كل مدرسة لديها خبرة ,,تتفضل لمساعده طالبة تربويه ,,

[سعودية للأبد]

السلام عليكم ورحمة الله وبركاته ,,

مثل مو واضح من العنوان أنا طالبه تربويه ,,

وأبدء الأسبوع الجاي تدريس الى جانب دراستي بالجامعه يعني ضغط نفسي من جميع الجوانب بالوقت والجهد و و و

المهم ,,
سألت أستاذه الماده بالمدرسه ونصحتني بهالموقع وأنا محتاره أي تحضير أعتمد لأن راسي لف من كثر التحاضير هذي شغله ,,

الشغله الثانيه كيف يكون ترتيب دفتر التحضير ويكون التحضير باليد ولا ملف وأسحبه من الكمبيوتر والله محتاره اللي عندهم علم بهالشيء ومتأكدين منه يفيدوني لأني طالبه تربويه ولست معلمه وماأدري عن الموجهه وش تبي ,,

والتحضير اذا سحبته من هنا لازم أعدل فيه ولاشلوون <~ بليز ساعدوني وربي شايله هم مو عارفه كيف أتصرف

واذا أعدل وشلون وش الجزئيه اللي أعدلها بالتحضير تعرفون ماعندنا خبره أبد كويس اذا عرفنا نشرح


طلب ثاني وش أكثر المصطلحات اللي تستخدمونها بالكلاس يعني ياليت وحده متمكنه وتكتبها هنا اول بموضوع مستقل لكل التربويات ويكون عنوانها Class Language لأن الدكتوره اللي بالجامعه تقول استخدمو عبارات بسيطه عشان البنات يفهمون عليكم واصلا مستوى البنات عدم جدا جدا ,,

والشيء الثالث شايله هم كيف أقسم وقت الحصه وش اللي أبدء فيه الحصه دخلت أنا على استاذه ثاني وثالث وكل وحده لها طريقه وانا أخاف اجيب العيد هههه <~ أدري مصختها بس تكفون الفزعه أكيد مريتو باللي نمر فيه وكنتو بنفس الحيره قسم اني خايفه ولأول مره أشيل هم شيء كثر التطبيق من جد أمانه وشغله صعبه والله يكون بعونا

واذا حابين تضيفون نصائح لنا من عندكم لا مانع سواء بالتعامل مع الطالبات المراهقات ,,

او بشيء يفيدنا بشرحنا او اي شيء

واذا تذكرت شيء بجيكم مدرعمه هذا مايحضرني حاليا

[ابله منال]

بسم الله الرحمن الرحيم

>>عدلت النظارة وتربعت تبغى تتفلسف عليك

اولا لاتخافين ولا تقلقين الامر ابسط بكثير مما تتخيلين..

اهم شي توكلي على الله واقراي الاذكار المعينه على التذكر وتهدأة النفس


ثانيا: اذا دخلتي عالطالبات تذكري انهم مايعرفون نص اللي تقولينه .. يعني تطمني ما بتلاقين انتقادات كثيرة زي معلمات التخصصات الثانية.. ارطني انقلش وماعليك من اطلق شنبه..

ثالثا: اذا دخلتي اكيد بتكونين متوترة.. طبيعي هالشعور.. بس لاتخلينه يبين للطالبات ابدااااااااااااا.. لايحسون فيه

اخلي بوجه بشوش.. الابتسامة البسيطة تريح نفسك وتريح طالباتك.. بس لاتطولين مبتسمة سوي نفسك هيبة..


ندخل الان للي اهم:

اول حصة تدخلين ...تسلمين وتسألينهم عن حالهم وتعرفينهم بنفسك بالانقلش:

good morning>> how are u girls>> iam ....and i will teach u English for this semester..

التحضير على حسب مديرتك ومشرفتك.. اذا يقبلون التحضير الجاهز من النت اسحبيه وبس.. اذا يبغون تعديل عدلي ..

