موضوع مهم جدا جدا

**Rosy World** · 02-02-2006, 09:56 AM

السلام عليكم ورحمة الله وبركاته
كيف درجات الطلاب معاكم انا نسبة الرسوب عندي كبيرة مره رغم سهولة الاسئلة ووضوحها لكن كان الاختبار اخر يوم رغم معارضتي اضافة على ذلك صعوبة المنهج حتى لو نحاول نبسطه المهم ياليت تجاوبوني بصراحة كيف نتائج الطلاب معاكم؟من جد زعلت على النتائج المخيبة للامال حتى ان بعض الطلاب قالوا لي والله يااستاذ مافتحنا الكتاب مالنا نفس نذاكر!!!

**nosa** · 02-02-2006, 10:12 AM

اختي الكريمة
الحمدلله درجات طالباتنا جيدة جدا
اكيد المشكلة في طالباتك
ممكن ماذاكرو كويس واستسهلو المادة
كم نسبة النجاح عندك

**Prime Rose** · 02-02-2006, 10:29 AM

مرحبا

بالنسبه لنتيجه طالباتي فكانت كما هو متوقع !!

فيه طالبات أخذوا درجات عاليه..

وأخريات نسبتهم متوسطة..

ومجموعه رسبوا..

لكن مافيه ولا طالبه حزنت ((أنا كمعلمه))على درجتها أو حسيت انها ليست ملائمة لمستواها..

لا يضيق صدرك ..ولاتهتم.. وإنت بنفسك شوف كيفها نتايجهم.. إذا هي متفاوتة فامتحانك ماعليه كلام وقاس الفروق الفرديه بينهم..

أما إذا كلها عاليه أو كلها متدنيه فالعيب هنا فالامتحان..

وووبس

**زهرة وفى** · 02-02-2006, 12:36 PM

الحمد لله كانت حلوووووووووووه من بعض البنات

وبعضهم احلى ةاحلى لانهم واعدوني انهم راح يتغيرون

(لان الامتحان الشهري مسكت كل ورقة بنت والبنت نفسها وقعدت اناقشها فيها
ليه ماسوت كذا وليه ماسوت
برغم وربي بنات بكوا قدامي ..برغم اني شوي قاسيه عليهم بس لمصلحتهم
وحاولت اقول اني صلحت الامتحان وبسطته لكم واني مساعدتكم
وسهلت التصحيح بس خيبتوا ظني
لما حسوا فيني قالوا نوعدك وربي اني مبسوطه منهم خاصه البنات اللي حسوا
اما بعض البنات

لاحياة لمن تنادي ممكن خمس او ست من 57 طالبه
وعندي الترم الثاني
ان شاء الله لي معهم وقفه :)

**JOOD_2003** · 06-02-2006, 01:43 AM

بصراحة توقعت نتائج سيئة او نسبة رسوب عالية لكن الحمد لله مجموعة جابوا درجات عالية و قله من نقصوا عن درجة النجاج اللي هي بس 20 درجة و الله حتى التعبانة تقدر تجيبها واذا ماجابتها الترم الاول تقدر تلحق نفسها الترم الثاني او يتجاوزون عنها في المادة و تطلع وهي ماهي دارية عن شي
ابي رايكم في هذي النقطة اللي سببت استهتار الكثير بالمادة؟؟؟؟؟؟؟؟؟؟؟؟؟؟؟

**sunlight44** · 06-02-2006, 08:17 PM

أقول وبالله التوفيق:
أنا مثلك ياروزي وورد
الإمتحان مثل وجيههم وكل ماصححت ورقة أصرخ بصوت عالي هل أنا شارحة ؟شككت بنفسي ؟؟ماضاق صدري إلا إني مثل الطير طوال الترم من فصل لفصل وحصص اضافية وتمارين ووووووووووووو..............الخ
طبعاً هذا بالنسبة لمرحلة ثالث متوسط ومعروف السبب وهوالمنهج الغثيث ومابداخله من نفايات
ورسايكلات ...

**miss. English** · 09-02-2006, 06:17 AM

عندي طالبه وحده راسبه
واجبروني ارفعها !
عادة انا مااحب ارسب احد
بس مدري ليه احاسيسي تخدرت هالترم وكنت ابي راسبات اكثر بس للاسف
نجحوا كلهم حتى اللي قعدت اطاردهم واترجاهم يحفظون الحروف!!
سبحان الله نظام تجاوز بالنتائج غبي جدا
خسارة وقتنا في الاختبارات بس
ليتهم يوفرون الوقت والورق والكلافه ع الفاضي وينجحون الكل من الاول

**hmd575** · 10-02-2006, 03:20 AM

عادي .. عادي
النتائج زي كل فصل أول ( سيئة ) وهذا الفصل ( أسوأ ) لما يتخلله من اجازات مشتته
و أنا أقول عاااادي لأني متعود على مثل هذي النتائج و بصراحة ما ظلمت أحد و أعطيتهم أكثر من حقهم
و أنا أقول أحسن كذا عشان يجتهدوا الفصل الثاني وما يقولوا إحنا يا أستاذ ناجحين و يحطوا رجل على رجل

**Rosy World** · 12-02-2006, 01:01 AM

صدقت يااخ hmd575 اليوم حسيت ان الطلاب مهتمين ومتحمسين للمشاركة والشغل لانهم حسوا بنتيجت اهمالهم الله يعين

**الغاليه** · 12-02-2006, 04:22 PM

كلهم نجحوا بس بدرجات مقبوله أغلبها:(

الشكوى لله...

يعطيك العافيه اخوي...

**اليتيم** · 16-02-2006, 03:24 AM

الحمدلله الدرجات متفاوته وكل واحد درجته بمستواه ولكن إحنا لازم نوضح للطلاب كيف سيكون الإختبار وينقسم إلى كم قسم ويا ليت نعمل لهم إختبار تجريبي حتى ولو من فقرة فقرة وبعد ذللك نحدد لهم من كل قسم مجموعة كالقطع نحدد لهم ثلاث قطع مثلا ونقول لهم تجيكم منها وحدة وهكذا ونرتاح من المشاكل ويبدأ كل واحد منهم يهتم ويعرف ايش يذاكر ولا يصاب بالإحباط

تحياتي للجميع