بسم الله الرحمن الرحيم
>>عدلت النظارة وتربعت تبغى تتفلسف عليك
اولا لاتخافين ولا تقلقين الامر ابسط بكثير مما تتخيلين..
اهم شي توكلي على الله واقراي الاذكار المعينه على التذكر وتهدأة النفس
ثانيا: اذا دخلتي عالطالبات تذكري انهم مايعرفون نص اللي تقولينه .. يعني تطمني ما بتلاقين انتقادات كثيرة زي معلمات التخصصات الثانية.. ارطني انقلش وماعليك من اطلق شنبه..
ثالثا: اذا دخلتي اكيد بتكونين متوترة.. طبيعي هالشعور.. بس لاتخلينه يبين للطالبات ابدااااااااااااا.. لايحسون فيه
اخلي بوجه بشوش.. الابتسامة البسيطة تريح نفسك وتريح طالباتك.. بس لاتطولين مبتسمة سوي نفسك هيبة..
ندخل الان للي اهم:
اول حصة تدخلين ...تسلمين وتسألينهم عن حالهم وتعرفينهم بنفسك بالانقلش:
good morning>> how are u girls>> iam ....and i will teach u English for this semester..
التحضير على حسب مديرتك ومشرفتك.. اذا يقبلون التحضير الجاهز من النت اسحبيه وبس.. اذا يبغون تعديل عدلي ..
اهم شي لاتحطين اهداف او وسائل وماتكون متوفرة او ماتطبقينها.. يعني لما تنزلينه من النت افتحي الصفحات وعدلي عليها بحيث الاهداف والخطوات والوسائل تكون هي اللي بتسوينها بدون زيادات.
العبارات الصفية المألوفه:
التحية الصباحية.. good morning
افتحي الكتاب صفحه كذ... open your pupils books on page 22
انظري الى السبورة ... look at the board,please,
افتحي كتاب التمارين open your work books
اين الواجب where is your homework
لدينا واجب we have a homework on the work book on page 22
تعالي هنا come here,please
ارجعي مكانك go back please,
من تقرأ who will read
اجيبي عالاسئلة answer the questions
عبارات التشجيع والتنبيه
احسنت well done....... goood....
ممتاز excellent
جيد good
حاولي مرة اخرى try again
لاتتكلمي stop talking
هدوء be quite
استمعوا listen
اعملوا في جماعة group work
عمل ثنائي pair work
واضح..
كرروا ورائي...repeat after me
كرروا مع بعض>> together
جميعكم... all of you
ولاتنسين تعبيرات وجهك تكون مناسبة وقت التشجيع ووقت الغضب واكثر شي الطالباات يفهمون اشارة اليدين يعني يمكن مايعرفون معنى تعليماتك بس يفهمونها من اشارتك ويتابعونك..
حاولي تحفظين اسماءهم.. واذا ضيعتي الاسم حطي اسم من راسك.. عشان المشرفة تفكرك متذكرة الاسماء ..خخخخ
لاتركزين على طالبات وتتركين غيرهم.. اعطي الكل فرصة.. واذا وقتك ضيق لاتضيعينه مع اللي ساكتين مبلمين..اعطيها فرصةواثنين وان ماعرفت خلي غيرها تجاوب وارجعي لها خليها تكرر الاجابة وان ماعرفت جلسيها ونبهيها انها راح تشارك المرة الجاية ولازم تشد حيلها
بالنسبة لتوزيع وقت الحصة..
تلاقينه بكتاب المعلم.. بس باقولك باختصار:
لاتضيعين وقت اول ماتدخلين في تنظيم الطالبات ادخلي بهيبة عشان مايروح خمس دقايق وهم يطلعون كتب و حركاتهم الاستفزازية.. وانصحك تدخلين بدفتر المتابعه .. بيدك وانتي تشوفين الواجب وكمان وانتي تحلينه معاهم
*خمس دقايق تمرين تشوفين الواجب.. وبعدها تحلينه معاهم عالسريع واذا في جزئية تحتاج كتابة عالسبورة اكتبيها واذا درسك قصير ممكن تخلين الطالبات يكتبون اجابتهم عالسبورة وبسرعه.. بس لاترجرجينهم رج خخخخ..
*خذي التاريخ من افواه الطالبات والعنوان..
* مهدي لدرسك في عشر دقائق بالصور والفلاش كاردز واي شي انتي محضرته لهم..
* اشرحي الدرس حسب الوقت المعطى في كتاب المعلم.. لان دروس المحادثة وقتها غير وقت القرامر غير الكتابة..
*ختمي بالتطبيق في كم دقيقة واعطي فكرة عن الواجب.. وخلي للطالبات خمس دقايق قبل يضرب الجرس عشان يكتبون او يستفسرون منك اذا في استفسارات..
ولي عودة لو تذكرت شي ثاني
موفقة ياااااااااااااااااااااارب
المفضلات