اهم شي لاتحطين اهداف او وسائل وماتكون متوفرة او ماتطبقينها.. يعني لما تنزلينه من النت افتحي الصفحات وعدلي عليها بحيث الاهداف والخطوات والوسائل تكون هي اللي بتسوينها بدون زيادات.


العبارات الصفية المألوفه:

التحية الصباحية.. good morning

افتحي الكتاب صفحه كذ... open your pupils books on page 22

انظري الى السبورة ... look at the board,please,

افتحي كتاب التمارين open your work books

اين الواجب where is your homework

لدينا واجب we have a homework on the work book on page 22

تعالي هنا come here,please

ارجعي مكانك go back please,

من تقرأ who will read

اجيبي عالاسئلة answer the questions

عبارات التشجيع والتنبيه

احسنت well done....... goood....

ممتاز excellent

جيد good

حاولي مرة اخرى try again

لاتتكلمي stop talking

هدوء be quite

استمعوا listen

اعملوا في جماعة group work

عمل ثنائي pair work

واضح..

كرروا ورائي...repeat after me

كرروا مع بعض>> together

جميعكم... all of you


ولاتنسين تعبيرات وجهك تكون مناسبة وقت التشجيع ووقت الغضب واكثر شي الطالباات يفهمون اشارة اليدين يعني يمكن مايعرفون معنى تعليماتك بس يفهمونها من اشارتك ويتابعونك..

حاولي تحفظين اسماءهم.. واذا ضيعتي الاسم حطي اسم من راسك.. عشان المشرفة تفكرك متذكرة الاسماء ..خخخخ

لاتركزين على طالبات وتتركين غيرهم.. اعطي الكل فرصة.. واذا وقتك ضيق لاتضيعينه مع اللي ساكتين مبلمين..اعطيها فرصةواثنين وان ماعرفت خلي غيرها تجاوب وارجعي لها خليها تكرر الاجابة وان ماعرفت جلسيها ونبهيها انها راح تشارك المرة الجاية ولازم تشد حيلها


بالنسبة لتوزيع وقت الحصة..

تلاقينه بكتاب المعلم.. بس باقولك باختصار:

لاتضيعين وقت اول ماتدخلين في تنظيم الطالبات ادخلي بهيبة عشان مايروح خمس دقايق وهم يطلعون كتب و حركاتهم الاستفزازية.. وانصحك تدخلين بدفتر المتابعه .. بيدك وانتي تشوفين الواجب وكمان وانتي تحلينه معاهم

*خمس دقايق تمرين تشوفين الواجب.. وبعدها تحلينه معاهم عالسريع واذا في جزئية تحتاج كتابة عالسبورة اكتبيها واذا درسك قصير ممكن تخلين الطالبات يكتبون اجابتهم عالسبورة وبسرعه.. بس لاترجرجينهم رج خخخخ..

*خذي التاريخ من افواه الطالبات والعنوان..

* مهدي لدرسك في عشر دقائق بالصور والفلاش كاردز واي شي انتي محضرته لهم..

* اشرحي الدرس حسب الوقت المعطى في كتاب المعلم.. لان دروس المحادثة وقتها غير وقت القرامر غير الكتابة..

*ختمي بالتطبيق في كم دقيقة واعطي فكرة عن الواجب.. وخلي للطالبات خمس دقايق قبل يضرب الجرس عشان يكتبون او يستفسرون منك اذا في استفسارات..
ولي عودة لو تذكرت شي ثاني

موفقة ياااااااااااااااااااااارب

[سعودية للأبد]

يعطيك العافيه ماقصرتي ,,

بس مافهمت ع كتاب المعلم ممكن تقولين لي وقت شرح القرامر والمحادثه والكتابه كل واحد فيهم قد ايه ,,

ومششششششششكوووره ماقصرتي ع التعليمات يعطيك العافيه والله لايحرمك اجرها ^^

[%laila%]

الله يعطيك العافية