وش الحل مع هـالطالبآت :(

[Miss. BeshoOo]

مساءكم خير ..

احتاج مشورتكم واقتراحاتكم بمشكلة واجهتني مع طالبات الصف الرابع والخامس ابتدائي

عندهم بالمنهج الكتاب مايركز عالقرامر كثير وان اعطاهم قرامر مايجي على شكل قاعده وتمارين ,, لا ,,
يجي مثلا بقطعة ريدنق كلها تستخدم مثلا الزمن الماضي البسيط او الماضي المستمر
والاسئلة والتمارين اللي بعدها تجي اجاباتها كتطبيق على القاعده

يعني الطالبة الفطينه فقط هي اللي تستطيع تتميز ان درسنا كله يتعلق بزمن معين وان فيه قاعده معينه راح نتكلم عنها اليوم ,,

هذا كله مو مشكله انا صرت اخصص لهم حصص اشرح فيها القاعده اللي راح نستخدمها باليونت ونكتب تلخيصها وامثله عليها بالدفتر
لكن المشكله اللي واجهتني هيه افعال الماضي الغير منتظم والماضي المنتظم

البنات ماهم قادرين يفرقون بينهم ودائما يسألوني كيف نعرف ان هذا منتظم وهذا غير منتظم
اعطيتهم مجموعة افعال غير منتظمه وقلت تحفظونهن زي اسمائكم وعملت عليها اوراق عمل واختبارات وحسيت استجابة الطالبات لها مش ولابد
وقلتلهم هذي اللي حفظناها غير منتظم
واي فعل يجيك من برا قائمة الافعال الغير منتظمه هذي اجل هوه منتظم وتطبقين عليه قاعدة اضافة ed

بس لما مسكنا كتاب التمارين بدات تطلع لنا افعال غير منتظمة جديده غير اللي حفظتهن اياها والبنات صاروا يطبقون عليها قاعدة المنتظم على اساس كلامي لهم تعميم القاعده على باقي الافعال
احسهم تلخبطوا وتشتت المعلومة ,,

وانا محتاره مررررره
ماقدرت اعطيهم كل الافعال الغير منتظمه يحفظونها لانها طويله وبترهقهم وبتضيع الحصص
وعطيتهم جزء بسيط تلخيص للي استخدمناها بالكتاب لكن لكل مره يطلع لنا فعل جديد

وش الحل مع هالمشكله
وشلون اعطيهم فكره مبسطة عن الفعل المنتظم والغير منتظم بدون ماارهقهم بالحفظ ؟؟
انا بعد ماابيهم يحفظونها بدون فهم


على فكره ترى المفروض انهم ماخذين قاعده الماضي المنتظم والغير منتظم من صف 3 ابتدائي بس معلمتهم اللي قبلي كانت حاذفه هذي الدروس
فصار الكلام جديد عليهم واول مره يسمعون عنه



اعطوني اقتراحاتكم وافكاركم الله يجزيكم الجنه ..

[البـــدر]

اعيدي شرح اللي الزمن الماضي لهم

بعدين اشرحي المنتظم والغير منتظم

:)

[ܟjust E]

هلآ فيكـ أختي

انتي لآ تلزميهم بحفظ أفعآل محدده خليهآ على حسب الدرس إذآ وآجههم فعل في الدرس اشرحي لهم ..


واتفضلي هآلرآبط بتمنى يفيدكـ في طريقة تدريس القرآمر لهآلمرحله

::grammar for children ::

http://www.stufun.com/index.php?module=index&action=grammar

الله يكون بعونتس و يوفقتس ^^

[رورية]

هلا حبيبتي شوفي انتي لاتحوسينهم بمسالة منتظم وغير منتظم انتي اشرحي القاعدة ان الماضي دائما معه ed بس فيه بعض الافعال ترفض الed وهذي نسميها افعال شاذه(غير منتظمة) يعني تقول انا ماارضى بالed انا راح اتغير كلي وحاولي انهم يحفظو الافعال الدارجة الشائعة ومستخدمة اكثر شئ واذا واجهك فعل غير منتظم جديد قوليلهم الفعل الاصلي منه والفعل الماضي بشكل يجعلهم يستطيعون حل التمرين ويكونون فاهمين انه من الغير منتظمةعشان كذا تغير
وان شاء الله اكون افدتك وماطولت عليك