتبعتها اللهم الا في قليل من النقاط
خير هالتخبط اللي احنا فيه!!

**لن أنساك ياأبي** · 25-05-2010, 11:03 PM

بنمشي على القديم والله يوفق الجميع

**Prime Rose** · 25-05-2010, 11:07 PM

أي أخطاء تقصدون؟

**Noufah** · 26-05-2010, 02:55 PM

الغريب أن الكلام يصدر من معلمات (أين الأخطاء في النموذج) لا يوجد فيه أخطاء واذا تعتبرون تقدم بعض المهارات عن الأخرى أنها أخطاء فهذي ليست أخطاء ولا تغير من نمط الاسئلة وإتزانها هداكم الله أرجو عدم التسرع في حتى لا تبي زميلتك الجديدة على المنهج أحكامها وتكون في غير مكانها

**Prime Rose** · 28-05-2010, 11:17 AM

هلا فيك نوفه..

فعلاً أنا أطلعت على النموذج الإرشادي.. وماشفت أخطاء!

ولهذا السبب سألت.. وين الأخطاء؟

مشكلتنا.. تمسكنا بالقديم.. ورفضنا لأي جديد..

مع إن الجديد.. لا يختلف كثيراً ..

ترتيب بعض الفقرات.. وتوزيع بعض الدرجات..

هذا التغيير ليس بالأمر الشاق او المحير!!

يعين الله

وووبس!

**ايزابيلا** · 28-05-2010, 08:33 PM

تصدقون حبيت الجديد مررره لكن المشرفه قالت امشوا ع القديم ><

**azo0oz587** · 29-05-2010, 09:21 AM

لاشفت النموذج ولا راح اطالع فيه
المهم امشوا على القديم
والله ولي التوفيق

**ميرنا** · 30-05-2010, 01:57 AM

ليش متذمرين عادي الجديد

بالعكس درجات البنات تطير في التعبير مساكين خليها بس 4
وترتيب الاسئله كل ماله ترتيب لا يقدم ولا ياخر
خلي البنات يحلون الاسهل فالاصعب

**رمز الحياة** · 30-05-2010, 02:04 PM

مرحبا هل صحيح توزيع الدرجات مختلف وان التعبير عليه 4 درجات فقط طيب وين راحت الدرجتين كيف توزيع الدرجات احد يقول لنا

ولكم جزيل الشكر

**ta3ziz** · 01-06-2010, 01:52 AM

اللي تسأل عن توزيع الدرجات هو زي ماقالوا الاخوات
والدرجتين اللي اخذوها من التعبير حطوها للفوكاب والقرامر

**هدوء القمر 5** · 03-06-2010, 01:43 PM

النموذج الإرشادي الجديد سهل وواضح

وتوزيعه مريح وما أشوف فيه أي مشكله

وليه التذمر من بعض المعلمات والمشرفات ؟؟

بالعكس هذا في صالح الطالبات لأنه خفف عنهم درجات التعبير بدل ما كانت 7 أو 6 درجات

أصبحت 4 درجات فقط

أرجو منكن عدم التذمر و الأخذ بكل ماهو مفيد للصالح العام

أنا مشيت عليه وبالعكس سهل جدا"

**معلم& متعلم** · 03-06-2010, 11:01 PM

المعلمات يكسرن الخاطر اي قرار تطبقنه بحذافيره

بالنسبه لقرار جدول المواصفات غير مدروس وماني مقتنع فيه

لو تسأل اللي نزل هالقرار ليش مثلآ التعبير عليه 5 او 4 او6 او ... درجات
وليش المحادثه عليها 2 أو 3 او... درجات
ليش ماتكون المحادثه 5 درجات والقطعه 4 درجات
وباقي الاسئله ليه الدرجات محدده وموزعه بالتحديد

وش الخطاء لو اوزع الدرجات او اغير نوع الاسئله من نفسي؟؟؟

مارح احد يقنعك بإجابه علميه

انا عن نفسي احط اسئله حسب مزاجي وحسب مستوى وإمكانيات طلابي

لي 3 سنوات ماطبقت جدول المواصفات بأي اسئله مع انها ترفع للاشراف لآن كلها شكليات وإعلام فقط

لآ تتعبو انفسكم مع جدول المواصفات

**أستاذة انجليزي** · 04-06-2010, 06:55 PM

هو الموضوع مافيه من الخطأ شئ بس المسأله مسألة انو المعلمين والمعلمات رتعودوا على النظام القديم
وانهم راح يحطو نفس الاختبار بس مجرد يغيروا الديباجه(الترويسه) عشان يسهلون على انفسهم ويختصرون التعب
وبالنسبه للتوزيع الجديد صحيح ولافيه خطأ بس مجرد تغيير
وبالتوفيق للمعلمين والمعلمات والطلاب والطالبات

**بعيد المرامي** · 06-06-2010, 02:17 AM

والله انتو غريبين شوي

اخطاء اخطاء

هذا نفس التوزيع حق الطلاب وبالعكس يعتبر شامل

وتوزيع الدرجات مقنن و ما فيه اي خلل

هو التغيير الوحيد اللى صار فقط فى الترتيب , القواعد والكلمات اخذت مكان بعضها