يطيح جفن الليـل واهـز كتفـه
نجمٍ يشع وباقـي الليـل مطفـي
واحاكي الجدران عن وصف غرفه
ما تشبه الجدران ويطول وصفـي
وتملني الجدران واظهـر لشرفـه
تحت السما وأسكر الباب خلفـي
ريحٍ تهب وتسكن العظـم رجفـه
وتموت ريح وتسكن اوراق نزفي
على الروابي تهطل دموع وطفـه
وتصب لمع بروقها وسط طرفـي
يا طاري الغدران والعمـر رشفـه
مع قلهـا ياليتهـا يـوم تصفـي
الحب واجد مير الأقـدار صلفـه
والأرض واجد لكن الحلـم منفـى
واللي اعرفه راح ما عاد اعرفـه
ولا ظن يذكرني إلى أقبلت مقفـي
ماهو حبيبي مورد القلـب حتفـه
ولا هو حبيبي يفرح بوقت ضعفي
مر ثمـر هالليـل وأمـر قطفـه
يالحنظل اللي قمت اذوقـه بكفـي
ليت الشوارع تجمع اثنين صدفـه
لا صار شباك المواعيـد مجفـي
يا بنت تو الليـل مـاراح نصفـه
وياليل بعض اللي مضى منك يكفي
<< هذي روووووعة
المفضلات