مساعده طالبه تربويه ,,عـآجل

**سعودية للأبد** · 10-03-2011, 09:36 PM

السلااام عليكم ,,

أنا طالبه تربوي ومطلوب مني دفتر تحضير مو عارفه أسوي ملف وأسحب من النت ولا لازم دفتر تحضير وأكتب بيدي ,,

سألت الأستاذه اللي بالمدرسه وقالت عادي وأنا أخاف الموجهه يكون لها رأي ثاني المهم اللي عندها خبر أكيد أنو عادي تخبرني لأني ببدء الاسبوع هذا بالشرح أمس نزلت موضوع بس للأسف مانتبهت انو بالفصل الأول والاقتباس متعطل مدري وش فيه ,,,

المهم اللي كنت ابيه ,,

مقدمة دفتر تحضير من أهداف و و و وجدول الحصص وتوزيع المنهج تكفوون ساعدوني انا قلت للاستاذه قالت اسحبي من النت ,,

وكيف أرتب الدفتر وش أحط بالاول وهكذا ,,

عموما المدرسه واصله يونت 10 L 2 كيف اوزع المنهج ,,

وأبيكم تساعدوني بـ class language لأن البنات مايفهمون والدكتوره اللي بالجامعه تقول استخدمو عبارات بسيطه أبي خبرتكم بهالشيء يعني اكثر العبارات اللي تستخدمونها بالكلاس ,,

لـآتطولون علي ^^

يعطيكم العافيه

**وسط الاهداب** · 11-03-2011, 01:22 AM

وعليكم السلام ورحمة الله وبركاته ..

أول شئ الله يعينك حبيبتي لإني مثلك نفس الحآله طالبة ميداني ...

وثاني شئ بالنسبة للتحضير ..

أحنا مايطلع معنا أحد من الكليه لإن الاستااذات بالكليه مررره مشغولات والبااقين دكاتره ..

عشن كذا اللي يقيمنا معلمة الانقلش بنفس المدرسه اللي أنا طالعه لها ..

وقالت لنا : مايحتاج تكتبو تحاضير بيديكم بس أسحبوها من النت ..

وعدلو عليها .. لإن كثير منها فيه أخطاء وبعضها كاتبين أشياء براا درسك ..

عشان كذا لازم تتأكدي ..

وماافيه عندنا توزيع منهج والاشياء اللي ذكرتيها .. بس أسسمي ومعلوماتي بأول دفتر التحضير

وكل أسبوع أطبع تحضير الدرس اللي علي وأنتهى الموضوع ..

أحنا مو معلمات المااده عشان نمسك الخطه الدراسيه ..؟؟

وبالنسبه للغه : بعد قالت لنا أستخدمو لغه بسيطه .. وأنا شرحت مرتين عند أول متوسط أحس إنهم مايفهمون علّي كثييير والله ماني عااارفه شلون لغه بسيطه ..

كل ماقلت كلمه قالوا وش معناتها بالعربي ..؟؟؟ عقدوووني .. <<< بس الحمدلله مادخلت عندي الاستااذه بس زميلتي الناقده ..

أحس إني ما أفدتك بشئ

بس ماحبيت أطلع وأنا مارديت عليك ..

باالتوفيق ياقلبي ..

ودعواتك لي .. الاسبوع الجااي عند ثالث متووسط .. وكل المدرسه يصيحو منهم ومن إزعاجهم .. الله يستر

**سعودية للأبد** · 11-03-2011, 02:34 AM

ههههههههههههههههههههههههه هههه
كلنا بنفس المطب هع

الله يعينا خيتو وان شاء الله تجي مدرسه مخضرمه تفيدنا

بالنسبه لتوضيحك لي انو مدرسه الماده هي اللي تقيم عندي علم بهالشيء بس البلى مو بالمدرسه هذي بسيطه وبيدها بس 20 درجه البلى بالموجهه يقولون ايمان وهي شديده وتبي كل شيء جديد ونحنا عظمنا طري الله يعين فعشان كذا ريحت راسي واخذت دفتر تحضير وبحضر بيدي عشان ماتتفلسف على راسي هي يقولو تحضر مره وحده والدكتوره اللي بالجامعه كمان قالت لنا ناخذ دفتر تحضير ,,

الا صح ماعاد في بنات كليه قصدك سابقا قبل الدمج

المهم بالنسبه للتوزيع والجدول تبع الحصص والاهداف هذي لازم تكون بدفترك تبع التحضير او بملفك من قالك مو ضروري ؟؟

وبعدين نحنا نمسكهم طول الترم الله يعين واللي قلتها لك لازم تكون بدفترك خيتوو ,,

بعدين ماشاء الله ماتركتي مررحله مادرستيها هههههههههه

كذا ضغط عليك ؟؟

انا مسكتني المديره ثالث متوسط وعزالله اني بروح فيها ليته ازعاج بأدب لا وربي ماعاد في بنات

ع الاقل انتي تعودتي وجربتي باولى هه المشكله انا السبت اول تجربه لي والله للحين حايسه مو عارفه شيء أبد

ومشكوره ع المرور خيتو والله يوفقنا جميع

**وسط الاهداب** · 12-03-2011, 01:53 AM

بااين إن نظامنا غير عن نظامكم

والموجهه ماتجينا ولا تدخل علينا ..

وبالنسبه للفصول .. كل أسبوع يتصلح جدول يحطوني عند أي فصل ..

مو شرط واحد أتقيد به ..

إذا ماعندك ماانع حبيبت أسألك غنتي من أي جآمعه ؟؟؟؟

**وسط الاهداب** · 12-03-2011, 01:57 AM

باااين أن نظامنا غير عن نظامكم ..!!

وأحنا الموجهه ماتحضر لنا ولاشئ

والفصول كل أسبوع تتغير على حسب الجدول تبع التربيه ..

يعني مانتقيد بفصل واحد طول الترم ..

طيب سؤال ممكن أعرف أنتي بأي جاامعه <<< إذا ماعندك ماانع