حقيقة صورة الشاب اللي عذب في القبر

**lulu** · 17-02-2006, 02:43 AM

اخواني و اخواتي اعضاء المنتدى الاعزاء
قبل فتره انتشر بلوتوث فيه صور قيل انها لشاب وان هذا الشاب دفنوه و بعد 3 ساعات استخرجوا الجثه للتشريح و اذا بهم يفاجؤون بالشاب اللي زعموا انه ما يصلي ويسمع اغاني في حاله مزريه وبشعه جدا و بصراحه الصور مخيفه جدا و مرعبه
وكان في الخلفيه احد يعلق و يحذر من المعاصي و من عذاب القبر
الصراحه انا ما صدقت و قلت لزميلاتي اللحين الكفار اللي ما يقولون لا اله الا الله ما شفنا في موتاهم اذا طلعوهم للتشريح مو بس بعد 3 ساعات الا ايام وسنين بهذي الصوره
وهذا مسلم وعاصي يصير فيه كذا
وبعدين للميت حرمه فكيف رضي اللي معتبر نفسه شيخ ويعلق عليه كيف رضي يفضحه بعد ما ستر الله عليه؟
القصه ابدا ما دخلت مزاجي
المهم في جريده الشرق الاوسط قبل كم اسبوع وجدت تكذيب للصور و اتضح انها صوره لبنت اجنبيه احترقت و صار فيها اللي صار
كان تعليق المشائخ على اللي صار ان مثل هذي الحركات و الاكاذيب و المقصود منها تذكير الناس بعذاب القبر لا تصح و القرآن به من الوعيد و التهديد من عذاب القبر ما يكفي
و ان مثل هذي الصور لها اثر عكسي فبدل ما تخوف الناس تجعلهم ييأسون من رحمة الله و رحمة الله واسعه
و المقع الموجود به الصوره بصراحه موقع مرعب ومخيف فيه صور اشنع وارعب من الصور السابقه

**هبله عنقلنزي** · 17-02-2006, 03:08 AM

الصراحه انا سمعت عن هذا البلووث بس ما شفته ولله الحمد

وسمعت في الجواب الكافي من احد المشائخ عدم صحه عذا الكلام

مشكووووووووووووووور عزيزتي

**®ًأم غمازتين ®** · 17-02-2006, 03:17 AM

انا والله شفت البلوتوث بس ماصدقته

حسبت انه حركة من حركات افلامهم

عالعموم مشكورة حبيبتي

والله ينجينا من عذاب القبر

**شمعة غلاي** · 17-02-2006, 03:18 AM

يالله انا خفت وانا ماشفتها شلون اذا شفتها
الله يكفينا عذاب القبر
ورحمه الله واسعه يكفي ان فيه رجل دخل الجنه بسبه كلب سقاه واشياء كثيرره
والله غفوور رحيم الله يرحمنا ويهدينا ويحسن خاتمتنا

**LORA** · 17-02-2006, 04:09 AM

جزاك الله خير على هذا التوضيح
لقد أصابني شك من هذه القصه
وكيف يتعدى على حرمة ميت بعد دفنه؟
ولكن الحمد لله ظهر الزيف
أجارنا الله وأياكم من عذاب القبر
وجعلنا في الألحاد من الآمنين وعند
قيام الأشهاد من أصحاب اليمين..آمين

**Zohoor Mansoor** · 20-02-2006, 11:24 PM

جزاك الله خير

**ميس** · 21-02-2006, 06:32 AM

اللهم أرنا الحق حقاً وارزقنا اتباعه

وارنا الباطل باطلا وارزقنا اجتنابه

مشكوووووووورة لولو

**Abo Lama** · 21-02-2006, 10:37 AM

لولو

حياك الله اختي العزيزة

ماادري ليش صار الكذب وسيلة للنصح عند البعض ويصل الكذب في احيان الى امور قد يكون فيها تعدي على ماورد في الكتاب والسنة

وللاسف يدعى فيها النصح!!

ودائما في امور كهذه يجب ان نسأل عن المصدر ومدى مصداقيته

شاكر لك اختي الكريمه على هذا التنبيه والله يجزاك خير

**Prime Rose** · 21-02-2006, 06:39 PM

في القرآن الكريم تجاوز عدد آايات الترغيب عدد آيات الترهيب بكثير جداً ( لا أذكر العدد تحديداً ) ومع ذلك..مازالت طريقة البعض في الدعوة خاطئة..

شكرا لك لولو..

ويعين الله