ياليت الكل يساعدني فعلا محتاجه!!!

[ريان أبها]

السلام عليكم ورحمة الله وبركاته ..... تكفون المشرفه طالبتني بداية كل حصه تقول قبل الدرس اسطر جدول ثلاث خانات الاولى فيها السؤال What do you know ? والثانيه اكتب فيها السؤال What do you Want to know ? والثالثه What did you Learn?
هذي الطريقه تسمى استراتيجية استخدام جداول المعرفه / ياليت تفيدوني لكل دروس ا لصف السادس انا اعتقد ان هذا الجدول لا يطبق على سادس لانهم باقي ما يعرفون يكونون لا سؤال ولا جمله حتى المذكره اللي اعطتني التطبيق فيها على درس Reading عن تلوث البيئه والشرح في المذكره مبني على اساس القراءه وسادس ولا درس عندهم قراءه .... تكفون ساعدوني وهل توافقوني الرأي لا يطبق على منهج سادس ؟ لاني ابغى اذا حضرت المشرفه ارفض تطبيق الجدول اللي عنده اي خلفيه عن الموضوع لا يبخل علينا ؟؟ انتظر ردودكم مع جزيل الشكر

[bigevil]

المشرفين والمشرفات مصابين بمرض يسمى الفلسفه الزائده حتى يثبتون بأى طريقه ممكنه انهم يفهمون اكثر وانهم عباقره زي المسؤولين عندنا فى جميع مراكز الدوله فى الوطن العربي هم اللى يفهمون وباقى الشعوب متخلفه .. والمشرفين مصابين بهذا المرض لان راس مالهم الفلسفه والبربره . ..

الصف السادس المطلوب من الطالب نهايه العام انه يقرأ جمل صحيحه ويكتب جمل صحيحه ويركب جمل صحيحه .. والاسئله اللى ذكرتيها نشرحها فى المتوسط وثانيه متوسط كمان لانها بإستخدام do ...... وبالصف السادس عندهم الفعل to be فقط .. قوليلها تبطل بربره ولا عليك منها .. ولا تقدر تسويلك شي .. ..بس انتم الحريم معروفين عندكم فوبيا ورعب شديده من المشرفه والمديره لدرجه الظاهر انكم توسوسون حتى فى بيوتكم وهذا واضح تمام فى المواضيع اللى تنزلونها فى المنتديات ..

الله يعينك ... اعطيها كتاب الطالب وقوليها طلعيلى درس do وكمان طلعي لى الماضي منها did وبعدين الماضي ما ادرسه طلابي الا فى الصف الثاني متوسط .. واذا المشرفه قدرت تطلعه من الكتاب قولى الان راح اسوي اللى تبغينه ..

واذا تبغين تحرجينها صح قولى هاتى تعميم يقول انى لازم اشرح بطريقه استخدام جداول المعرفه وانا استخدمها ... واذا مافى شي رسمي انا آسفه

الله يعينك .. هذه وجهة نظري وانت بكيفك

[كيف انساك]

الله المستعان

[دانـا]

اهلين اختي
خبريها ان الفكرة مب واضحة ماوصلت لك يعني
واطلبي منها تعطيك تطبيق ع درس من سادس وياحبذا تحط لك الوقت المستغرق في تطبيق هذه الجداول لان سادس بس حصتين وماتكفي للمهارات الاربع ناهيك عن اتقنت ومااتقنت والتشخيصي والعلاجي والمنهج الجامد السهل الممتنع
(قطي الهم عليها عشان تحس بصعوبة كلامها )
اذا تعرف خير وبركة وعلمينا بعد
واذا ماتعرف راح تعفيك من الموضوع وصلي لها هذي الفكرة ( انا ابدع واخلص بافكار ممكنة و واضحة لكني هذي جديدة ومن عندك فعليك انتي توضحينها عشان تصير ممكنه وواضحة)

[ريان أبها]

الهي يسعدكم ويفرجها عليكم بصراحه ردكم ريحني كثير والاخ bigevil مع اني اتوقع انه غير اللقب **المهم*** حلو نبهتني لحكاية do و did كذا بعرف ارد عليها والوسواس اللي عندنا لان الأداء بيديهم واي وحده ما تطبق اي شئ كان نزلوا درجاتها حتى لو كانت ممتازه بحجة عدم تقبل الرأي أو النقد عيني عليكم بارده في كل شئ ما خذين حقكم وزياده

[أ. دلال الجعيد]

صحيح كلآم دانا

هذي الاستراتيجيه اصلآ صعب تطبق الآ في دروس reading ف كيف هي تطلبها في دروس منهج سادس اللي كله كلمتين ولآ ثلاث في الدرس الواحد

انتي جيبي لها استراتيجيه غير و خليها تحس انك مهتمه وعندك أفضل وماتبغي تعارضي لمجرد المعارضه او الكسل

الله يوفقك

[ريان أبها]

يشرفني مرورك وردك أ. دلال الف شكر

[الشموخ 9]

اختي الكريمة
احترم رائيك ورائي المشرفة والاخوان والاخوات اللي ردو
من وجهي نظري انة كلام المشرفة هو الصحيح
قولي ليش ؟
لانك اذا ماطبقتي الجدول دا
كانك دخلتي الحصة واخذتي الكرسي وجلستي ولا علمتيهم شي
لابد ان يكون لدى الطالبات خلفية رجعية بسيطة
ثم من خلال تهيئة الدرس يحتاجون الى تعلم شي ما من خلال ادائك بالحصة وتفاعلهم
وبالاخير تقوميهم على اللي كان يعرفو واللي ارادو ان يتعلموة حسب الدرس
وبورقة عمل او اي تقويم لهم تكتشفي وش اللي تعلموة بالحصة

سامحيني بالاطالة

[never mind]

ليتهم يكتبون الحروف عدل علشان ييعبرون عن مشاعرهم بالانجلش

والله ناس رايقه

[احلى حلا]

جزاك الله كل خير وبارك الله فيك