ابي ابداعاتكم في حفلة تخرجي اللي بسويها بمكة

**لغة العيون** · 17-06-2010, 03:39 AM

اولا السلااااااااااااام عليكم يااعضاء هالمنتدى الرائع
^^
^^
^^
^^
^^
^^
^^
^^
^^
^^
ثانيا اشكركم على مباركتي بالنجاح في موضوعي في مجتمع سعودي انجلش
ثالثا ابي ابداعاتكم وافكاركم وارائكم في حفلة تخرجي اللي بسويها عند اهلي بمكة
ابيكم تكتبون لي اقتراحات اعملها بالحفلة
والاكل اللي بسوية وش احسن بوفيه او ذبيحة
وهل اعمل دف او اكتفي بالكاسيت
وهل اعملها بالبيت او استراحة علما بان بيت اهلي كبير جدا وحلو
ارجوكم لا تخيبوا ظني فيكم والله اني احب هالمنتدى واعضاءه الكرااااااااااااام

**سماهاي** · 17-06-2010, 07:15 AM

حياك يا غالية

و الف مبروووووك للمرة امليون

ربي يوفقك

كان ودي افيدك

بس انا مالي والله في الحفلات و استعدادتها

لأني بسيطة بطبعي و ما احب الصخب

يعني انا مكانك اسوي عزومة بسيطة تقتصر على الأهل المقربين جدا فقط

و مافيه مانع من بعض مظاهر الاحتفال مثل كاسيت اناشيد مثلا

لأن المبالغة لا بد ان تستلزم الاسراف ...

طبعا هذي وجهة نظري الخاصة

و ربي يوفقك و يمتعك بحفلتك مقدما و بحياتك كلها بالصحة و العافية

**الواثقة بالله** · 17-06-2010, 07:25 AM

ذكرتيني
اليوم حفلة اولاد اختي
بتلبس كل وحده فينا شخصية
معينة يعني زي الحفلة التنكرية
واتفقنا مع مطعم للأكل والكيكه
واناشيد طبعا
وبلونات
وهدايا
وشكولاته مكتوب فيها اسماءهم

اذا تبغي تعزمي صحباتك
انصحك تسويها في استراحة

بالتوفيق

**لغة العيون** · 17-06-2010, 05:37 PM

مشكورين على الرد انا مااقدر اعزم صحباتي لاني عند اهلي واهلي ساكنين بمنطقة غير المنطقة اللي انا درست بها الجامعة
انا وزوجي بمنطقة ثانية غير مكة اللي فيها اهلي واقربائي
يعني انا بعزم اهلي فقط ماعندي زميلات بمكة لان دراستي كلها عند زوجي

**BloumagrieT** · 18-06-2010, 08:49 AM

السلام عليكم ورحمة الله وبركاته

لغة العيون

أولاً اسمحي لي نقلت موضوعكـ للقسم الأكثر مناسبة

ثانياً بالنسبة للحفلة إذا تبغي تبسطي أعزمي الكل

اذا تقدري تعملي زفة تخرج و فيديو كليب

يحكي حياتكـ المدرسية وفيها صور لشهاداتكـ

وصوركـ من لما كنت في الابتدائي لحد التخرج

اذا تقدري تدخلي في كمان تهاني وتبريكات العائلة الكريمة

ابوكـ و أمكـ و زوجكـ وأخواتكـ كإهداءات راح يكون روووعة

إذا محتارة في تنسيق حفلتكـ اتفقي مع منسقة حفلات وهي

تتكفل بكل شيء وبالتوفيـــــــــــــق يا قمرة

**لغة العيون** · 20-06-2010, 01:07 AM

مشكورين ياقلبي

**فـيصـل** · 20-06-2010, 02:04 AM

الف مليون مبروك..

بالنسبة للحفله بما اني خبير في الشغلات هذي..

لدرجه اني في ترتة التخرج وديتهم بنفسي للمحل واشتروها قدامي

ههههه مافيه اي مفاجاه..عاد وش اسوي ما احد راح يشتري لي

المهم...اول شيء بما ان بيتكم كبير وحلو ما شاء الله

انصحك بأن تضعين على الزوايه حقت الباب ..عباره ترحيبيه..

ولمن يدخلوا الحريم الصاله...يطلع لهم صوت على طول..

مثلا نشيد غريبه مرت الايام....

وعاد في وقت دخولهم تحاولي مسرعه ان ترحبي بهم وتخليهم يحطوا عباياتهم في المكان المناسب...وبعد كذا يجي وقت...الحلا..

واقترح يكون الحلى على شكل قاتووو....وفيه كلام ترحيبي...

صديقني المعازيم ما راح ينسوا هالحفله...وان شاء الله تستانسوا جميع..

**لغة العيون** · 20-06-2010, 09:37 AM

تسلم يافيصل على هالابداع
والله استفدت منك
مشكور وماتقصر

**♥ Ĺ Ổ ś Ŧ** · 20-06-2010, 10:41 AM

الاحسن المكان يكون ع حسب المعازيم واذا اقاربك البيت
اممم
ممكن هدية مثل اللي بالملكة والاعراس تلاقيها عند اصحاب محلات الافراح يزبطوها لك
ومغلفة وكل شئ
الثاني العشا لازم مرتب
الحلاا لابد منه
العصيرات الشاي القهوة
والمعجنات
والبقلاوة مع القهوة

بس الاهم يكون مثل ما قلت لك اول شئ انا في المناسبات اجيبها لاهلي يقدموها للحريم يمرون وكل وحده تاخذ وحده وخاصة العيد

وبس

**دروب البنفسج** · 20-06-2010, 10:59 AM

اختي

متى حفل التخلاج بالضبط

عشان الحين (((( عندي اختبارات لإني بثالث ثانوي**

عندي افكار كثيررررررررررررررة لحفلات التخرج وحلوة

و إن شاء الله اكتبها لك بعد الإختبارات مباشرة ((الإربعاء 30_6_2010))

و شكرا

أختك: دروب البنفسج

**دروب البنفسج** · 20-06-2010, 11:01 AM

المشاركة الأصلية كتبت بواسطة دروب البنفسج

اختي

متى حفل التخلاج بالضبط

عشان الحين (((( عندي اختبارات لإني بثالث ثانوي**

عندي افكار كثيررررررررررررررة لحفلات التخرج وحلوة

و إن شاء الله اكتبها لك بعد الإختبارات مباشرة ((الإربعاء 30_6_2010))

و شكرا

أختك: دروب البنفسج

عفوا خطأ : التخرج

**لغة العيون** · 20-06-2010, 12:57 PM

ياقلبي يادروب البنفسج
لا ياعيوني اختباراتك اهم من حفلتي
مو مشكلة
انا ابسويها بعد اسبوع ونص من اليوم
والله ياقلبي عادي مقدرتك ذاكري زين ولا تهمي شي
اختباراتك اولى
-------------------

**غمــــــوض** · 21-06-2010, 09:10 AM

مبروك ..لغة العيون ..

..وبنسبه للحفله اقترح عليك تلبسي ثوب مميز يعني تكوني مميزه عن باقي الحظور..

..وكمان الهدايه الي توزعيها يكون مكتوب عليها اسمك ..

..ولو تعمليه دف احسن احسو وناسه..

وبتوفيق يا غاليه ..