معلمات اللغة الانجليزية احتاج مساعدتكم

**رفيعة مقام** · 04-10-2010, 03:24 AM

السلام عليكم و رحمة الله

انا طالبة ماجستير و حاليا" اعمل على بحثي عن التقويم و المستمر و مادة اللغة الانجليزبة للصف السادس ... و ارجوووووكم لاتنقلون موضوعي لان بحاجه لاخواتي معلمات اللغه الانجليزيه للصف السادس

ما راح اطول عليكم .... بس حبيت استشيركم
انا حاليا قاعده اسوي استبيان عن التقويم المستمر في تعليم اللغة الانجليزيه و فكرت ان اسويه الكترونيا يعني اسوي الاستبيان بموقع يكون مختص بالاستبانات و احط الرابط هنا بحيث اي معلمة لغة انجليزيه للصف السادس تدخل الرابط و تعبي الاستبانه ... طبعا الطريقه هذي راح تكون جدا مريحه بالنسبه لي بس فكرت في احتمالية انهم يسألوني بالمناقشه ليه سويتي كذا و كيف تضمنين ان الي عبى الاستبانه معلمه يمكن يكون معلم او معلمه لم تدرس منهج الصف السادس وووو فما بغيت ادخل نفسي بهالمعمعه ... و انا ابي حول ال 40 او 30 معلمه بالرياض

وش رايكم وش اسوي عشان اوزع الاستبانه ما ابي الاشراف يوزعها لي لاني اخاف يطولون علي...

ابي فزعتكم الله يخليكم بليييييييييز و خذوا اجر مساعدة طالبة علم

**nice ice** · 04-10-2010, 03:31 AM

حيااااااااااااك الله يا رفيعة المقااااااام الله يوفقك بالماجستير

أنا أقترح عليك مجرد اقتراح انك تتصلين على معلمات تعرفينهم وتثقين فيهم ويعبون لك نموذج الاستبانه اللي سويتيه بحيث يكون فيه حقول لاسم المعلمة واسم الابتدائية اللي تدرس فيها وتكون مهمة الاشراف مصادقة بيانات المدارس فقط علشان يكون كل شي موثق

واسأل الله العظيم لك التوفيق

**أم جموون** · 04-10-2010, 11:07 AM

طيب ارسلي الاستبانة لمعلمات عبر البريد الاليكتروني ويعبونها وتصادق عليها امديرة وترسل لك..
واسأل الله لك التوفيق

**bigevil** · 04-10-2010, 02:59 PM

انا عندي استباانه عن منهج صف سادس ارسلتها لى معلمه العاام الماضي او باحثه ..

اذا تبغينها ارسلها لك تستفيدين منها .. هي استبانه من جامعه الملك سعود على ما اعتقد ..

اذا تبغينها قولى لى ..

**الحور** · 04-10-2010, 10:33 PM

وينكم ماصار تجمع 101 مشاهده والا يقارن بردود

بانتظاركم

**وناسه** · 04-10-2010, 11:18 PM

الله يوفقك وانا مع nice ice انك توزيعنها على ناس تعرفينهم او تثيقين بهن علشان هذا مو اي كلام حبيتي

**bsma-eb** · 05-10-2010, 08:33 PM

انا معلمة انجليزي سادس لمدة خمس سنوات وابشري بالمساعدة انا في الشرقية

**أ. دلال الجعيد** · 07-10-2010, 07:08 PM

عزيزتي فكرة الاستبيان تقوم على عدم ضرورة الكشف عن هوية من يقوم بتعبئة الاستبيان

يعني بالتالي لآ تعقدينها على نفسك ،، كل اللي هنآ خصوصآ اللي من مده هم فعلا معلمين و معلمات قد درسوآ هذا المنهج

كل اللي عليكِ انك تضعين الاستبيان هنا في حال ناسبك اقتراحي يعني

وكل ما اطلع عليه معلم او معلمه قاموا بتعبئته و ارساله لكِ برساله خاصه

وهذا طبعا بعد استئذان صاحب الموقع و التنسيق معه في حال كان لديه وجهه نظر أو آلية افضل

وانا تحت امرك غاليتي لو تحبين اساعدك كمان

انا ادرس هالمنهج في جده و اعرف موجهتي طيبه و تقدر تفيدك لو حبيتي

**رفيعة مقام** · 16-10-2010, 10:37 PM

الله يحزاكم كل خير دنيا و اخره ما قصرتوا ابدا
انا الحمدلله خلصت الاستبانه بس باقي احكمها على عدد من المختصين
و اول ما اكون جاهزه راح اتواصل معاكم

جدا جدا جدا مشكورين على مساعدتكم